Koasoandi En Service Mihding
Wihk me Tepida August 8
10 min: Pakair kan en sahpwet. Ekei pakair kan sang Atail Doadoahk Ong Wehio. Koasoanehdi kamwomwada ehu sang insert en Atail Doadoahk Ong Wehio en June 2005 me pahn kasalehda sounkalohk men me pwurehng pwurala (return visit) rehn aramas emen me ale brochure ehu.
10 min: “Ke Kin Doadoahngki Handbill kan?” Emen brother pahn wia padahk wet oh tohnmwomwohdiso pahn iang koasoi. Luhke tohnmwomwohdiso en koasoia duwen ekspiriens mwahu kan me wiawi sang arail doadoahngki handbill kan. Koasoanehdi kamwomwada en sounkalohk men me doadoahngki handbill pwehn luhke aramas emen me perenki rong en iang mihding.
25 min: “Met Iei Ahnsoun Kalohk!”a Koasoanehdi mwowe Regular Pioneer emen de riemen en koasoia duwen wekidekla kan me irail wia pwehn kak iang doadoahk en Regular Pioneer oh kapai kan me irail paiekihda pwehki arail iang doadoahk wet.
Koul 35 oh kapakap.
Wihk me Tepida August 15
10 min: Pakair kan en sahpwet. Koasoanehdi kamwomwada kan me pahn kasalehda iaduwen kitail kak doadoahngki padahk ni pali 8 (ma padahko mwahu ong ahmw wasahn kalohk) pwehn kihla Kahn Iroir en August.
15 min: “Wia Onop en Paipel Rehn Aramas akan ni Ahl me Pahn Sewese Irail en Kekeirada Mwahu—Part 12.”b Koasoanehdi mwowe rehn sounkalohk emen de riemen pwe ren kasalehda dahme sewese irail en tepida oh wia onop en Paipel rehn aramas akan.
20 min: “Kalohki Duwen Wehin Koht—Atail Pwais Kaselel.”c Ni ahnsou me ke koasoia parakrap 4, kousapahlih koasoandi tohrohr ong irail me mahlahr de soumwahu me irail kak kalohk oh ripohtki arail minit kan—minit 15, 30, de 45 ma arail ahnsoun kalohk tikitik sang awa 1.—Kilang Atail Doadoahk Ong Wehio en October 2002, pali 8, parakrap 6.
Koul 76 oh kapakap.
Wihk me Tepida August 22
10 min: Pakair kan en sahpwet. Wadek ripoht en mwohni oh “Donation acknowledgments.”
15 min: Anahn en sahpwet.
20 min: “Tepida Onop en Paipel Rehn Aramas Ni Wenihmw kan oh Ni Ahmw Doadoahngki Telephone.”d Koasoanehdi kamwomwada mwotomwot pwehn kasalehda iaduwen kitail kak tepida onop en Paipel ni ahnsou me kitail tepin tuhwong aramas, ni atail doadoahngki ehu parakrap sang nan Kupwurki brochure. Koasoanehdi rehn sounkalohk emen de riemen ma ira kak koasoia ara ekspiriens en tepida onop Paipel rehn aramas ni ara doadoahngki telephone.
Koul 90 oh kapakap.
Wihk me Tepida August 29
10 min: Pakair kan en sahpwet. Katamankin sounkalohk kan en kapedolong neirail ripoht en kalohk en August. Koasoanehdi kamwomwada pwehn kasalehda iaduwen kitail kak kihla Watchtower en August 15 oh Awake! en August 22 ni atail doadoahngki padahk ni pali 8 (ma padahk pwukat mwahu ong ahmw wasahn kalohk). Nan ehu kamwomwada, e pahn kasalehda sounkalohk men ni ah pwurehng pwurala (return visit) rehn emen me e kin wahla nah makisihn kapw kan (magazine route).
15 min: Koasoia de koasoanehdi kamwomwada en ekspiriens nan kalohk me wiawi nan sounpwong en June, July oh August. Koasoanehdi mwowe ma sounkalohk emen de riemen kak kasalehda duwen dahme ira wia pwehn kalaudehla arail ahnsoun kalohk oh kapai kan me ira perenki pwehki met.
20 min: Doadoahngki Paipel Ni Ahnsou me Ke Tepin Tuhwong Tohnihmw kan. Emen brother pahn wia padahk wet oh tohnmwomwohdiso pahn iang koasoi. Kousapahlih iren sawas kan me kileledi nan Atail Doadoahk Ong Wehio en September 2004, pali 4, parakrap 2, me kin kasalehda iaduwen kitail kak sewese tohnihmw en sohpeiong Mahsen en Koht sangete ahnsou me kitail tepin tuhwong irail. Koasoanehdi kamwomwada me kin kasalehda sounkalohk me doadoahngki padahk kan pwehn kihla pwuhken Nei Pwuhken Poadoapoad kan en Paipel nan September. Ma mie ahnsou, brothero pahn kak koasoia oh koasoanehdi kamwomwada en padahk kan me kileledi nan insert en Atail Doadoahk Ong Wehio en January 2005.
Koul 63 oh kapakap.
Wihk me Tepida September 5
10 min: Pakair kan en sahpwet.
15 min: “Kapokon en District me Oaralap Koasoia ‘Peikiong Koht.’ ”e Secretary en Mwomwohdiso pahn wia pwais wet. E pahn koasoanehdi emen brother en wadek parakrap kan.
20 min: Koasoanehdi Koasoandi kan ong Sewese me Mah kan. Emen elder pahn wia padahk wet me poahsoankihda Watchtower (lokaiahn wai) en August 15, 1993, pali 28-29, pahnangin sawaspen oaralap me koasoia “Organizing Is Valuable.” Kasalehda duwen koasoandi kan me koasoandier nan mwomwohdiso en sewese irail tohnmwomwohdiso kan me soumwahu oh mahlahr.
Koul 72 oh kapakap.
a [Nting tikitik me mi pah]
b Tepin koasoi pahn mwotomwot sang minit ehu, oh mwurin mwo, peidek oh pasapeng kan.
c Tepin koasoi pahn mwotomwot sang minit ehu, oh mwurin mwo, peidek oh pasapeng kan.
d Tepin koasoi pahn mwotomwot sang minit ehu, oh mwurin mwo, peidek oh pasapeng kan.
e Tepin koasoi pahn mwotomwot sang minit ehu, oh mwurin mwo, peidek oh pasapeng kan.