Koasoandi En Service Mihding
Wihk me Tepida May 9
10 min: Pakair kan en sahpwet. Ekei pakair sang Atail Doadoahk Ong Wehio. Koasoanehdi kamwomwada me pahn kasalehda iaduwen kitail kak kihla Kahn Iroir en May ni atail doadoahngki padahko ni pali 8. Koasoanehdi pil ehu kamwomwada me kin kasalehda pil ehu padahk. Nan ehu kamwomwada, sounkalohk pahn kasalehda duwen kalohk ni ahnsou sohte lipilipil.
15 min: Doadoahngki Mahsen en Koht Pwehn Sair Mohngiong en Aramas akan. Padahk wet poahsoanda pohn Watchtower (lokaiahn wai) en February 1, 2005, pali 28-31. Kasalehda iaduwen Sises doadoahngki iren Paipel kan pwehn sewese Piter. Koasoia iaduwen kitail kak idawehn mehn kahlemeng mwahu en Sises ni ahnsou me anahne kapwungala madamadau oh pepehm en neitail seri kan, atail Paipel Study kan, oh pein kitail.
20 min: “Wiahda Koasoandi en Peneinei me Mwahu.” Ni ahnsou me brother pahn wia tepin padahk wet erein minit riau, e pahn kasalehda kesempwalpen ntingihdi koasoandi en peneinei oh kasalehda iaduwen tohnmwomwohdiso pahn audehda koasoandi me kileledi ni pali 6. Mwurin mwo, doadoahngki peidek kan en koasoia duwen artikel me oaralap koasoia “Koasoandi en Peneinei—Mihding en Mwomwohdiso kan.” Luhke tohnmwomwohdiso en kasalehda iaduwen irail sohte kin mweidohng kedirepw teikan en kauwehla arail iang towehda mihding kan koaros. Kitail pahn koasoia pil ekei irair kan me pid duwen koasoandi en peneinei nan wihk kohkohdo kan.
Koul 13 oh kapakap.
Wihk me Tepida May 16
10 min: Pakair kan en sahpwet.
15 min: “Koasoandi en Peneinei—Kalohk Nin Duwen Peneinei.”a Luhke tohnmwomwohdiso en kasalehda kamwahupen kaukaule tohnpeneinei en ehupene nan kalohk.
20 min: “Wia Onop en Paipel Rehn Aramas akan Ni Ahl me Pahn Sewese Irail en Kekeirada Mwahu—Pali 9.”* Ni ahnsou me ke pahn koasoia parakrap 2, ke kak kasalehda ire kesempwal ehu de riau sang Atail Doadoahk Ong Wehio en December 2004, pali 8. Koasoanehdi kamwomwada mwotomwot en Paipel Study. Mwurin ira kanokehla Iren Mehn Kasukuhl 2 nan Kupwurki brochure, brother/sister pahn wia peidek ong tohnsukuhlo: “Iaduwen ke kak kawehwe ong kompoakepahmw duwen mwaren Koht?” Tohnsukuhlo pahn kawehwe me e pahn doadoahngki Melkahka 83:18, oh mwurin mwo, brother/sister pahn kapinga ih.
Koul 26 oh kapakap.
Wihk me Tepida May 23
12 min: Pakair kan en sahpwet. Wadek ripoht en mwohni oh donation acknowledgments. Koasoanehdi kamwomwada me kasalehda iaduwen kitail kak doadoahngki padahk kan ni pali 8 (ma konehng ong ahmw wasahn kalohk) pwehn kihla Watchtower en May 15 oh Awake! en May 22. Sounkalohk kan kak doadoahngki pil ekei padahk kan me kin pweida mwahu.
18 min: “Rahnen Siohwa Kerendohr.”b Ni ahnsou me brother pahn kaunopada ong padahk wet, e kak tehk pwuhken Daniel’s Prophecy, pali 59, parakrap 28.
15 min: “Koasoandi en Peneinei—Onop en Peneinei.”c Koasoanehdi mwowe pwe emen de riemen en kasalehda iaduwen ira kin koasoanehdi ara koasoandi en onop en peneinei oh dahme re anahne wia pwe sohte mehkot pahn kauwehla onop wet en wiawi ahnsou koaros.
Koul 65 oh kapakap.
Wihk me Tepida May 30
10 min: Padair en sahpwet. Katamankin sounkalohk kan en kapedolong neirail ripoht en kalohk en May. Kasalehda duwen dahme kitail pahn kihla nan June. Koasoanehdi kamwomwada pwehn kasalehda dahme kitail pahn kihla, doadoahngki padahk ehu de riau sang insert en Atail Doadoahk Ong Wehio en January 2005 (ma konehng nan ahmw wasahn kalohk). Sounkalohk kan kak doadoahngki pil ekei padahk kan ma mwahu nan amwail wasahn kalohk.
20 min: “Koasoandi en Peneinei—Wadek Iren Rahn.”d Luhke tohnmwomwohdiso en kasalehda iaduwen arail peneinei kin ale kamwahupe kan sang arail wadekpene Iren Rahn oh ahnsou dah me irail diarada me mwahu ong arail peneinei en wadek Iren Rahn.
15 min: Kasalehda ekspiriens mwahu kan me wiawi nan sounpwong en March, April oh May. Koasoanehdi mwowe pwe emen de riemen en kasalehda dahme ira wia pwehn kalaudehla ara kalohk nan sounpwong kan en March, April oh May oh kapai kan me ira ale pwehki met.
Koul 38 oh kapakap.
Wihk me Tepida June 6
12 min: Pakair kan en sahpwet. Kousapahl “Koakon en Peidek,” oh kehsehkin mwomwohdiso mehnia pwuhk kan me anahn pwehn audehda library nan Kingdom Hall pwuhk kan koaros.
15 min: Anahn en sahpwet.
18 min: “Kakairada Rehn Aramas Ineng en Men Sukuhliki Paipel Sang Ni Ahmw Kin Kaukaule Kihla Makisihn Kapw kan Rehrail.”* Ni ahnsou me ke koasoia parakrap 3, kasalehda duwen ire kesempwal kan sang pwuhken Reasoning, pali 227-232. Met kak sewese kitail en kaunopada iren Paipel kan me pid duwen dahme Wehin Koht pahn wia. Koasoanehdi kamwomwada me kin kasalehda sounkalohk men doadoahngki iren Paipel ehu ni ahnsou me e koasoiong emen me e kin kaukaule wahla reh nah makisihn kapw kan (makisihn route). Sounkalohko pahn koasoi mwotomwot oh kasalehda karasaras me kin kasalehda wehwehn iren Paipelo pwehn sewese tohnihmwo en wehwehki iren Paipelo oh kilang kesempwalpen doadoahngki nan ah mour.
Koul 46 oh kapakap.
[Nting tikitik me mi pahs]
a Tepin koasoi pahn mwotomwot sang minit ehu, oh mwurin mwo, peidek oh pasapeng kan.
b Tepin koasoi pahn mwotomwot sang minit ehu, oh mwurin mwo, peidek oh pasapeng kan.
c Tepin koasoi pahn mwotomwot sang minit ehu, oh mwurin mwo, peidek oh pasapeng kan.
d Tepin koasoi pahn mwotomwot sang minit ehu, oh mwurin mwo, peidek oh pasapeng kan.