Kousapahl En Theocratic Ministry Sukuhl
Kitail pahn kousapahlih pasapengpen peidek pwukat nan Theocratic Ministry Sukuhl me pahn wiawi nan wihk me tepida April 28, 2003. Sounapwalih en Sukuhl pahn wia kousapahl wet me reireiki minit 30 oh e pahn poahsoankihda padahk kan me wiawi nan wihk me tepikihda March 3 lel April 28, 2003. [Menlau tehk kanahieng: Ma sohte reference mwurin peideko, met wehwehki me ke anahne wia pein ahmw research pwehn sapeng peideko.—Kilang pwuhken Benefit From Theocratic Ministry School Education, pali 36-37.]
WIEPEN KOASOI
1. Soahng dah kan kak kahrehong emen en sohte wadawad pwung oh sansal? [be p. 93]
2. Pwung de Sapwung: E pahn mwahu ma kitail sohte pahn uhdi ahnsou me kitail pahn wia atail padahk pwehki met pahn kahrehong ahn aramas madamadau en salongala oh irail pil kak lupukedi atail koasoi. Kawehwe.
3. Ia kesempwalpen kasalehda mour en koasoi kesempwal kan ong irail me wia padahk ong tohnmwomwohdiso oh pil ong irail me kin wia wadawad ong wehi pokon? (Nehmaia 8:8) [be p. 101]
4. Iaduwen kitail kak kasalehda mour en koasoi kesempwal kan? [be pp. 102-3]
5. Ia ire kesempwal kan me kitail pahn kasalehda mwahu ahnsou me kitail wadawad ngihl laud sang pwuhk, brochure, makisihn de tract ni atail wia onop en Paipel rehn aramas emen de nan mihding en mwomwohdiso? [be p. 105]
PADAHK KEIEU
6. Dahme pahpa oh nohno kak wia pwehn kaiahne neirail seri kan “en rong kanahieng oh sukuhliki mehkot” ni ahnsou me irail pahn iang towehda mihding en Kristian kan? (Deuderonomi 31:12) [be p. 16]
7. Ia wehwehn paradais en ngehn? [w01 3/1 pp. 8-10]
8. Iaduwen Lepin Padahk 8:1-3 kin kasalehda me aramas koaros kak alehdi erpit me kohsang rehn Koht, oh nin duwen Kolose 2:3 kin kasalehda, iawasa kitail kak diarada erpit wet? [w01 3/15 pp. 25, 28]
9. Iaduwen kitail kak kasansalehda mwaren Koht? (Sohn 17:6) [be pp. 273-5]
10. Soangen ire kesempwal dah kan aramas anahne wehwehki duwen “Rongamwahu en Wehin Koht”? (Madiu 24:14) [be pp. 279-80]
WADAWAD EN PAIPEL EREIN WIHK
11. (a) Nan keieun senturi, “Sansal Kansensuwed Likemisiko” me sansalda nan Mark 13:14 kin karasaraski dah? (b) Ia wehwehn wasao me koasoia me e “uhda nan wasa me e sohte konehng en uhda ie”?
12. Iaduwen Rongamwahu en Luk kasalehda me Sises kin wia kadaudok me kohsang uhdahn peneinei en Depit? (Luk 3:23-38) [w92 10/1 p. 9 par. 3]
13. Ia wehwehn sapwellimen Sises mahsen nan Luk 12:2?
14. Nan sapwellimen Sises karasaras en sens me salongala, dahme kahrehda kitail kak pwuriamweikihla iaduwen tohnleng kan kin mwekidki dahme wiawi? (Luk 15:10) Iaduwen arail mehn kahlemeng mwahu kak kamwekid kitail?
15. Inou riau dah kan me Luk 22:29 kin kasalehda?