Pakair Kan

◼ Dahme kitail pahn kihla nan July oh August: Sohte lipilipil brochure me mie teh 32 me mihmi nan Kingdom Hall. September: Nei Pwuhk en Poadoapoad kan en Paipel. October: Watchtower makisihn kan. Ni ahnsou me ke pahn pwurehng pwurala rehn aramas men me kin perenki rong, ke kak idek reh ma e men onop Paipel ni amwa pahn doadoahngki pwuhken Loalokong de brochure me oaralap koasoia Dahme Koht Kupwurki Kitail en Wia?

◼ Tepida nan September, Sounapwalih en Circuit kan pahn wia Kapahrek ong wehi pokon me oaralap koasoia “Kilanglahng Ahnsou Kohkohdo Ki Pwoson oh Eimah.”

◼ Nan sounpwong en March, tohn mwomwohdiso kan me mih pahnangin Guam Branch kin onop Paipel rehn aramas 2,924. Met wia kekeirada kapw ong mwomwohdiso kan me mih pahn epwelpen Guam Branch Ohpis. E konehng en kapinga sounkalohk koaros me kasalehda arail ngoangki doadoahk en kalohk oh onop Paipel rehn aramas akan.

◼ Ni ahnsou me kitail kin kalohk wasa kan me sounkalohk sohte kin kalap kalohk ie, sounkalohk kan kak kihla Kupwurki brochure de pwuhken Loalokong. E pahn mwahu ma sounkalohk kan pahn wahda soangsoangen tract kan pwehn kihdi ni ihmw kan me sohte towe oh pil kihong irail me sohte kin ale pwuhk, brochure de makisihn kan. Sounkalohk kan pahn wia uwen arail kak en pwurehng pwurala rehn irail me kin perenki rong de telephone lahng irail.

◼ E kesempwal ong Branch Ohpis en kolokol doaropwe kan me pahn kasalehda eden Presiding Overseer oh Secretary nan mwomwohdiso me irail kin apwalih, iangahki neirail address kan oh nempehn telephone kan. Ma mie mehkot me wekila sang soahng pwukat, Congregation Service Committee pahn audehda, sain, oh mwadang kadaralahng Branch Ohpis doaropwe me adaneki “Presiding Overseer/Secretary Change of Address” (S-29 form).

◼ E pahn mwahu ma Secretary en Mwomwohdiso kan pahn kin kolokol soangen doaropwe pwukat ni uwe ieu me itar ahnsou koaros: Application for Regular Pioneer Service (S-205) oh Application for Auxiliary Pioneer Service (S-205b). E kak oahte doaropwe pwukat nan Literature Request Form (S-14).

◼ Mwohn Secretary en Mwomwohdiso a pahn kadarala application en Regular Pioneer ong Branch Ohpis, e anahne tehk mwahu ma sounkalohko audehda soahng koaros me anahne. Ma sounkalohko sohte kak taman rahn me e papidais, e kak medemedewe mehnia rahn oh pahr me e lemeleme me e papidaisla oh ntingihdi nan doaropwe oh nekidala doaropweo mwahu. Secretary anahne ntingihdi rahno me sounkalohko lemeleme e papidaisla oh ntingihdi nan doaropweo me adaneki Congregation’s Publisher Record card.

◼ Ni ahnsou me kitail pahn seiloaklahng nan sahpw teikan oh kitail men ese duwen rahn oh kuloak en arail mihding kan oh rahn akan me kapokon kan pahn wiawi wasao, e pahn mwahu en idek rehn Guam Branch Ohpis duwen soahng pwukat.