Koasoandi En Service Mihding

Wihk me Tepida February 14

Koul 77

10 min: Pakair kan en sahpwet. Ekei pakair kan sang Atail Doadoahk Ong Wehio. Koasoanehdi kamwomwada pwehn kasalehda iaduwen kitail kak kihla Kahn Iroir en February ni atail doadoahngki padahk ni pali 8. Sounkalohk anahne pil kasalehda duwen koasoandi en sawas.

35 min: “Ahnsoun Kataman​—Ahnsoun Kalaudehla Atail Ahnsoun Kalohk.”a Sounapwalih en Kalohk pahn wia pwais wet. Ni ahnsou me e pahn koasoia duwen parakrap 6, e pahn pil koasoia duwen ire kesempwal kan nan Awake! makasihn en September 8, 2004, pali 12-​13. Pakairki ihs me pahn iang doadoahk en Auxiliary Pioneer nan March. Kasalehda duwen tuhpenehn kalohk kan me elder kan koasoanehdi. Kangoange koaros en kalaudehla arail ahnsoun kalohk nan ahnsoun Kataman (March, April, oh May).

Koul 13 oh kapakap.

Wihk me Tepida February 21

Koul 10

10 min: Pakair kan en sahpwet. Kousapahlih ire kesempwal kan sang koakon ni pali 6 me oaralap koasoia “Sewese Irail Ni Ahmw Pahn Koasoanehdi Pil Emen en Kalohk ong Irail.” Kangoange koaros en audehda doaropwe en “Please Follow Up (S-43) form” mwadang ni ahnsou me e konehng en wia met.

20 min: “Kasalehda Atail Kalahnganki Sapwellimen Siohwa Limpoak-Kadek.”b Pakairki kuloak depe oh iawasa Kataman pahn wiawi, iangahki eden brother me pahn wia padahk oh pil ire kesempwal kan me pid Kataman me anahne pakair. Ni ahnsou me ke koasoia parakrap 4, kasalehda kamwomwada mwotomwot me emen sounkalohk pahn luhke emen me e kin kalapw kihong ih makisihn kapw kan (magazine route) ong Kataman. Brother kan pahn kihpeseng doaropwe en luhk kan mwurin mihding, ma met saikinte wiawi.

15 min: “Wia Onop en Paipel Rehn Aramas akan Ni Ahl me Pahn Sewese Irail en Kekeirada Mwahu​—Pali 6.”c Koasoanehdi kamwomwada me reireiki minit pahieu me kin kasalehda tohnsukuhl en Paipel me wia peidek duwen dahme kahrehda aramas malaulau kang pilawa oh nim wain ni Katamano. Brother de sister me kin onop rehn tohnsukuhlo kapinga ih pwehki e wia peidek mwahu, e ntingihdi peideko, oh ndaiong ih me re pahn koasoiapene duwen ah peideko mwurin ara onop. Ni imwin ara onop, brothero de sistero kin kasalehong tohnsukuhlo en wadek nan pwuhken Reasoning, pali 267-268 me koasoia duwen peidek wet: “Who is to partake of the bread and the wine?” (“Ihs me konehng en kang pilawa oh nim wain ni Katamanpen Kamatalahn Krais?”) Ira koaros pahn wadek wasao, oh tohnsukuhlo pahn kasalehda me e kalahnganki sawas en pwuhko ah sapengala ah peideko ni ahl sansal.

Koul 8 oh kapakap.

Wihk me Tepida February 28

Koul 18

15 min: Pakair kan en sahpwet. Ripoht en mwohni. Katamankin sounkalohk kan en kapedolong neirail ripoht en kalohk en February. Koasoanehdi kamwomwada me pahn kasalehda iaduwen kitail kak kihla Watchtower en February 15 oh Awake! en February 22 ni atail doadoahngki padahk kan ni pali 8. Kasalehda ni mwotomwot me kitail kak kawekila padahk kan pwehn mwahu ong pein atail wasahn kalohk oh anahn en aramas me mihmi nan pein atail wasahn kalohk.​—Kilang Atail Doadoahk Ong Wehio en January 2005, pali 8.

20 min: Kasalehda me Kitail Kin Nsenohki Irail me Luwet kan. (Wiewia 20:35) Mwurin tepin koasoi me reireiki minit ehu, koasoia duwen Watchtower (lokaiahn wai) en July 1, 2004, pali 17-​18, parakrap 12-​16, duwehte kitail kin wia ni onop en Kahn Iroir (peidek/pasapeng). Peki rehn emen brother me koahiek wadawad en wadek parakrap kan. Kasalehda iaduwen kitail kak doadoahngki ire kan ni atail kaunopada ong Kataman oh Kapahrek Tohrohr me pahn wiawi wihk kohkohdo kan.

10 min: Kihla pwuhken Loalokong Me Pahn Kahluwalahng Mour Soutuk de Ke Kak Mour Kohkohlahte Nan Paradais Nin Sampah. Koasoanehdi kamwomwada kan me pahn kasalehda iaduwen kitail kak kihla pwuhk pwukat nan March. Kitail kak tehk padahk kan me kileledi nan Atail Doadoahk Ong Wehio insert en January 2005 de sohte lipilipil padahk me pahn mwahu ong pein atail wasahn kalohk.

Koul 33 oh kapakap.

Wihk me Tepida March 7

Koul 27

10 min: Pakair kan en sahpwet. Kousapahlih ire kesempwal kan sang koakon me oaralap koasoia “Mehn Kataman kan en Katamano.”

15 min: Anahn en sahpwet.

20 min: “Koasoia Duwen Makisihn kan nan Kalohk.”d Ni ahnsou me ke koasoia parakrap 3 oh 4, kasalehda iaduwen kitail kak doadoahngki parakrap pwukat nan pein atail wasahn kalohk. Interview (ni mwotomwot) sounkalohk emen de riemen me kin pweida mwahu ni ara kin kihla makisihn kan nan wasahn pisnis, nanial, nan wasa kan me aramas kin kalap mihmiseli (public places) oh pil kalohk ni ahnsou soh lipilipil. Idek rehra en kawehwe iaduwen ira kin kihla makisihn nan soangen wasa pwukat. Koasoanehdi kamwomwada mwotomwot me pahn kasalehda ia mwomwen ara padahk de kasalehda iaduwen ehu ekspiriens uhdahn wiawi nan kalohk.

Koul 86 oh kapakap.

Tepin koasoi pahn mwotomwot sang minit ehu, oh mwurin mwo, peidek oh pasapeng kan.