Koasoandi En Service Mihding

Wihk me Tepida March 14

Koul 54

10 min: Pakair en sahpwet. Ekei pakair kan sang Atail Doadoahk Ong Wehio. Kangoange koaros en kilang video me ede “David​—He Trusted in God” pwehn kaunopada ong Service Mihding en wihk en April 4. Koasoanehdi kamwomwada me sounkalohk men pahn doadoahngki padahk ni pali 4 pwehn kihla Kahn Iroir en March. Ni imwin ah padahk, e pahn kihla tract me ede Ke Men Kalaudehla Ahmw Wehwehki Paipel? oh e pahn idek rehn tohnihmwo ma e men onop Paipel.

20 min: “E Pahn Kalaudehla ah Kasalehda Paipel!”a

15 min: Pwuhk ehu me Pahn Kak Kakehlailihala Kitail. Mwurin tepin koasoi me pahn reireiki minit ehu de mwotomwot sang, brother me wia pwais wet oh tohnmwomwohdiso kan pahn koasoipene duwen 2005 Yearbook (Pwuhken Pahr en 2005). Ma kitail pahn doudouloale duwen sapwellimen Siohwa wiewia kapwuriamwei kan nan atail ahnsou, kitail pahn karanih Ih oh riatail nan sampah pwon. (Melkahka 77:12-​14) Met kin kakehlailih kitail pwe kitail en kak pelianda Tepil oh “ahneki pwoson kehlail.” (1 Piter 5:​8, 9) E pahn sewese me kapw kan en wehwehki oh kalahnganki sapwellimen Siohwa pwihn. Luhke tohnmwomwohdiso en kasalehda ire kan me re perenki sang arail wadek 2005 Yearbook. Koasoanehdi mwowe emen de riemen ma kak koasoia iaduwen irail kin koasoanehdi arail ahnsou en wadek neirail Pwuhken Pahr.

Koul 47 oh kapakap.

Wihk me Tepida March 21

Koul 60

10 min: Pakair en sahpwet.

15 min: “Wia Onop en Paipel Rehn Aramas akan Ni Ahl me Pahn Sewese Irail en Kekeirada Mwahu​—Pali 7.”b Ni ahnsou me ke pahn kaunopada ong pwais wet, e pahn mwahu en wadek Watchtower (lokaiahn wai) en July 15, 2002, pali 27, parakrap 5-6.

20 min: Dahkot Armakedon? Mwurin tepin padahk me pahn reireiki minit ehu de mwotomwot sang, brothero me pahn wia pwais wet oh sounrongorong kan pahn wia peidek oh pasapeng. Pwais wet pahn poahsoanda pohn pwuhken Reasoning, pali 44-49. Luhke sounrongorong kan en kihda pasapengpen peidek kan ni nting toantoal, oh re kak pil koasoia duwen iren Paipel kan. Kasalehda iaduwen kitail kak doadoahngki ire pwukat nan kalohk.

Koul 76 oh kapakap.

Wihk me Tepida March 28

Koul 61

10 min: Pakair kan en sahpwet. Wadek ripoht en mwohni oh “donation acknowledgments.” Katamankin koaros en kilang video me ede “David​—He Trusted in God” pwehn kaunopada ong Service Mihding en wihk kohkohdo. Kangoange koaros en luhke aramas me kin perenki rong pwehn ren kak iang towehda Kapahrek Tohrohr me pahn wiawi April 10. Kasalehda dahme kitail pahn kihla nan April oh May.

15 min: Anahn en sahpwet.

20 min: Doadoahngki Watchtower oh Awake! makisihn kan. Kousapahlih iren sawas kan ong iaduwen kitail kak kalaudehla atail kihla makisihn kan nan Atail Doadoahk Ong Wehio en February 2005, pali 8. Kasalehda duwen ire kan nan makisihn kapw kan me kitail kak doadoahngki pwehn koasoiong aramas akan. Koasoanehdi kamwomwada pwehn kasalehda iaduwen kitail kak kihla Watchtower en March 15 oh Awake! en March 22 ni atail doadoahngki padahk kan ni pali 4 (ma padahk kan mwahu ong aramas nan ahmw wasahn kalohk). Pil kak kasalehda ekei padahk kan me kin pweida mwahu nan ahmw wasahn kalohk. Nan ehu padahk, kasalehda sounkalohk men me wia Return Visit ong emen me e kin kalap wahla nah makisihn kapw kan (magazine route). Ni kaimwiseklahn ah padahk, e pahn doadoahngki kilin Watchtower en March 15 (back cover) pwehn katamankin tohnihmwo duwen Kataman me pahn wiawi. Nan padahk koaros, kawehwehda duwen koasoandi en sawas.​—Kilang The Watchtower, pali 2, de Awake! pali 5.

Koul 39 oh kapakap.

Wihk me Tepida April 4

Koul 59

5 min: Pakair kan en sahpwet.

15 min: Limpoakpene Nanpwungamwail. (Sohn 13:35) Emen elder pahn wia padahk wet me pahn poahsoanda pohn Watchtower (lokaiahn wai) en February 1, 2003, pali 15-​18, parakrap 10-​21 (Kahn Iroir en August 1, 2003, pali 13-16, parakrap 10-21). Nin duwen kitail wadek wasao me kasalehda dahme kitail pahn kihla nan April oh May, e kin kangoange kitail en nantihong tepida onop en Paipel rehn irail me onopkiher pwuhken Loalokong oh Kupwurki brochure. Kasalehda iaduwen sounkalohk kan kak miniminiong elder kan ni arail sewese irail me luwet ni pali ngehn.

25 min: “Video ehu me Kesempwal oh Katapan Ahnsou Koaros.” Wadek Melkahka 91:2 oh 31:14, oh koasoi ekis duwen iren Paipel pwukat. Mwuri, brother me wia pwais wet oh tohnmwomwohdiso pahn koasoipene duwen peidek kan me pid duwen video wet me mihmi nan parakrap riau oh siluh. Mwuri, idek rehn peneinei kan en kasalehda iaduwen re paiekihda ni arail iang wia “Learning Activities” nan DVD. Brothero pahn kaimwisekla ah padahk ni e pahn wadek Melkahka 56:11.

Koul 15 oh kapakap.

[Nting tikitik me mi pahs]