Koakon En Peidek

◼ Iaduwen kitail kak ale pein neitail Watchtower (Kahn Iroir) oh Awake! makisihn kan?

Pwehki koasoandi en subscription en makisihn oh pil subscription en audiocassette kan en makisihn kan uhdi nan pahr teio, sounkalohk koaros kak ale neirail makisihn kan, audiocassette kan, oh MP3 CD kan sang nan mwomwohdiso. Ihte irail me maskun me kin oaht neirail makisihn (Braille) oh audiocassette kan kak ale neirail makisihn kan oh audiocassette kan pwehki soahng pwukat Society sohte anahne pwainda stamp ong soahng pwukat pwehki re kohwong me maskun kan. Ahpw, mwomwohdiso kan kak oaht makisihn kan, audiocassette kan oh MP3 CD kan nan doaropwehn oaht me ede: Congregation Requests (M-202) form. Mwomwohdiso pil kak doadoahngki doaropwehn oaht ma re men oaht pwuhk, brochure, makisihn de tract ni lokaia teikan oh pil oaht pwuhk kan me kin doadoahngki de wiawihda mesen nting laud.

Ma emen nan ahmw wasahn kalohk men kaukaule ale nah makisihn kan, eri menlau wahla makisihn kan koaros reh. Irail me piskenlahr kan kak ale neirail makisihn kan, pwuhk kan, brochure kan oh tract kan ni wasahn pwuhk oh makisihn nan Kingdom Hall. Sounkalohk kan sohte pahn wahla makisihn kan ong irail me piskenlahr kan.

United States Branch pahn kadarala makisihn kan (subscription) ong aramas kante me sohte kak ale neirail makisihn kan sang sounkalohk kan nan mwomwohdiso. Ma Congregation Service Committee kin kapedolong doaropwe en subscription ong emen me sohte kak ale nah makisihn kan sang sounkalohk kan, eri Secretary en Mwomwohdiso anahne ntingihdi kisinlikou kis pwehn kak kasalehda me “Congregation Service Committee” tehkier mwahu duwen irair en aramaso oh diaradahr me aramaso sohte kak ale nah makisihn kan sang sounkalohk kan.

Met wehwehki me sounkalohk kan sohte pahn pein nting ong Branch Ohpis oh peki subscription ong pein irail. Ma Branch Ohpis pahn ale kisinlikou en peki subscription sang sounkalohk men de emen aramas me perenki rong, Branch Ohpis pahn uhd kadarala kisinlikou pwukat ong mwomwohdiso.

◼ Iaduwen emen nan imweteng kak ale nah makisihn kan?

Ma mie mwomwohdiso me kin kak apwalih doadoahk en kalohk wasao me imweteng mih ie oh sounkalohk kan kak kihdi makisihn kan wasao, eri tohn kalapwuhs kan kak ale neirail Watchtower oh Awake! makisihn kan sang sounkalohk kan me kin kalohk wasao. Ma met sohte kak wiawi, tohn kalapwuhs men me men ale nah makisihn kak ntinglahng Branch Ohpis oh pekihda ma e kak ale nah subscription. Irail tohn kalapwuhs me piskensang mwomwohdiso pil kak ale neirail makisihn kan ni arail pahn pil ntinglahng Branch Ohpis oh pekihda ma re kak ale neirail subscription.