Doadoahngki Tepin Padahk me Aramas Pahn Perenki
Atail nsenohki aramas pahn kamwekid kitail en song en kasawihada arail anahn akan oh kasalehong irail me Wehin Koht me pahn kamwahuwihala soangen kahpwal kan me irail ahneki. (Pilipai 2:4) Tepin padahk me sounkalohk tohto kin kilang me kin pweida mwahu iei en idek rehn tohnihmw duwen ah madamadau ong kilel kan en Paradais me mihmi nan neitail pwuhk kan, brochure kan, makasihn kan oh tract kan, duwehte kilel kan me kileledi wasaht. Ke kak wia met ni ahmw pahn doadoahngki tepin padahk pwukat:
◼ “Ke lemeleme kitail pahn ehu rahn kilang aramas akan mour nan soangen irair kan duwehte me mihmi nan kilel wet?”
◼ “Kitail koaros mwahuki neitail seri kan en mihmi nan soangen sampah duwehte kilel wet. Dahme ke lemeleme me anahn pwe irair pwukat en kak pweida sampah?”
◼ “Met wia kilelepen sampah ni ahnsou me kupwuren Koht pahn wiawi sampah duwehte nanleng. Ke kilang mehkot nan kilel wet me weksang irair en rahnwet?”
◼ “Ke men iang mour nan soangen wasa me duwehte me kilelehdi wasaht? [Mweidohng en sapeng.] Ke lemeleme met pahn wiawi erein atail mour nin sampah?”
Rong mwahu dahme aramaso pahn nda ni ah pahn sapeng peidek pwukat, oh wia peidek ehu de riau pwehn wehwehki duwen ah madamadau. Ma ekei kasalehda me irail sohte men mour nan soangen irair oko de re sohte kamehlele me met kak wiawi, ken dehr mwadang medewe me aramas pwukat sohte perenki rong. Ni ahl kadek, idek rehrail ia kahrepe re ahneki soangen madamadauo. Ahnsou me re kasalehda kahrepe, mwein e pahn sansal me re inenen nsenohki kahpwal laud kan me kin lelohng aramas akan.—Esekiel 9:4.
Ni ahmw pahn kasawih dahme tohnihmwo kin nsenohki de pwunodki, kawekila ahmw padahk pwehn kak dokedoke ah anahn akan. Kasalehda iaduwen Wehin Koht pahn kaitarala ah anahn akan. Kasalehiong ih iren Paipel ehu de riau me pahn dokedoke dahme e kin nsenohki de pwunodki. (Tehk ire kan me kileledi wasaht.) Kasalehing ih dahme Mahsen en Koht kasalehda. Ma e perenki rong, idek reh ma e men ale pwuhk de brochure me ke kasalehda oh koasoanehdi ahnsoun pwurala reh. Nantihong sewese ih en kekeirada ni pali ngehn.
[Kilel nan Pali 6]
Kilel kan en Paradais
Paieki Mour brochure: kili
Kompoakepahnki Koht brochure: kili
Pwuhken Loalokong: pali 4-5, 188-189
Pwuhken Mour Kohkohlahte: pali 11-13
Nai Pwuhk en Poadoapoad kan en Paipel: Poadoapoad 115
Kupwurki brochure: pali 11, 13
[Kilel nan Pali 6]
Kahpwal akan me Aramas kin Pwunodki
Apwal en ihmw, apwal en mwohni
Aiseia 65:21, 22
Apwal en mwenge, sohte itar ketihnain en paliwar
Melkahka 72:16;
Aiseia 25:6
Duhpek, Lokolok
Melkahka 72:12-14;
Eklesiasdes 8:9
Epwel suwed en mahn akan
Lepin Padahk 12:10
Kauwehla sampah
Kekeiradahn tiahk suwed
Koperment me sohte kak pweida
Melkahka 146:3, 4;
Daniel 2:44
Kopwung sapwung
Aiseia 9:6, 7;
2 Peter 3:13
Lipilipki aramas, sohte pahrekpene nanpwungen aramas
Aiseia 11:3-5;
Mahwen, terrorism
Melkahka 46:8, 9;
Maika 4:3, 4
Mehla, Mwahiei
Aiseia 25:8;
Mwersuwed, tiahk lemei
Melkahka 37:10, 11;
Lepin Padahk 2:21
Pahtou
Melkahka 34:8;
Aiseia 65:17-19
Soumwahu, kahpwal en paliwar
Aiseia 33:24; 35:5, 6