Koasoandi En Service Mihding

Wihk me Tepida March 10

Koul 84

10 min: Pakair kan en sahpwet. Ekei pakair kan sang Atail Doadoahk Ong Wehio. Koasoanehdi kamwomwada ong kihla Kahn Iroir en March oh doadoahngki padahk kan ni pali 8.

15 min: Paiekihda Pwuhken Pahr en 2003 (2003 Yearbook). Padahk oh tohnmwomwohdiso pahn iang koasoi. Kasalehda ire kesempwal kan sang “Kisinlikou Sang Governing Body.” Koasoanehdi rehn ekei sounkalohk kan mwowe en kasalehda duwen arail ekspiriens kan me kakehlailihala arail pwoson. Kasalehda ekei ire kesempwal kan sang ripoht en kalohk nan sampah pwon. Kangoange peneinei kan en wadek pwuhko ekis ekis pwe ren kak kanokehla pwuhko ni imwin pahret. Kasalehda ahl akan me kitail kak doadoahngki pwuhko en sewese aramas kapw ong sapwellimen Siohwa pwihn oh kangoange irail en iang towehda mihding kan koaros.

20 min: “Kitail Anahne Ngoangki Wia Dahme Mwahu!”a (Parakrap 1-​11) Mwurin ahmw koasoia parakrap 6, koasoanehdi kamwomwada me sounkalohk men pahn luhke emen tohn eh peneinei, mehn mpe, ienge tohnsukuhl, de ienge tohndoadoahk en iang towehda Kataman, ni e doadoahngki doaropwe en luhk. Ma sounkalohk kan nan ahmw mwomwohdiso saikinte kihpeseng doaropwe en luhk ko, kihpeseng rehn sounkalohk kan mwurin mihding.

Koul 7 oh kapakap.

Wihk me Tepida March 17

Koul 14

10 min: Pakair en sahpwet. Ripoht en mwohni.

15 min: Ken Loalokong ni Ahmw Pahn Pilada Ihs Me Ke Pahn Werekiong. Emen elder pahn wia padahk wet me pahn poahsoanda pohn Awake! en February 22, 1997, pali 13, oh pil pwuhken Reasoning pahnangin oaralap me koasoia “Bad Associations” ni pali 189. Kasalehda me kaweid kan me pwarada wasa pwukat kin mwahu ong me pwulopwul oh me laud kan koaros. Kasalehda kamwahupen pilada kompoakpatail kan me kin poakohng Siohwa oh me kin kasalehda me irail nantihong kapwaiada sapwellime kosonned akan.

20 min: “Kitail Anahne Ngoangki Wia Dahme Mwahu!”b (Parakrap 12-​25) Presiding Overseer pahn wia pwais wet. Mwurin parakrap 13, koasoanehdi kamwomwada en wiawi me elder men mwemweitla rehn emen brother me luwet ni paliwar pwehki e mahlahr, oh elder menet kin kawehwehda, ni kadek, duwen koasoandi kan me wiawi nan sounpwong en March, April oh May oh iaduwen tohnmwomwohdiso pilahn en kalaudehla arail ahnsoun kalohk nan sounpwong pwukat.

Koul 25 oh kapakap.

Wihk me Tepida March 24

Koul 33

10 min: Pakair en sahpwet. Koasoanehdi kamwomwada riau pwehn kasalehda iaduwen atail pahn doadoahngki padahk kan ni pali 8 pwehn kihla Watchtower en March 15 oh Awake! en March 22. Nan kamwomwada koaros, sounkalohko pahn kihla Watchtower oh Awake! pwukat koaros, ahpw e pahn koasoia ehute makisihn nanpwungara.

15 min: Anahn en sahpwet.

20 min: Sounkadehdehn Siohwa kan​—Irail kin Wia Kamwahupen Arail Wasahn Kousoan kan. Padahk oh tohnmwomwohdiso pahn iang koasoi. Ekei pak, mie atail ahnsou mwahu kan en kasalehda iaduwen atail kalohk oh mehn kahlemeng mwahu kin wia kamwahupen atail wasahn kousoan kan. Luhke tohnmwomwohdiso en koasoia ire kesempwal pwukat: (1) Kitail kin padahkiong aramas akan me irail en mourki padahk kan en Paipel me pid tiahk mwahu. (2) Kitail kin padahkiong aramas akan en mour mehlel oh wauneki irail me ahneki manaman. (3) Kitail kin padahkiong aramas akan en miniminiong aramas teikan, iangahki irail me kohsang wehi kan weksang irail, oh en dehr lipilipilki aramas akan. (4) Kitail kin sewese meteikan en kamwahuwihala arail mour en peneinei ni atail kin kangoange irail en doadoahngki kaweid sang nan Paipel. (5) Kitail kin padahkiong aramas kid kid kei iaduwen irail pahn sukuhliki nting oh wadawad. (6) Kitail kin nantihong sewese aramas teikan ni ahnsoun melimel, lapake, rerrer en sahpw, de kahpwal teikan me kin lelohng irail. (7) Kitail kin wia uwen atail kak en sewese aramas akan en saledek sang padahk likamw kan me tepisang kaudok likamw.​—Kilang pwuhken Proclaimers, pali 699.

Koul 45 oh kapakap.

Wihk me Tepida March 31

Koul 53

12 min: Pakair kan en sahpwet. Katamankin sounkalohk koaros en kapedolong neirail ripoht en kalohk en March. Kasalehda dahme kitail pahn kihla nan April. Kousapahl artikel me oaralap koasoia: “Dahme Kahrehda Irail Kin Wia Doadoahk Wet?” Oh pil, koasoia ire kesempwal kan nan artikel me oaralap koasoia “Mehn Kataman kan en Katamano.”

13 min: Ekspiriens kan sang pein ahmw wasa. Luhke tohnmwomwohdiso en kasalehda duwen arail ekspiriens kan nan kalohk me irail perenki me wiawi nan sounpwong me ahpwtehn nek (March 2003). Kapinga irail pwehki arail doadoahk laud oh nannanti, oh kangoange irail koaros en wia uwen arail kak en kalaudehla arail kalohk nan April.

20 min: “E Konehng Kitail en Kapinga Siohwa.”c Kasalehda kesempwalpen Kataman. Kasalehda iaduwen koaros kak sewese aramas akan en iang towehda Katamano. Kawehwehda dahme kitail kak wia pwehn kangoange irail me solahr iang kalohk en pwurehng papah Siohwa. Luhke tohnmwomwohdiso kan en kasalehda duwen arail ekspiriens mwahu kan sang Kataman en pahr me ahpwtehn nek.

Koul 49 oh kapakap.

Wihk me Tepida April 7

Koul 85

10 min: Pakair kan en sahpwet.

15 min: Iaduwen Kitail Kak Sewese Aramas Ni Atail Doadoahngki Iren Paipel kan. Tohnmwomwohdiso pahn iang koasoi. Iaduwen kitail kak koahiekla ni atail kalohk ong aramas akan oh kawehwe duwen padahk mehlel? (1) Sukuhliki loalokong pwung sang nan Pwuhk Sarawi ni ahmw pahn kaukaule pein onop oh iang towehda mihding kan koaros. (2) Doudouloale duwen dahme ke sukuhliki, research duwen ekei padahk kan oh kasawih duwen ahl akan me kitail pahn kak wehwehkihla padahk pwukat. (3) Rapahki kaidehn ihte kawehwehn iren Paipel kan ahpw pil kahrepe kan sang Pwuhk Sarawi duwen kawehwe pwukat. (4) Ken medemedewe iaduwen omw pahn kak kawehwe iren Paipel kan ong soangsoangen aramas akan. (5) Medemedewe iaduwen omw pahn kak kihda karasaras kan pwehn kawehwehda mwahu duwen ekei ire kan.

20 min: “Iaduwen Padahk Mehlel Kin Kasaledek Kitailla.”d Pil kasalehda ire kesempwal kan sang koakon ni pali 6 en Watchtower (lokaiahn wai) en October 1, 1998. Luhke tohnmwomwohdiso en kasalehda iaduwen padahk mehlel sang nan Mahsen en Koht a kasaledek irailla.

Koul 97 oh kapakap.

[Nting tikitik me mi pahs]