En Alehte Kamwahu kan me Kohsang The Watchtower oh Awake! Makisihn kan
Pwehki met se solahr pahn kadarala The Watchtower oh Awake! makisihn kan nin duwen subscription, kitail anahne tehk me pein kitail, oh irail me kitail kin kalohk ong, pahn ahnsou koaros ale makisihn koaros.
Pein Neitail Makisihn kan: Ni ahnsou me ahmw subscription pahn expire, ke kak kalaudehla ahmw oaht nan mwomwohdiso ni ahmw pahn tuhwong brother me kin apwalih makisihn kan nan mwomwohdiso. Pahpa oh nohno kan anahne tehk me re oaht itar makisihn pwe koaros nan arail peneinei pahn naineki pein neirail copy. Ma ke pahn ntingihdi edomw pohn kilin makisihn, e pahn sewese iuk pwe ke sohte pahn kihla pein noumw copy nan kalohk. Ni ahnsou me koakon en makisihn kan pahn leledo, brother kan me apwalih makisihn kan anahne mwadang kihong nan koakon kan me kolokol makisihn ong emenemen sounkalohk nan mwomwohdiso.
Irail me Kin Kalap Ale Makisihn kan: Sounkalohk kan pahn nantihong pwurehng pwurala rehn irail me kin perenki wadek makisihn kan pwe ren kak ale ehuehu makisihn me kin kohdo. Ni ahnsou me sounkalohk kan kin pein kihong aramas pwukat neirail makisihn, e pahn kihong sounkalohk pwukat arail ahnsou mwahu en sewese aramas pwukat ni pali ngehn oh tepida onop Paipel rehrail.—Kilang Atail Doadoahk Ong Wehio, October 1998, pali 8.
Irail akan me Ahneki Anahn Tohrohr: Ma aramas emen kin uhdahn perenki wadek makisihn kan ahpw kin kousoan nan wasahkis me mwomwohdiso saikinte pwukoahki, aramaso kakete ale makisihn kan sang mail subscription. Oh pil, ma aramas emen me kin mihmi nan wasahn kalohk en ehu mwomwohdiso ahpw sounkalohk kan sohte kak kalap kihong ih makisihn kan pwehki apwal ahpw aramaso uhdahn kin wadek makisihn kan oh perenki, ke kak koasoiong Congregation Service Committee duwen met. Ma re pahn pwungki, ke kak wiahla subscription ong aramaso. Ke kak doadoahngki “standard subscription forms” (M-1 oh M-101) ong met.
Se likih me Siohwa uhdahn pahn kapaiada ahmw nannanti koaros pwehn kak pakairkiseli Wehin Koht ni ahmw pahn kihseli The Watchtower oh Awake! makisihn kan.