Pakair Kan

◼ Dahme kitail pahn kihla nan January: Sohte lipilipil pwuhk en mahs ko me mihmi nan Kingdom Hall. February: Sohte lipilipil pwuhk en mahs ko me mihmi nan Kingdom Hall. March: Loalokong Me Pahn Kahluwalahng Mour Soutuk de Ke Kak Mour Kohkohlahte Nan Paradais Nin Sampah. April: Kahn Iroir makasihn de Dahme Koht Kupwurki Kitail en Wia?

◼ Mwomwohdiso kan anahne wiahda koasoandi mwahu kan ong kasarawi Katamanpen Kamatalahn Krais Ni Epeng, March 24, mwurin kihrlahn ketipin. Kapahreko kak tepida mwadang, ahpw pass-seli pilawa oh wain pahn awih lao lel ketipin kihrlahr. Tehk rehn irail kan nan pein ahmw wasa me kin ese kuloak depe ketipin pahn kihrla rahno pwehn koasoanehdi kuloak depe Kataman pahn tepida. E pahn mwahu ma ehu ehu mwomwohdiso kak wia pein arail Kataman. Ahpw, met sohte kak wiawi ahnsou koaros. Ni ahnsou me mwomwohdiso tohto sang ehu kin doadoahngki Kingdom Hall ehute, e pahn mwahu ma ekei mwomwohdiso kan pahn rapahki pil ehu wasa en kasarawi arail Kataman. Ma kak, e pahn mwahu en koasoanehdi minit 40 (de reirei sang) nanpwungen Kataman kan pwe aramas koaros kak paiekihda Kapahrek me pahn wiawi.

◼ Tepida nan February, oh sohte pwand sang March 6, Kapahrek ong Wehi Pokon kapw me Sounapwalih en Circuit kan pahn wia iei “Doadoahngki Atail Loalokong Nan Sampah Pweipwei wet.”

◼ Nan ehu Service Meeting nan March, kitail pahn koasoiapene video me oaralap koasoia David—He Trusted in God. Video wet mihmi nan DVD me oaralap koasoia Noah Walked With God—David Trusted in God. Ke kak oaht noumw DVD sang brother kan me kin apwalih pwuhk kan oh irail pahn oaht DVD ko iangahki oaht en mwomwohdiso ni imwin sounpwonget.