Koasoandi En Service Mihding
Wihk me Tepida August 9
10 min: Pakair kan en sahpwet oh ekei pakair kan sang Atail Doadoahk Ong Wehio. Koasoanehdi kamwomwada pwehn kasalehda iaduwen kitail kak kihla Kahn Iroir en September ni atail doadoahngki padahk ni pali 8. Katamanki tohnmwomwohdiso en wahdo neirail copy en Kupwurki brochure wihk kohkohdo ong Service Mihding.
15 min: “Ke Kak Ale Kapai kan Pwehki Ke Kin Lelepek oh Kanengamah.”a Koasoia duwen ire kesempwal kan nan Watchtower [lokaiahn wai] en December 15, 2000, pali 22-23, parakrap 15-18.
20 min: Doadoahngki Tract kan Pwehn Tepida Onop Paipel Rehn Aramas akan. Padahk wet pahn poahsoanda pohn Atail Doadoahk Ong Wehio en December 2002, pali 3-4 oh tohnmwomwohdiso pil kak iang koasoi. Kasalehda me kitail kak wekidala atail koasoandi en onop de atail ahnsoun onop ong anahnepen tohnsukuhlo, nin duwen me parakrap 5 kasalehda. Koasoanehdi kamwomwada ehu de riau me doadoahngki iren sawas kan nan parakrap 8-10. Ma mie pil ehu padahk me kin pweida mwahu nan pein ahmw wasa, kawehwe duwen padahko oh koasoanehdi kamwomwada me pahn kasalehda padahko. Luhke tohnmwomwohdiso en kasalehda duwen arail ekspiriens kan ni ahnsou me re doadoahngki tract me oaralap koasoia Ke Men Kalaudehla Ahmw Wehwehki Paipel?
Koul 30 oh kapakap.
Wihk me Tepida August 16
10 min: Pakair en sahpwet.
15 min: Kakairada Noumw Seri kan Nan Padahk Mehlel. Padahk wet pahn poahsoanda pohn pwuhken Peneinei, pali 119-122. Kasalehda duwen dahme pahpa oh nohno kak wia pwehn sewese neirail seri kan en wiahda nanpwung mwahu rehn Siohwa ni arail pahn doadoahngki kaweid sang pwuhko nan pein arail mour.
20 min: “Wia Onop en Paipel Rehn Aramas akan ni Ahl me Pahn Sewese Irail en Kekeirada Mwahu—Pali 2.”b Koasoanehdi kamwomwada me reireiki minit 5. Sounkalohk men peki sawas sang elder men iaduwen e kak sewese aramas me e kin onop reh en kekeirada ni pali ngehn. Eldero kasalehda me kahrepe ehu me kin kak kerempwa en emen kekeirada ni pali ngehn iei met: sounkalohko me wia onop rehn aramaso kin koasoakoasoia soahng kan me sohte nohn kesempwal de soahng kan me sohte pid iren mehn kasukuhlo. Ni eldero doadoahngki Iren Mehn Kasukuhl 9 en Kupwurki brochure, e kin kasalehong sounkalohko iaduwen e pahn (1) kasalehda mwahu ire kesempwal kan nan onop, (2) doadoahngki iren Paipel kan ni ahl me mwahu, oh (3) doadoahngki iren mehn kasukuhlo ong anahn en tohnsukuhlo. E kasalehda me kitail anahne kaunopada mwahu ehu ehu ahnsou me onop kin wiawi.
Koul 38 oh kapakap.
Wihk me Tepida August 23
15 min: Pakair en sahpwet. Ripoht en mwohni. Ma iren sawas kan me kileledi ni pali 8 konehng wasahn kalohk ong ahmw mwomwohdiso, koasoanehdi kamwomwada pwehn kasalehda iaduwen kitail kak kihla Watchtower en August 15 oh Awake! en August 22. Ke kak koasoanehdi kamwomwada me pahn kasalehda pil ekei padahk kan. Kasalehda duwen koasoandi en sawas.
10 min: “Koasoandi Kapw en Kousapahlih Prokram en Kapokon kan.” Padahk wet pahn poahsoanda pohn artikel me mihmi ni pali 4. Tohnmwomwohdiso pahn iang koasoi.
20 min: Kihla Pwuhken Nei Pwuhk en Poadoapoad en Paipel nan September. Padahk oh kamwomwada kan. Kasalehda duwen dahme aramas kin nda duwen kamwahupen pwuhk wet. (km 8/82 p. 4) Kawehwe ekis duwen audepen pwuhko, oh kasalehda ire kan me aramas nan ahmw wasahn kalohk pahn perenki. Kasalehda padahk ehu me mengei en doadoahngki me pahn kohsang pwuhken Reasoning de pwuhken Our Kingdom Ministry, ehu iren Paipel, oh ehu ire sang pwuhken Nei Pwuhk en Poadoapoad en Paipel. Koasoanehdi emen sounkalohk koahiek en wia kamwomwadao.
Koul 98 oh kapakap.
Wihk me Tepida August 30
10 min: Pakair kan en sahpwet. Katamanki sounkalohk kan en kapedolong neirail ripoht en kalohk en August.
15 min: “Ministerial Training School—Ahl Mwahu me Kin Ritingadahng Brother kan Soangen Elen Pwukoa Tohto.” Padahk oh tohnmwomwohdiso pahn iang koasoi. Kasalehda duwen ire kesempwal kan sang nan Pwuhken Pahr 2004 (2004 Yearbook), pali 239-240. Kasalehda me ni Kapokon en Circuit, mihding pahn wiawi ong irail me men iang Ministerial Training School. Kangoange irail me kak en iang mihding wet.
20 min: Iaduwen Ke Paiekihda? Tohnmwomwohdiso en iang koasoi. Kousapahlih iren sawas kan me pwarada nan Atail Doadoahk Ong Wehio nan pahr en kalohk me ahpwtehn nek: Ntingihdi dahme ke pahn tepin nda nan kalohk pohn doaropwe ieu. (km 10/03 p. 8) Kihda kaping me mehlel oh kin kasalehda mehkot me aramaso wia. (km 11/03 p. 1) Kalohk ni ahnsou kan me pali laud en aramas akan mihmi ni imwarail kan. (km 12/03 p. 1) Koasoanehdi ahnsou kan ong wadek Paipel, kaunopada ong mihding kan, oh kalohk. (km 1/04 p. 4) Doadoahngki brochure me oaralap koasoia: “See the Good Land” ni ahnsou me ke wia pein ahmw onop oh wadawad en Paipel. (km 3/04 p. 2) Koasoanehdi ahmw mehn akadei en wadek Paipel pwon. (km 4/04 p. 1) Kalohk nan wasahn pisnis kan. (km 7/04 p. 4) Doadoahngki tract kan en tepida onop en Paipel rehn aramas akan. (km 8/04 p. 2) Luhke tohnmwomwohdiso en kasalehda iaduwen irail paiekihda iren sawas pwukat.
Koul 90 oh kapakap.
Wihk me Tepida September 6
5 min: Pakair kan en sahpwet.
15 min: Anahn en sahpwet.
25 min: “Kasalehda Ngenin Pioneer.”c Interview, ni mwotomwot, pioneer emen de riemen. Mweidohng irail en kasalehda iaduwen arail pahpa/nohno, elder kan, de meteikan kangoange irail en Regular Pioneer.
Koul 83 oh kapakap.
[Nting tikitik me mi pahs]
a Tepin koasoi pahn mwotomwot sang minit ehu, oh mwurin mwo, peidek oh pasapeng kan.
b Tepin koasoi pahn mwotomwot sang minit ehu, oh mwurin mwo, peidek oh pasapeng kan.
c Tepin koasoi pahn mwotomwot sang minit ehu, oh mwurin mwo, peidek oh pasapeng kan.