Branch Letter

Ong Sounkalohk en Wehio kan:

Mie sawas laud me iei misihn en wiahda pwuhk kan me ahpwtehn kohwong wasahn wiahda pwuhk kan nan Wallkill. Misihn riau kapw ahpwtehn koakonokonpene oh wie doadoahk, oh misihn pwukat kak wiahda makisihn 90,000 nan awa ehu, oh pil misihn kan en wiahda kilin pwuhk kekeluwak wie doadoahk met oh re kak wiahda kilin pwuhk 120 nan minit ehu. Pwehki wasahn wiahda pwuhk kan kosoula sang Brooklyn ong Wallkill, ihmw laud me mihmi 360 Furman Street kak netla. Ahnsou wet, riatail brother kan kedirepwki onehda ihmw me mihmi 117 Adams Street pwe ekei department kan me mahs kin mihmi 360 Furman Street kak kosoulahng 117 Adams Street.

Pwehki wasahn wiahda pwuhk kan kosoula sang Brooklyn ong Wallkill, brother oh sister 300 samwa anahne pil kosoula Wallkill. Oh pil, irail me 100 samwa me kin toukihda pein arail ahnsou pwehn iang apwalih computer kan anahne pil kosoula sang Brooklyn ong Wallkill, oh met kahrehda department me adaneki “Information Systems Department” kosoula sang Wallkill ong Brooklyn.

Sounpwong kan en Kataman (February, March, April) kin wia ahnsou ehu me kumwail koaros me doadoahk pahnangin Branch Ohpis en Guam kin ngoangki luhke aramas koaros en iang towehda Kataman. Kumwail meh 490 iang doadoahk en Auxiliary Pioneer nan March, oh pil kekeirada kapw en irail me iang Katamanpen Kamatalahn Krais meh 5,787.

Se kin iang kumwail “soupisengki doadoahk en Kauno” ni atail pahn pousehla atail doadoahk nan pahr en kalohk en 2005.​—1 Korint 15:58.

Riomwail brother kan,

United States Branch Ohpis