Koasoandi En Service Mihding

Wihk me Tepida October 13

Koul 96

10 min: Pakair kan en sahpwet oh ekei pakair sang Atail Doadoahk Ong Wehio. Kangoange koaros en doadoahngki peidek kan ni pali 1 pwe en kousapahlih ire kesempwal kan me irail ntingihdi sang Kapokon me oaralap koasoia “Kalinganahda Koht” pwehn kak koasoia ire kesempwal pwukat ni Service Mihding en wihk kohkohdo. Koasoanehdi kamwomwada kan pwehn kak kasalehda iaduwen kitail pahn kak kihla Kahn Iroir en October 2003 ni atail pahn doadoahngki padahk ni pali 8. Nan kamwomwadao, kasalehda dahme kitail kak nda ma tohnihmw pahn nda, “I sohte perenki rong.”​—Tehk pwuhken Reasoning, pali 16.

20 min: “Papah Siohwa Ni Peren.” a (E pahn mwahu ma koaros pahn wahdo neirail Atail Doadoahk Ong Wehio (insert) en January 2002 pwe ren kak tehk audepe kan.) Mwurin amwail koasoia parakrap 4, kasalehda me nan November, kitail pahn kihla Kupwurki brochure oh pwuhken Knowledge. Kousapahlih ni mwotomwot duwen ekei padahk kan nan insert en Atail Doadoahk Ong Wehio en January 2002. Mwurin mwo, koasoanehdi kamwomwada pwe riemen en praktis padahk me ira pilada en doadoahngki. Kangoange koaros en kaunopada mwahu ong kalohk.

15 min: Onop Paipel Rehn Aramas akan Kin Wahdo Kapai kan. Padahk oh tohnmwomwohdiso pahn iang koasoi. Kasalehda ekei ekspiriens kan sang neitail pwuhk kan me kasalehda iaduwen ekei aramas kin kekeirada mwahu ni pali ngehn pwehki arail onop Paipel. (w00 3/1 p. 6; yb98 pp. 55-​60) Luhke tohnmwomwohdiso en koasoia duwen dahme irail sukuhliki sang ekspiriens pwukat oh iaduwen kitail kak paiekihda onop Paipel rehn aramas akan.

Koul 76 oh kapakap.

Wihk me Tepida October 20

Koul 39

5 min: Pakair kan en sahpwet.

40 min: “Kapokon en District oh International kan Kamwekid Kitail en Kalinganahda Koht!” Emen elder pahn wia pwais wet. Mwurin tepin koasoi me reireiki minit ehu de mwotomwot sang, ke pahn mweidohng tohn mwomwohdiso en kasalehda duwen ire kesempwal kan me irail sukuhliki ni Kapokono ni e pahn doadoahngki peidek kan nan artikelo. Koasoanehdi ahmw ahnsou pwe ken kak wia peidek kan koaros, mweidohng emente en koasoia duwen ekei peidek kan. Ke sohte anahne kilang iren Paipel koaros ahnsowo; iren Paipel pwukat mihmi nan artikelo pwehn kak diarada pasapeng kan. E pahn mwahu ma nan atail pasapeng kan, kitail pahn kasalehda iaduwen kitail kak doadoahngki dahme kitail sukuhliki.

Koul 47 oh kapakap.

Wihk me Tepida October 27

Koul 21

12 min: Pakair kan en sahpwet. Ripoht en mwohni. Katamanki sounkalohk kan en kapedolong neirail ripoht en kalohk en October. Kangoange koaros en kousapahlih ire kesempwal kan me irail ntingihdi sang Kapokon en Rahn Tohrohr nan pahr me ahpwtehn nek pwe en kaunopada ong Service Mihding en wihk kohkohdo. Koasoanehdi kamwomwada riau pwe en kasalehda iaduwen kitail kak kihla Watchtower en October 15 oh Awake! en October 22 ni atail pahn doadoahngki padahk kan ni pali 8. Nan padahk pwukat, sounkalohko pahn kasalehda makisihn riau pwukat ahpw e pahn koasoia ehute. Nan ehu kamwomwada, kasalehda iaduwen kitail kak pwurehng pwurala rehn emen me kitail kin kalap kihong makisihn kapw kan. Kitail kak koasoanehdi dahme kitail pahn koasoia ehu rahn ni atail pahn kasalehda koakono me koasoia “In Our Next Issue.”​—Tehk Atail Doadoahk Ong Wehio en October 1998 pali 8, pars. 7-8.

18 min: Ke Kin Kolokolete Ahmw Inou En Pwurehng Pwurala Rehn Aramas akan? Padahk oh tohnmwomwohdiso pahn koasoi oh padahk wet pahn poahsoanda pohn Watchtower en September 15, 1999, pali 10-⁠11, pahnangin sawaspen oaralap me koasoia “Other Ways to Keep Our Promises.” Ni ahnsou me kitail diar aramas akan me perenki rong nan kalohk, kitail kin ndaiong irail me kitail pahn pwurehng pwurala rehrail. Ahpw, iaduwen​—⁠kitail kin pwurehng pwurala rehrail nin duwen me kitail inoukihong irail? Kousapahlih kaweid akan sang Paipel me pahn kamwekid kitail en kolokol atail inou kan me kitail kin wiahda. Luhke tohnmwomwohdiso en koasoia arail ekspiriens kan me kasalehda me irail ale kapai kan pwehki irail mwadang pwurehng pwurala rehn aramas akan.

15 min: Ekspiriens en sahpwet. Luhke tohnmwomwohdiso en kasalehda duwen arail ekspiriens kan ni arail kalohk ni ahnsou me irail seiloaklahng Kapokon en District de kalohk ni ahnsou sohte lipilipil wasahn doadoahk, de ni imwen sukuhl, de wasa teikan.

Koul 65 oh kapakap.

Wihk me Tepida November 3

Koul 23

5 min: Pakair kan en sahpwet.

15 min: Anahn en sahpwet.

25 min: Kepwehpwehkihla Wiewia Mwahu kan. (1 Tim. 6:​18) Emen elder pahn doadoahngki peidek kan me kileledi wasaht oh kousapahlih ire kesempwal kan me pwarada nan Kapokon en Rahn Tohrohr me wiawi nan pahr en kalohk me ahpwtehn neko. Luhke tohnmwomwohdiso en kasalehda iaduwen irail doadoahngki dahme re sukuhliki. (Ke kak koasoanehdi mwowe rehn ekei tohnmwomwohdiso duwen mehnia peidek me irail pahn koasoia.) Koasoia duwen padahk pwukat: (1) “Wiewia Mwahu kan Kin Wahdohng Kitail Kapai Laud.” (Eklesiasdes 2:​11) Dahme kahrehda ladun Koht kan kin nantihong wiewia mwahu kan me kileledi nan Mahsen en Koht sang arail kedirepwki wiewia en sampah kan? (2) “Kepwehpwehkihla Kupwuren Koht.” (Madiu 6:​20) Iaduwen ekei ‘kepwehpwehkihla pai en nanleng,’ oh ia kamwahupe kan me irail alehdi? (3) “Kamwahuwihala oh Kalaudehla Ahmw Doadoahk en Kalohk Ni Ahmw Onop Paipel Rehn Aramas.” (om p. 91) Dahme kak sewese kitail en tepida onop Paipel rehn aramas akan oh kaukaule onop rehrail? (4) “Wiewia Mwahu kan Nan Ahnsoun Rahket.” (Madiu 13:37-​39) Karasepen wiewia mwahu dahieu irail Kristian en mahs oko wiahda, oh iaduwen doadoahk en kalohki Wehio laudla nan atail ahnsou? (5) “Ahmw Wiewia Mwahu kan en Kihong Kaping ong Siohwa.” (Madiu 5:​14-​16) Iaduwen ekei ahr kin ‘kasalehda arail marain’? (6) “Kapinga me Pwulopwul kan ki Arail Wiewia Mwahu en Kapinga Siohwa.” (Melkahka 148:12, 13) Iaduwen Kristian pwulopwul kan nan atail mwomwohdiso kin kapinga Siohwa? (7) “Kaukaule Wia Doadoahk Mwahu kan oh Dolungada Sapwellimen Siohwa Kapai kan.” (Lepin Padahk 10:22) Ni atail kin kedirepwki wiewia mwahu kan, soangen kapai dah kan kitail kak alehdi nin duwen emenemen kitail, nin duwen peneinei, nin duwen mwomwohdiso, oh nin duwen pwihn en Siohwa nan sampah pwon?

Koul 80 oh kapakap.

[Nting tikitik me mi pah]