Koasoandi En Service Mihding

Wihk me Tepida October 11

Koul 63

10 min: Pakair kan en sahpwet. Ekei pakair kan sang Atail Doadoahk Ong Wehio. Kangoange koaros en doadoahngki peidek kan ni pali 1 en kousapahlih ire kesempwal kan sang Kapokon en District me oaralap koasoia “Iang Koht Kekeid” pwehn kaunopada ong Service Mihding en wihk kohkohdo. Koasoanehdi kamwomwada kan me pahn doadoahngki iren sawas kan ni pali 8 (ma konehng nan ahmw wasahn kalohk) pwehn kasalehda iaduwen kitail pahn kihla Watchtower en October 15 Watchtower oh Awake! en October 22. Kangoange sounkalohk kan en doadoahngki iren Paipel ehu nan arail padahk. Sounkalohk kan pil kak doadoahngki padahk teikan me kin pweida mwahu.

15 min: Perenki Sewese Meteikan. (Sohn 4:​34) Interview kan. E kin kaperen en kilang aramas emen a perenki sukuhliki padahk mehlel sang nan Mahsen en Koht. (w94 3/1 p. 29 pars. 6-7) Interview sounkalohk (de pioneer) riemen de silimen me kin pweida mwahu ni arail doadoahngki Paipel nan kalohk oh tepida onop en Paipel rehn aramas akan. Iaduwen irail kin sewese aramas en kekeirada arail ineng en sukuhliki Paipel? Soangen peren dah kan irail kin diar ni arail wia met? Mweidohng irail en koasoia de wiahda kamwomwada me pahn kasalehda duwen ekspiriens mwahu kan me wiawi nan kalohk.

20 min: “Doadoahk Tohrohr en Kihpeseng Brochure Kapw.”a Sounapwalih en Kalohk pahn wia pwais wet. Koasoanehdi kamwomwada kan me pahn kasalehda iaduwen kitail kak doadoahngki padahk kan. Nan ehu kamwomwada, tohnihmwo pahn sohte nohn perenki rong padahko, kahrehda sounkalohko pahn kihong ih tract a kaidehn brochure kapwo.

Koul 58 oh kapakap.

Wihk me Tepida October 18

Koul 51

5 min: Pakair en sahpwet. Ni mwotomwot, kousapahlih koasoandi kan me pid atail doadoahk tohrohr en kihpeseng brochure kapwo.

40 min: “Kapokon en District Kin Kamwekid Kitail en Iang Koht Kekeid.” Emen elder pahn wia pwais wet. Mwurin tepin koasoi me pahn reireiki minit ehu de mwotomwot sang, kangoange tohnmwomwohdiso en sapeng peidek kan me sansal nan artikel wet me pid duwen prokram en kapokono. Koasoanehdi ahmw ahnsou pwehn kak koasoia mwahu peidek koaros, ele mwein ekei peidek kan: emente me pahn kihda pasapengpen peideko. Kaidehn iren Paipel koaros kak wadawadi; ahpw iren Paipel kan ntingdi nan artikel wet pwehn sewese tohnmwomwohdiso en diar pasapengpen peidek kan. Pasapeng kan pahn pidada kamwahupen atail doadoahngki nan atail mour dahme kitail sukuhliki.

Koul 90 oh kapakap.

Wihk me Tepida October 25

Koul 26

10 min: Pakair en sahpwet. Ripoht en mwohni. Koasoanehdi kamwomwada en kihla brochure kapwo me pweida mwahu nan pein amwail wasahn kalohk. Ma mie ahnsou, mweidohng sounkalohk kan en koasoia duwen arail ekspiriens kan sang doadoahk tohrohr en kihpeseng brochure kapwo.

15 min: Anahn en sahpwet.

20 min: Kihda Mehn Kadehde Pwehn Utungada Mahsen en Koht. Padahk wet pahn poahsoanda pohn pwuhken Benefit From Theocratic Ministry School Education, pali 256-257 oh tohnmwomwohdiso kak iang koasoi. Iaduwen kitail kak doadoahngki mehn kadehde kan sang pwuhk kan likin Paipel en sewese aramas akan wehwehki duwen kawehwe pwung en Pwuhk Sarawi? Luhke tohnmwomwohdiso en sapeng peidek pwukat: Soangen mehn kadehde dah kan nan uhdahn lahng me kin kasalehda me mie Sounkapikadahn mehkoaros? (rs pp. 85-6) Iaduwen kitail kak doadoahngki dahme aramas loalokong kan kin nda pwehn sewese aramas en wehwehki me Paipel iei Mahsen en Koht? (rs pp. 62-4) Soangen karasaras dah kan me kitail kak doadoahngki pwehn sewese aramas en wehwehki dahme kahrehda Koht kin mweidohng suwed en mihmihte? (rs p. 429) Soangen ekspiriens de karasepe dah kan me ke kak doadoahngki pwehn sewese aramas en wehwehki me e wia elen loalokong en idawehn kaweid sang nan Paipel?

Koul 29 oh kapakap.

Wihk me Tepida November 1

Koul 2

10 min: Pakair kan en sahpwet. Katamanki koaros en kapedolong neirail ripoht en kalohk.

20 min: Iaduwen Kitail Kak Sewese Irail kan me Kin Doadoahngki Ehu Lokaia Tohrohr Sang Kitail. Padahk wet pahn poahsoanda pohn booklet kapw me oaralap koasoia Good News for People of All Nations, pali 2 me koasoia “How to Help Those Who Speak Another Language.” Kasalehda pil ekei wasa kan nan booklet kapw wet. Kasalehda duwen ewen kahk siluh me kitail kak wia pwehn sewese aramas me kin doadoahngki lokaia ehu me kitail sehse. Kasalehda ire kesempwal kan sang Atail Doadoahk Ong Wehio en July 2003, pali 4. Kasalehda me sounkalohk kan kak audehda doaropwe en Please Follow Up (S-43) ni ahnsou me aramaso sohte kin kasalehda me e perenki rong duwen Wehio. Koasoanehdi kamwomwada me pahn kasalehda iaduwen kitail kak doadoahngki booklet kapw wet.

15 min: Ekspiriens sang kalohk nan pein ahmw wasa. Luhke tohnmwomwohdiso en kasalehda duwen arail ekspiriens kan ni arail iang doadoahk tohrohr en kihpeseng brochure kapwo. Koasoanehdi kamwomwada kan me pahn kasalehda dahme uhdahn wiawi nan kalohk. Ma brochure kan me mihmi nan Kingdom Hall wie malaulaula, peki rehn tohnmwomwohdiso en kapwurehlahng wasahn pwuhk kan brochure kan me sounkalohk kolokol oh saikinte doadoahngki.

Koul 78 oh kapakap.

[Nting tikitik me mi pah]