Koasoandi En Service Mihding

Wihk me Tepida June 13

Koul 98

10 min: Pakair en sahpwet. Ekei pakair kan sang Atail Doadoahk Ong Wehio. Koasoanehdi kamwomwada pwehn kasalehda iaduwen kitail kak kihla Kahn Iroir en June ni atail pahn doadoahngki padahk me kileledi ni pali 8 (ma padahk wet mwahu ong ahmw wasahn kalohk).

15 min: Sewese Meteikan en Wiahla Sounkalohk kan me Saikinte Papidais. Emen elder pahn wia padahk wet poahsoanda pohn pwuhken Organized to Do Jehovah’s Will, pali 79-​81. Tohnmwomwohdiso pahn iang koasoi. Elder me wia padahk wet pahn kasalehda duwen koasoandi kan me elder kan pahn tehk ma aramaso me kin onop Paipel kak iang mwomwohdiso kalohk ihmw-lel-ihmw. Wihk kohkohdo, kitail pahn koasoipene iaduwen kitail kak sewese atail Paipel Study kan en wiahla sounkalohk kan me saikinte papidais ahpw kin iang mwomwohdiso kalohk ihmw lel ihmw.

20 min: “Kalohk Kin Sewese Kitail en Dadaurete.”a Ma mie ahnsou, luhke tohnmwomwohdiso en koasoia duwen iren Paipel kan.

Koul 76 oh kapakap.

Wihk me Tepida June 20

Koul 89

10 min: Pakair en sahpwet. Kousapahlih ire kesempwal kan sang Atail Doadoahk Ong Wehio en July 2003, pali 4. Kawehwe iaduwen sounkalohk kan kak ale pwuhk, brochure, makisihn, oh tract kan ni lokaia kan me irail sehse. Kawehwe iaduwen sounkalohk kan kak doadoahngki ire kan nan pein arail wasahn kalohk. Ma sounkalohk kan men ale pwuhk, brochure, makisihn oh tract kan ni ehu lokaia tohrohr, irail kak oaht rehn brother me kin apwalih pwuhk kan, mendahki irail men oaht ehute pwuhk, brochure de makisihn, oh met pahn kamwekid brother menet en mwadang oaht pwuhk, brochure, makisihn oh tract ni lokaiaohte.

15 min: Kumwail Kin Ahneki Koasoandi en Peneinei me Kin Kakairada Amwail Pali Ngehn? Kousapahlih iren sawas kan me kileledi nan insert en Atail Doadoahk Ong Wehio en May 2005, oh luhke tohnmwomwohdiso en kasalehda duwen dahme irail wia pwehn doadoahngki iren sawas pwukat oh kamwahu dah kan me kohsang doadoahngki iren sawas pwukat.

20 min: “Wia Onop en Paipel Rehn Aramas akan Ni Ahl me Pahn Sewese Irail en Kekeirada Mwahu​—Pali 10.”b Koasoanehdi kamwomwada me kasalehda sounkalohk riemen praktis. Ni ahnsou me Paipel Study me wiahla sounkalohk me saikinte papidais kin wia ah padahk, sister de brother me kin onop reh kin wia tohnihmw, oh e kin kihda soangen koasoi kan me tohnihmw kin kalap kihda, oh ni ahnsou me tohnsukuhlo sehse dahme e pahn nda, sistero de brothero kin kasalehda dahme e kak nda. Oh pil, koasoanehdi mwowe sounkalohk emen de riemen me kin kasalehda duwen sawas me ira alehdi ni ahnsou me ira tepida iang kalohk ihmw-lel-ihmw.

Koul 83 oh kapakap.

Wihk me Tepida June 27

Koul 48

10 min: Pakair kan en sahpwet. Katamankin sounkalohk kan en kapedolong neirail ripoht en kalohk en June. Wadek ripoht en mwohni oh donation acknowledgments. Koasoanehdi kamwomwada riau pwehn kasalehda iaduwen kitail kak kihla Watchtower en June 15 oh Awake! en June 22 ni atail doadoahngki padahk kan ni pali 8 (ma padahk pwukat me mwahu ong ahmw wasahn kalohk). Nan ehu padahk pwukat, sounkalohk menet pahn kasalehda iaduwen e kin kihla makisihn nan kalohk ni ahnsou sohte lipilipil. Mwurin kamwomwada wiawi, kasalehda dahme sounkalohk menet nda pwehn kakairada ineng en tohnihmw en perenki rong.

15 min: Anahn en sahpwet.

20 min: Kihla Brochure kan nan sounpwong en July oh August. Emen brother pahn wia padahk wet sang nan insert en sounpwong wet. Tohnmwomwohdiso pil pahn iang koasoi. Kawehwe ni mwotomwot iaduwen kitail kak doadoahngki insert wet, oh kasalehda koakon ni pali 3 iangahki ire kesempwal kan nan Atail Doadoahk Ong Wehio en January 2005, pali 8. Kasalehda duwen iren sawas kan me pid duwen kihla brochure kan me konehng en doadoahk nan amwail wasahn kalohk. Koasoanehdi kamwomwada riau de siluh mehn kasalehda iaduwen kitail kak doadoahngki padahk pwukat. Koasoanehdi kamwomwada ehu me sounkalohk pwulopwul men pahn wia padahk.

Koul 91 oh kapakap.

Wihk me Tepida July 4

Koul 32

8 min: Pakair kan en sahpwet.

17 min: “2005 Kapokon en District me Oaralap Koasoia ‘Peikiong Koht.’ ”c Secretary en Mwomwohdiso pahn wia padahk wet. Koasoia duwen ire kan koaros me kileledi nan koakon ni pali 6. Kangoange koaros en mwadang koasoanehdi arail koasoandi kan pwehn iang kapokon.

20 min: “Iaduwen Kitail Kak Pweida ni Atail Kalohk nan Wasa kan me Wehi Pokon Kin Kohpene Ie.”d Kasalehda iaduwen kitail kak doadoahngki ire pwukat nan atail wasahn kalohk. Katamankin sounkalohk kan me irail kak doadoahngki doaropwe en Please Follow Up (S-43) ni ahnsou me konehng.​—Tehk Atail Doadoahk Ong Wehio en February 2005, pali 6.

Koul 19 oh kapakap.

[Nting tikitik me mi pahs]