Kousapahl En Theocratic Ministry Sukuhl
Kitail pahn kousapahlih pasapengpen peidek pwukat nan Theocratic Ministry Sukuhl me pahn wiawi nan wihk me pahn tepida February 23, 2004. Sounapwalih en Sukuhl pahn wia kousapahl wet me reireiki minit 30 oh e pahn poahsoankihda padahk kan me wiawi nan wihk me tepikihda January 5 lel February 23, 2004. [Menlau tehk kanahieng: Ma sohte reference mwurin peideko, met wehwehki me ke anahne wia pein ahmw research pwehn sapeng peideko.—Kilang pwuhken Benefit From Theocratic Ministry School Education, pali 36-37.]
WIEPEN KOASOI
1. Dahme kitail kak wia pwe irail me rongorong atail padahk kan pahn kak wehwehki iaduwen irail kak doadoahngki audepen padahko nan pein arail mour oh iaduwen padahko pahn kak sewese irail? [be p. 158 pars. 2-4]
2. Dahme kahrehda kitail anahne en kanahieng ni atail pahn pilada mwahu lepin lokaia kan me kitail pahn doadoahngki? [be p. 160 par. 1 oh keriaun koakon]
3. Wiepen koasoi kesempwal dahieu me sansalda nan pwuhken 1 Korint 14:9, oh iaduwen kitail kak doadoahngki mouren kaweid wet ni ahnsou me kitail kin wiahda atail padahk kan? [be p. 161 pars. 1-4]
4. Nan pwuhken Madiu 5:3-12 oh Mark 10:17-21, ia ehu wiepen koasoi kaselel me Sises doadoahngki me kitail kak alasang oh doadoahngki? [be p. 162 par. 4]
5. Ni atail kin iang doadoahk en kalohk de iang pasapeng nan mihding en mwomwohdiso, dahme kahrehda e kesempwal kitail en doadoahngki lepin lokaia kan me kin kasalehda atail ngoang oh pepehm loal kan? (Madiu 23:37, 38) [be p. 163 par. 3–p. 164 par. 1]
PADAHK KEIEU
6. Ia wehwehn oaralap en padahk, oh ma kitail pahn tamataman oaralap en atail padahk, iaduwen met kak sewese kitail ni atail pahn pilada oh koasoanehdi ire kesempwal kan en atail padahk kan? [be p. 39 par. 6–p. 40 par. 1]
7. (a) Ia wehwehn mwakelekel ni pali ngehn, oh dahme kahrehda mwakelekel ni pali ngehn kin keieu kesempwal sang soangen mwakelekel kan koaros? (b) Iaduwen Kristian akan kak liksang tiahk samin kan me pali laud en tohnsampah kin perenki? [w02 2/1 pp. 5-6]
8. Sang kaweid akan me kin ntingdi nan Pwuhk Sarawi, mehnia kaweid kan me keieu kesempwal? [w02 2/15 p. 5 pars. 1, 4, 6]
9. Ia wehwehn “empathy,” oh iaduwen Sises kin kasalehda irair wet? [w02 4/15 p. 25 pars. 4-5]
10. Iaduwen Lepin Padahk 11:11 kin pidada mwomwohdiso kan en sapwellimen Siohwa aramas akan? [w02 5/15 p. 27 pars. 1-3]
WADAWAD EN PAIPEL EREIN WIHK
11. Nan pwuhken Senesis 2:9, ia wehwehn “tuhkehn komour”?
12. Dahme kahrehda ahn Lohd pwoud mehlahr? (Sen. 19:26) [w90 4/15 p. 18 par. 10]
13. Nan kokohp en Senesis irelaud 24, ihs me kin rasehng (a) Eipraam, (b) Aisek, (c) ahn Eipraam ladu, Eliasar, (d) mahn kamel ehk, oh (e) Repeka?
14. Iaduwen—Koht ketin koasoanehdi dahme pahn wiawiong Seikop oh Esau? (Sen. 25:23)
15. Ni ahl dahieu me Resel wia mehn kahlemeng mwahu nin duwen emen me kin nanti laud oh Siohwa kin ketin kapaiada ih? (Sen. 30:1-8) [w02 8/1 pp. 29-30]