Koasoandi En Service Mihding
Wihk me Tepida February 13
10 min: Pakair kan en sahpwet. Koasoanehdi kamwomwada pwehn kasalehda iaduwen kitail kak kihla Kahn Iroir en February ni atail pahn doadoahngki padahk me kileledi ni pali 8.
10 min: Ke Kin Peipeian Sapwellimen Siohwa Pwihn? Padahk wet pahn poahsoankihda pwuhken Organized to Do Jehovah’s Will, pali 7-10.
25 min: “Kaualahng Atail Madamadau ong Sises me Wia ‘Marain en Sampah’”a Sounapwalih en Kalohk pahn wia pwais wet. Pakairki eden irail me Auxiliary Pioneer. Kasalehda ma mie pil ekei koasoandi kan ong tuhpenehn kalohk me elder kan koasoanehdi. Kasalehda duwen koasoandi en Auxiliary Pioneer nan insert (pali 5) en Atail Doadoahk Ong Wehio en February 2005.
Koul 54 oh kapakap.
Wihk me Tepida February 20
10 min: Pakair kan en sahpwet. Ekei pakair kan sang Atail Doadoahk Ong Wehio.
15 min: “Wiahda Ahl ong Kalohki Rongamwahu.”b Luhke sounkalohk men me kin mihmi nan irair apwal akan en kasalehda iaduwen e kin wiahda ahl ong kalohki Rongamwahu.
20 min: “Irail me Kak Sewese Kitail Ni Ahnsou Apwal akan.”c Emen elder me pahn wia pwais wet. Kasalehda duwen ire kesempwal kan me kileledi nan Atail Doadoahk Ong Wehio en November 1998 oh November 2000, Koakon en Peidek kan.
Koul 20 oh kapakap.
Wihk me Tepida February 27
12 min: Pakair kan en sahpwet. Wadek ripoht en mwohni oh donation acknowledgments. Katamankin sounkalohk kan en kapedolong neirail ripoht en kalohk en February. Koasoanehdi kamwomwada kan pwehn kasalehda iaduwen kitail kak kihla Watchtower en February 15 oh Awake! en February, ni atail doadoahngki padahk kan ni pali 8. Nan ehu kamwomwada, kasalehda kalohk nan wasahn pisnis de kalohk nanial.
15 min: Anahn en sahpwet.
18 min: Dahme Kitail Pahn Kihla Nan March. Nan sounpwong en March, kitail pahn kihla pwuhken Loalokong de pwuhken Mour Kohkohlahte. Kitail pahn kousapahlih oh kilang kamwomwada me pahn kasalehda padahk kan nan Atail Doadoahk Ong Wehio en January 2005 (insert) pwehn kilang mehnia padahk kan me pahn mwahu nan atail wasahn kalohk. Luhke tohnmwomwohdiso en kasalehda arail ekspiriens kan ni arail kin kihla pwuhk pwukat, keieu arail ekspiriens me irail tepida onop Paipel rehn aramas ni arail doadoahngki pwuhk pwukat.
Koul 63 oh kapakap.
Wihk me Tepida March 6
10 min: Pakair kan en sahpwet. Pwehki tract kan kin mengei en weuwa oh lingan, kitail kak doadoahngki tract kan ni atail kin koasoiong aramas nan kalohk en ihmw-lel-ihmw, kalohk nan wasahn pisnis, kalohk nanial, oh kalohk ni ahnsou sohte lipilipil. Koasoanehdi kamwomwada me pahn kasalehda iaduwen kitail kak tepida koasoiong aramas akan ni atail doadoahngki tract kapw me oaralap koasoia “All Suffering Soon to End!” Kasalehda duwen iren Paipel kan me kileledi ni pali 2 en tract kapw wet.
15 min: “Kasalehda Atail Nsenohki Aramas—Ni Atail Kin Kaunopada Mwahu.”d Koasoanehdi kamwomwada mwotomwot me pahn kasalehda sounkalohk riemen kaunopada ara padahk kan en kihla pwuhken Loalokong de pwuhken Mour Kohkohlahte. Ira pilada padahk sang Atail Doadoahk Ong Wehio en January 2005 insert oh ira koasoiapene iaduwen ira kak doadoahngki pein ara lokaia ni ara doadoahngki padahk kan oh pil iaduwen ira kak kawekila padahk kan pwehn pwungiong pein ara wasahn kalohk. Mwurin mwo, ira praktis ara padahk kan ni ngihl laud.
20 min: “Doadoahngki Video kan Pwehn Padahk.”e Ni ahmw kin koasoiong tohnmwomwohdiso duwen ehuehu video, kasalehda kilin video oh wadek duwen audepen video. Luhke tohnmwomwohdiso en kasalehda duwen arail ekspiriens kan ni arail doadoahngki video kan nan kalohk.—Tehk 1997 Yearbook, p. 54, oh pil 1995 Yearbook, pp. 50-51.
Koul 49 oh kapakap.
[Nting tikitik me mi pahs]
a Tepin koasoi pahn mwotomwot sang minit ehu, oh mwurin mwo, peidek oh pasapeng kan.
b Tepin koasoi pahn mwotomwot sang minit ehu, oh mwurin mwo, peidek oh pasapeng kan.
c Tepin koasoi pahn mwotomwot sang minit ehu, oh mwurin mwo, peidek oh pasapeng kan.
d Tepin koasoi pahn mwotomwot sang minit ehu, oh mwurin mwo, peidek oh pasapeng kan.
e Tepin koasoi pahn mwotomwot sang minit ehu, oh mwurin mwo, peidek oh pasapeng kan.