Kousapahl en Theocratic Ministry Sukuhl
Kitail pahn kousapahlih pasapengpen peidek pwukat nan Theocratic Ministry Sukuhl me pahn wiawi nan wihk me pahn tepida December 26, 2005. Sounapwalih en Sukuhl pahn wia kousapahl wet me reireiki minit 30 oh e pahn poahsoankihda padahk kan me pahn wiawi nan wihk me tepida November 7 lel December 26, 2005. [Menlau tehk kanahieng: Ma sohte reference mwurin peideko, met wehwehki me ke anahne wia pein ahmw research pwehn sapengla peideko.—Kilang Benefit From Theocratic Ministry School Education, pali 36-37.
WIEPEN KOASOI
1. Dahme kitail kak wia pwehn kasalehda me atail kaweid me kitail kin kihda kin wiawi ni “elen limpoak”? (Pailimwon 9) [be p. 266]
2. Ni ahl dah kan kitail kak “kaweid ni atail kasalehda padahk mehlel”? (Taitus 1:9) [be p. 267 pars. 1-2]
3. Dahme kahrehda e kesempwal en wia padahk me kangoang, oh iaduwen kitail kak wia met? [be p. 268 pars. 1-3, koakon]
4. Ni atail kin kahlemengih Moses, iaduwen atail sewese meteikan en tamataman dahme Siohwa wiahiong sapwellime aramas akan kak sewese kitail en eimah? (Deuderonomi 3:28; 31:1-8) [be p. 268 par. 5–p. 269 par. 2]
5. Dahme kahrehda en perenki koasoia dahme Siohwa wiewia ahnsou wet oh dahme e pahn ketin wia ni ahnsou kohkohdo pahn kangoange irail me kin rong kitail? [be pp. 270-271]
PADAHK KEIEU
6. Dahkot Septuagint, oh dahme kahrehda e wia pwuhk kesempwal ieu ong Kristian kan? [si p. 307 par. 12–p. 310 par. 14]
7. Ihs irail mehn Masoret kan, oh dahme re wiaiong kawehwehpen Pwuhk Sarawi? [si p. 310 par. 18; p. 311 pars. 20-21]
8. Dahme kin kihda nting me anahn ong palien Pwuhk Sarawi ni lokaiahn Ipru ni arail wiahda New World Translation ni lokaiahn wai, oh dahme kahrehda kitail kak ndahki me nting pwukat me mehlel oh pwung? [si p. 312 pars. 28, 30]
9. Iaduwen Kristian en mahs ako kin kasalehda me irail ngoangki ntingihdi, oh kihpeseng Mahsen en Koht? [si p. 315 pars. 1-5]
10. Atail onopki nting en mahs kan en Pwuhk Sarawi kin kasalehda dah duwen Pwuhk Sarawi? [si p. 320 par. 32]
WADAWAD EN PAIPEL EREIN WIHK
11. Iaduwen—Siohwa ah sohte mweidohng Depit en kauwada ihmw sarawio kin kasalehda me Siohwa sohte kupwurki mahwen kan me Depit iang? (1 Kronikel 22:6-10)
12. Nan kapakap me Solomon wiahda pwehn kasarawi Tehnpas Sarawi me e ahpwtehn wiahda, iaduwen Solomon kin kasalehda me Siohwa sohte kin ihte nsenohki anahn en sapwellime ladu kan nin duwen pwihn ehu, ahpw e pil kin nsenohki oh tehk irair en emen emen me kin lemmwiki ih? (2 Kronikel 6:29, 30)
13. Dahkot “ngehn saut kan me mwomwen kuht” me 2 Kronikel 11:15 kin koasoia?
14. Pwehki en Paasa ah kaunda tepida nan “kesiluhn pahr en kaundahn Asa” oh ah kaunda reireikihte sounpahr 24, iaduwen atail kak wehwehki rekord me ntingdi me Paasa ah “uhwong Suda” wiawi nan “kasilihsek weneu en pahr en kaundahn Asa”? (1 Nanmwarki 15:33; 2 Kronikel 16:1)
15. Iaduwen 2 Kronikel 20:22, 23 kin kasalehda ni sansal dahme pahn wiawi ong ahn Sehdan sampah?