Mehn Kataman kan me Pid Duwen Kapokon en District
◼ Kuloak en Prokram: Prokram pahn tepida kuloak 9:30 ni menseng. Wenihmw kan pahn ritida kuloak 8:00 ni menseng. Minit kei mwohn kapokon pahn tepida, chairman pahn mwohndi nan dewe wasahn padahk ni ahnsou me keseng en koul en Wehio pahn wiawi. Ni ahnsou me kitail pahn kilang chairman mwohndi nan dewe, kitail koaros en mwohndi nan dewetail pwe prokram pahn kak tepida ni ahl me kasalehda wahu.
◼ Koasoanehdi nan Dewetail: Ke kak koasoanehdi wasahn mwohndi (save seats) ihte ong irail me iang uhk nan waromw sidohsa de irail me kin kousoan rehmw.
◼ Sawas en Mwohni kan: Ni ahnsou me irail kin koasoanehdi koasoandi en kapokon, re kin doadoahngki mwohni laud. Kitail kak kasalehda atail kalahngan sang ni atail pahn kihda atail sawas en mwohni nan atail Kingdom Hall de nan wasahn kapokon. Ma ke pahn ntingihdi check, ke kak ntingihdi “Watch Tower” nan lain me ntingdi “Pay to the order of.”
◼ Mwengehn Souwas: Menlau wahdo kenamwail mwengehn souwas ni wasahn kapokon oh ieremen kohkohsang wasahn kapokon pwehn ale kenamwail mwenge. Ke kak wahdo kisin cooler (mehn wisik mwenge) nan wasahn kapokon ma e pahn kak mihmi pahn ahmw sehr. Doupen mwenge me laud ong peneinei, dahl klas oh sakau sohte mweimwei nan wasahn kapokon.
◼ Rekord: Se sohte pahn mweidohng aramas emen en kihong sohte lipilipil misihn en rekord en kohwong ni liohl en wasahn kapokon oh e pil pahn sohte konehng en doadoahngki misihn pwukat ni ahl me pahn kauwehla en meteikan arail pahn rongorong prokram en kapokon.
◼ Kilel: Ma ke men kilele irail me pahn pidada prokram en kapokon, menlau ieremen doadoahngki “flash” de marain ni ahnsou me prokram wiwiawi.
◼ Pager kan oh Cell Phone kan: Menlau kapirdi pager kan oh cell phone kan ahnsoun kapokon pwehn dehr kauwehla en meteikan arail rong prokram en kapokon.
◼ Aksident oh Emergency kan (Irair Karuwaru): Ma aramas emen pahn soumwahuda de ma mie irair karuwaru me pahn kohda ni wasahn kapokon, menlau tuhwong attendant me keieu karanih iuk me kak mwadang kehsehkin uhk wasahn wini (First Aid Department) nan wasahn kapokon pwe aramas me samanih wini kak tehk irair en aramaso oh sewese ih.