Koasoandi En Service Mihding

Wihk me Tepida July 12

Koul 61

12 min: Pakair kan en sahpwet. Ekei pakair kan sang Atail Doadoahk Ong Wehio. Koasoanehdi kamwomwada me pahn kasalehda iaduwen kitail kak kihla Kahn Iroir en July ni atail doadoahngki padahk me mihmi ni pali 4. Kasalehda dahme kitail kak nda ma emen pahn ndaiong kitail met: “Dahme kahrehda kumwail kin kohdohn kalohk reht ahnsou koaros?”​—Kilang pwuhken Reasoning, pali 20.

18 min: “Kahlemengih Sapwellimen Siohwa Irair en Kopwungpwung.”a Luhke tohnmwomwohdiso en koasoia iren Paipel kan ma mie ahnsou.

15 min: Sewese Seri kan en Kompoakepahnki Koht. Padahk wet pahn poahsoanda pohn brochure me oaralap koasoia: Ke Kak Kompoakepahnki Koht! Tohnmwomwohdiso pil kak iang koasoi. Tapwin peneinei tohto kin koasoia duwen brochure wet rehn neirail seri kan. Luhke tohnmwomwohdiso en kin iang koasoia duwen ire kan me kin sewese seri kan en kakairada nanpwung mwahu rehn Siohwa. Koasoanehdi emen pahpa de nohno en wia kamwomwada me pahn kasalehda iaduwen pahpa/nohno kan kak onop rehn neirail seri kan ni arail doadoahngki ehu iren mehn kasukuhl sang nan brochure wet.

Koul 7 oh kapakap.

Wihk me Tepida July 19

Koul 97

10 min: Pakair en sahpwet. Koasoia duwen kesempwalpen kolokol koasoandi mwahu en wadawad en Paipel rahn koaros, oh met pil kesempwal mendahki atail koasoandi kak wekila nan summer (June, July oh August). Kasalehda ire kesempwal kan sang Watchtower (lokaiahn wai) en August 15, 2000, pali 32.

15 min: Anahn en sahpwet.

20 min: “Wia Onop en Paipel Rehn Aramas akan Ni Ahl me Pahn Sewese Irail en Kekeirada Mwahu​—Pali 1.” Sounapwalih en Kalohk pahn wia padahk wet. E pahn mweidohng tohnmwomwohdiso en kasalehda ire kesempwal kan sang nan pwuhken Proclaimers, pali 572-574, me kin kasalehda iaduwen koasoandi en onop Paipel rehn aramas akan tepida oh ia mwomwen koasoandi wet mwamwahula nan atail ahnsou. Sewese tohnmwomwohdiso en kekeirada arail kasikasik artikel kan me pahn kohda nan Atail Doadoahk Ong Wehio nan sounpwong kohkohdo kan me pid oaralap wet. Nan sounpwong kohkohdo kan, kitail pahn koasoia duwen soahng pwukat: iaduwen kitail kak kaunopada ong onop Paipel rehn aramas akan, iaduwen kitail kak sewese aramas me kitail onop Paipel reh en kak kaunopada ong onopo, ia uwen me kitail pahn sukuhliki sang nan pwuhk de brochure me kitail pahn onopki, iaduwen kitail kak doadoahngki iren Paipel kan ni ahl me keieu mwahu, iaduwen kitail kak sapeng peidek kan me aramaso kin wia, iaduwen kitail kak kawehwe ni ahnsou me kitail pahn tepida kapakap rehn aramaso, oh iaduwen kitail kak kahluwala aramaso nan sapwellimen Siohwa pwihn sansal. Kangoange sounkalohk koaros en doadoahngki mehn sawas kan oh nekidala mwahu artikel pwukat pwe kitail en kak pwurehng wadek oh kousapahlih ehu rahn.

Koul 5 oh kapakap.

Wihk me Tepida July 26

Koul 16

12 min: Pakair kan en sahpwet. Ripoht en mwohni. Katamanki sounkalohk kan en kapedolong neirail ripoht en kalohk en July. Koasoanehdi kamwomwada pwehn kasalehda iaduwen kitail kak kihla Watchtower en July 15 oh Awake! en July 22 doadoahngki padahk kan ni pali 4. Nan ehu kamwomwada, kasalehda iaduwen sounkalohk men kak kihla makisihn ong aramas emen me e tuhwong nanial me sohte nohn ese de wehwehki ahmw lokaia.

8 min: Koakon en Peidek. Emen elder pahn wia pwais wet. Wadek oh koasoia artikel wet pwon.

25 min: “Iaduwen Kitail Kak Kalohk Nan Wasahn Pisnis kan.”b Kasalehda duwen koasoandi en nan ahmw mwomwohdiso ong kalohk nan pisnis kan. Koasoanehdi kamwomwada mwotomwot kan me kin kasalehda iaduwen kitail kak doadoahngki padahk kan nan parakrap 4 oh 5 oh pil ehu padahk me kin doadoahk mwahu nan ahmw wasa. Ma mie ahnsou, luhke tohnmwomwohdiso en kasalehda arail ekspiriens mwahu kan ni ahnsou me re kalohk nan wasahn pisnis kan.

Koul 49 oh kapakap.

Wihk me Tepida August 2

Koul 13

8 min: Pakair en sahpwet.

22 min: Ke Kin Kihda Kahrepe Mwahu kan? Padahk wet pahn poahsoanda pohn pwuhken Benefit From Theocratic Ministry School Education, pali 254, parakrap 1-2. Ni ahnsou me kitail kin kawehwe duwen iren Paipel kan nan kalohk oh pil nan atail padahk kan nan Kingdom Hall, met pahn pweida mwahu ma kitail pahn kihda kahrepe mwahu kan ong dahme kitail koasoia, kaidehn ihte wadek iren Paipel kan oh nda dahme ireo koasoia. Doadoahngki karasepe kan sang pwuhken Reasoning oh pil pwuhk teikan me konehng ahmw wasahn kalohk, oh kasalehda iaduwen kitail kak (1) kasalehda mehnia lepin lokaia kan me kesempwal nan iren Paipel kan, (2) kihda mehn kadehde kan me kohsang irelaudohte de pil ehu iren Paipel me kin pidada oaralap me ke koasoia, (3) doadoahngki karasaras kan me kin kasalehda duwen kawehwe me ke wia, oh (4) doadoahngki peidek kan pwehn sewese sounrongorong kan en wehwehki duwen ireo. Kasalehda duwen kamwahupen kawehwe mwahu oh kihda kahrepe mwahu kan.

15 min: Ekspiriens en sahpwet. Luhke tohnmwomwohdiso en kasalehda arail ekspiriens mwahu kan ni ahnsou me irail iang doadoahk en Auxiliary Pioneer, de ni ahnsou me irail wia soangen doadoahk ngenin teikan.

Koul 12 oh kapakap.

[Nting tikitik me mi pahs]