Pakair Kan

◼ Dahme kitail pahn kihla nan April oh May: The Watchtower oh Awake! makisihn kan. E pahn mwahu ma sounkalohk kan pahn ndaiong tohnihmw kan me irail kak kihda arail sawas ong doadoahk en kalohk nan sampah pwon ma irail men wia met. Ni ahnsou me ke kilang me aramaso kin perenki rong, ke kak kihong ih Kupwurki brochure, oh nantihong tepida onop en Paipel reh. June: Kitail kak kihla pwuhken Knowledge de Kupwurki brochure. Ma tohnihmw kak naineki pwuhk wet oh brochure wet, ke kak kihla pil ehu brochure me mihmi nan Kingdom Hall me mwahu ong aramaso. July oh August: Sohte lipilipil brochure me mie teh 32 me mihmi nan Kingdom Hall.

◼ E kesempwal ong Branch Ohpis koaros en kolokol doaropwe kan me pahn kasalehda eden Presiding Overseer oh Secretary nan mwomwohdiso me irail kin apwalih, iangahki arail address kan oh neirail nempehn telephone kan. Ma mie mehkot me wekila sang soahng pwukat, Congregation Service Committee pahn audehda, sain oh mwadang kadaralahng Branch Ohpis doaropwe me adaneki “Presiding Overseer/Secretary Change of Address (S-29) form.” Ma area code pahn wekila, e kesempwal en pil audehda, sain oh kadarala doaropwe wet.

◼ E pahn mwahu ma Secretary en mwomwohdiso kan pahn kolokol doaropwe pwukat ahnsou koaros: Application for Regular Pioneer Service (S-205) oh pil Application for Auxiliary Pioneer Service (S-205b). E kak oaht doaropwe pwukat nan Literature Request Form (S-14). E pahn mwahu en kolokol doaropwe pwukat me pahn itar ong sounpahr ehu. Kousapahlih “Regular Pioneer Application form” kan koaros pwehn tehk ma sounkalohk kan audehda doaropwe kan pwung. Ma sounkalohk men sohte kak tamanda rahn me e papidaisla, e pahn mwahu ma e pahn ntingihdi rahn me e lemeleme oh nekidala mwahu pil ehu doaropwe me rahn me e lemeleme kileledi powe.

◼ Katamanpen Kamatalahn Krais en 2004 pahn wiawi Rahn Sarawi, April 4, mwurin kihrlahn ketipin. Mehn kataman wet kin wiawi pwehn kihong brother kan ahnsou ma irail anahne kaunopada mwadang ong rahno (duwehte koasoanehdi wasa kan me irail pahn doadoahngki). Pwehki Kataman kin wia ahnsou me inenen kesempwal, pwihn en elder kan pahn pilada emen me koahiek en wia kapahrek rahno (irail sohte pahn piladahte ihs me wereila sohte wia kapahrek en Kataman).

◼ Ni ahnsou me ke pahn seiloak oh ke men iang towehda mihding kan de kapokon nan ehu sahpw tohrohr, ke kak idek rehn irail me mihmi ni Branch Ohpis me apwalih wasao me ke men mwemweitla ie pwe ren kak kehsehkin uhk duwen rahn kan oh kuloak depe oh iawasa mihding oh kapokon pahn wiawi. Address kan en Branch Ohpis kan mihmi nan Pwuhken Pahr (Yearbook) ni pali 256. Se men katamankin irail koaros me pahn seiloak en wahda noumwail passport oh pil doaropwe kan me ke pahn anahne.