Doadoahngki Mwahu Handbill kan
1 Handbill kan en mwomwohdiso kin mwahu ong kehsehki aramas akan duwen wasa me Kingdom Hall kin mih ie oh kuloak depe mihding en mwomwohdiso kan kin tepida. Ihme kahrehda e pahn mwahu ma ehu ehu mwomwohdiso en mie neirail handbill tohto.
2 Ahpw, iaduwen kitail kak doadoahngki neitail handbill kan? Sounkalohk tohto kin diarada ma irail pahn kihong aramas akan handbill, met kin sewese kitail en tepiada koasoi rehn aramas teikan. Ma kitail pahn padahkiong irail duwen ahnsoun mihding kan de koasoiong irail duwen koasoi kan me ntingihdi nan doaropwe en luhk wet, met pahn kak kamwekid kitail en koasoiong tohnihmwo duwen atail doadoahk en kalohk. Pahpa oh nohno kan pil kak sewese neirail seri pwulopwul kan en kihla handbill kan ong tohnihmw akan. Sounkalohk kan me kin kalohk ong aramas teikan ni ahr kin ntingihdi kisinlikou kan ong irail, pil anahne kihong nan envelope handbill ehu oh luhke aramaso en iang towehda mihding kan. Kitail kak kihdi handbill ni ihmw akan me sohte towe, ahpw kitail anahne kihdi handbill pahn wenihmw kan, wasa me aramas teikan sohte kak kilang.
3 Handbill kan kin sewese aramas mehlel kan en pedolong nan padahk mehlel. Eri, kitail kak kaukaule doadoahngki neitail handbill kan ni atail kin wia atail doadoahk en kalohk.—2 Tim. 4:5.