Kousapahl En Theocratic Ministry Sukuhl
Kitail pahn kousapahlih pasapengpen peidek pwukat nan Theocratic Ministry Sukuhl me pahn wiawi nan wihk me pahn tepida December 27, 2004. Sounapwalih en Sukuhl pahn wia kousapahl wet me reireiki minit 30 oh e pahn poahsoankihda padahk kan me wiawi nan wihk me tepida November 1 lel December 27, 2004. [Menlau tehk kanahieng: Ma sohte reference mwurin peideko, met wehwehki me ke anahne wia pein ahmw research pwehn sapengla peideko.—Kilang Benefit From Theocratic Ministry School Education, pali 36-37.]
WIEPEN KOASOI
1. Ia ehu ahl me keieu mwahu me pahn kahrehong aramas en men rong duwen oaralap ieu? [be p. 218 par. 3]
2. Ntingihdi soangen irair limau me pahn wiaiong kaimwiseklahn ahmw padahk en kamwekid madamadau en sounrongorong kan. [be p. 220 par. 4–p. 221 par. 4]
3. Iaduwen kitail kak ese ma atail koasoia kan kin mehlel? [be p. 224 koakon]
4. Iaduwen kitail kak ese ma atail padahk kan oh kamwomwada kan nan mihding kin kasalehda atail pohnese me mwomwohdiso kin wia “uhr oh poahsoanpen padahk mehlel”? (1 Tim. 3:15) [be p. 224 pars. 1-4]
5. Ni ahnsou me kitail kin rong nuhs, aramas nda mehkot, oh ekpiriens kan, iaduwen kitail kak doadoahngki kaweid en Lepin Padahk 14:15? [be p. 225 par. 1]
PADAHK KEIEU
6. Iaduwen kitail kak ese pahr depe nanpwungen pahr me Nohliko wiawi oh pahr me Siohwa kapikada Adam? [si p. 286 par. 12]
7. Iaduwen kitail kak ese mehnia pahr Sises tepida sapwellime doadoahk en kalohk, oh iaduwen kitail ese me sapwellimen Sises doadoahk en kalohk wiawihte sounpahr siluh elep? [si p. 291 par. 16]
8. (a) Mehnia pahr me “pakair kohda duwen onohnsapahl en Serusalem”? (b) Pahr depe nanpwungen pahr en pakair duwen onohnsapahl en Serusalem oh pahr me e sansal me Sises iei ih Mesaia? (Dan. 9:24-27) [si p. 291 pars. 18-19]
9. Dahme kin pidada peki mahk rehn emen me pahn imwikihla ‘kapwungala oh kamwahuwihala nanpwungamwa’? (Madiu 5:23, 24) [w02 11/1 p. 6 pars. 1, 5]
10. Dahme kitail kin sukuhliki sang 2 Nanmwarki 13:18, 19 duwen atail kapwaiada pwukoa kan me Koht kin ketikihong kitail? [w02 12/1 p. 31 pars. 1-2]
WADAWAD EN PAIPEL EREIN WIHK
11. Dahme kahrehda mehn Israel kan kak kihong mehn liki kan me kousoan rehrail de netikihong mehn liki teikan soangen mahn me nta sohte kohsang me pein irail sohte kak kang? (Deud. 14:21)
12. Dahme kitail kak sukuhliki sang Deuderonomi 20:5-7?
13. Dahme kahrehda aramas me kihsang “takai en ngidarpene wahntuhke kan pwe en wia kadehdepen lohno” kin duwehte kihsang “ah mour”? (Deud. 24:6)
14. Pwe mehn Israel kan keinapwih sang kang wih, ia wehwehn arail kang “wih en sihpw wol kan”? (Deud. 32:13, 14)
15. Nan atail ahnsou, dahme pahrekiong wiewiahn dihp me Akan wia? (Sosua 7:1-26) [w86 12/15 p. 20 par. 20]