Iaduwen Ke Kak Tepiada Onop en Paipel Rehn Aramas akan
Sounkalohk tohto rehtail pahn perenki wia onop en Paipel rehn aramas emen ma re pahn kak tepiada ehu onop rehn emen. Pwuhken Loalokong Me Pahn Kahluwalahng Mour Soutuk kak sewese kitail. Pil irail kan me sohte ahneki koahiek laud nan doadoahk en kalohk kak tepiada onop en Paipel sang ni arail pahn doadoahngki ahl mengei siluh pwehn tepiada ah koasoi.
Ahl me keieu pweida mwahu ong ni kihlahn pwuhk en Loalokong iei (1) kihda peidek me pahn kamwakid meteikan en kasalehda arail madamadau, (2) wadek ehu iren Paipel me konehng, oh (3) kasalehda ehu oaralap nan pwuhko me kin koasoia duwen ireo. Ma tohnihmwo kasalehda me e perenki, ke kak tepiada ehu onop en Paipel sang ni ahmw pahn doadoahngki tepin parakrap riau en irelaudo. Sang ni ahmw pahn doadoahngki iren sawas wet ke kak tepiada onop en Paipel rehn aramas me ke tuhwong nan kalohk de ni ahmw pahn pwurala tuhwong irail.
Iet ekei mehn karasepe kan:
◼ “Ke lemeleme neitail seri kan pahn kak iang perenki soangen irair mwahu kan me pwarada nan koul en mahs pwoatet?” Wadek Melkahka 37:10,11, oh mweidong en sapeng. Mwuri, kasalehda irelaud 1.
◼ “Ke lemeleme kitail pahn iang kilang pweidahn mahsen pwukat?” Wadek Aiseia 33:24, oh mweidong en sapeng. Mwuri, kasalehda irelaud 1.
◼ “Ma mie ahmw manaman, ke pahn wiahda soangen wekidekla pwukat?” Wadek Kaudiahl 21:4, oh mweidohng en sapeng. Mwuri, kasalehda irelaud 1.
◼ “Pwehki kahpwal kan me kitail kin lelohng rahnwet, ke lemeleme e pahn kak dierek soangen nsenamwahu oh koapworopwor me sansalda wasaht?” Wadek Rom 15:4, oh mweidong en sapeng. Mwuri, kasalehda irelaud 2.
◼ “Ke lemeleme kitail aramas kak esehla atail Sounkapikada lapalap, nin duwen me sansalda wasaht nan Paipel?” Wadek Wiewia 17:26,27 oh mweidong en sapeng. Mwuri, kasalehda irelaud 3.
◼ “Aramas tohto kin medemedewe dahme kahrehda ahn aramas kahpwal kan kin wie susuwedla. Mie pak me ke kin medemedewe ma kawehwe me pwarada wasaht iei pasapengpe?” Wadek Kaudiahl 12:9, oh mweidong en sapeng. Mwuri, kasalehda irelaud 8.
◼ “Ke sou kin men iang ese pasapengpen soangen peidek wet?” Wadek Sohp 21:7, oh mweidong en sapeng. Mwuri, wadek irelaud 8.
◼ “Mie pak ke kin medewe ma irail kan me mehlahr kin ese dahme me memour kan kin wiewia?” Mweidong en sapeng. Mwuri, wadek Eklesiasdes 9:5, oh kasalehda irelaud 9.
◼ “Ke leme kitail pahn kak kilang kompoakpatail kan me mehlahr ehu rahn nin duwen me Sises kasalehda nan iretikitik wet?” Wadek Sohn 5:28, 29, oh mweidong en sapeng. Mwuri, kasalehda irelaud 9.
◼ “Dahme ke leme kak wiawi pwe kupwuren Koht en kak wiawi nan sampah duwehte nanleng, nin duwen me sansalda nan kapakap wet me aramas tohto kin ese?” Wadek Madiu 6:9, 10, oh mweidong en sapeng. Mwuri, kasalehda irelaud 10.
◼ “Ke lemeleme kitail mihier nan ahnsou me kokohp wet kasalehda?” Wadek 2 Timoty 3:1-4, oh mweidong en sapeng. Mwuri, kasalehda irelaud 11.
◼ “Ke lemeleme atail kapwaiada kaweid en nan Paipel wet pahn kak sewese kitail en nsenamwahuki mour en peneinei?” Wadek Episos 5:33, oh mweidong en sapeng. Mwuri, kasalehda irelaud 13.
[Kawehwehpen kilel kan nan ehu ehu pali 6]
Ke kak kilelehdi onop en Paipel wet nan noumw ripoht mwurin ahmw onop ohng ih pak riau, oh ma ke kamehlele me onop wet pahn doulahte.