Pakair Kan

◼ Dahme kitail pahn kihla nan March: Loalokong Me Pahn Kahluwalahng Mour Soutuk de Ke Kak Mour Kohkohlahte Nan Paradais Nin Sampah. April: Watchtower (Kahn Iroir) makisihn de Dahme Koht Kupwurki Kitail en Wia? May: Watchtower (Kahn Iroir) makisihn de Dahme Koht Kupwurki Kitail en Wia? June: Pwuhken Learn From the Great Teacher de brochure Dahme Koht Kupwurki Kitail en Wia? Kitail en wia uwen atail kak koaros en tepida onop Paipel rehn aramas akan.

◼ Sounkalohk tohto telephonelahng Branch Ohpis pwehki re men wehwehki duwen koul en sarawi en Sounkadehdehn Siohwa kan me wiawihdahr ni sidail en koul en mwehiet oh Sounkadehde tohto nainekier koul pwukat. Irail men wehwehki ma koul pwukat alehdi kamanaman sang sapwellimen Siohwa pwihn. Eri, se men padahkiong kumwail me se wehwehki me mie soangen koul pwukat, ahpw re sohte alehdi kamanaman sang pwihn en Siohwa. Kumwail kalahngan oh dehr kadarseli koul pwukat nanpwungamwail oh dehr pil ale koul pwukat sang nan computer (Internet). Se koapworopworki me met pahn kawehwehdahr mwahu mehkan me pid ire wet.

◼ Katamanpen Kamatalahn Krais pahn wiawi Ni Epeng, March 24, 2005. Ma mihding en ahmw mwomwohdiso kin wiawi Ni Epeng kan, mihding pwukat pahn anahne kosoulahng pil ehu rahn ma sohte me doadoahngki Kingdom Hall rahno. Ma mihding sohte kak kosou, oh Service Mihding en wihko sohte kak wiawi, padahk kan me inenen kesempwal ong ahmw mwomwohdiso kak wiawi nan Service Mihding en pil ehu wihk tohrohr.

◼ Tepida wihk en May 2, 2005, kitail pahn onopki Dahme Koht Kupwurki Kitail en Wia? brochure nan Pwuhk Study en Mwomwohdiso. Menlau nekidala mwahu koasoandi en onop me mihmi nan Atail Doadoahk Ong Wehio en sounpwonget.