Koasoandi En Service Mihding
Wihk me Tepida December 11
10 min: Pakair kan en sahpwet. Koasoanehdi kamwomwada pwehn kasalehda iaduwen kitail kak kihla Kahn Iroir en December ni atail kin doadoahngki padahk ni pali 8 de pil ehu padahk me mwahu nan atail wasahn kalohk.
15 min: Theocratic Ministry Sukuhl 2007. Sounapwalih en sukuhl pahn wia padahk wet oh interview kan. Koasoia ire kesempwal kan sang insert en Atail Doadoahk Ong Wehio en October 2006. Kasalehda me sounapwalih en sukuhl sohte pahn pakairki mehnia wiepen koasoi me tohnsukuhlo pahn doadoahngki mwohn e wia padahk. Pwehki kitail pahn kanekehla wadawad en Pwuhk Sarawi en pali nting en Ipru sang Aiseia 24 lel kaimwiseklahn Malakai nan 2007, pahr wet pahn wia ahnsou mwahu ong brother kan me pahn kaunopada ire kesempwal kan sang wadawad en Paipel oh meteikan me pahn kihda pasapeng kan en doadoahngki neitail pwuhk kan me kin kawehwe duwen pwuhken kokohp pwukat. Interview sounkalohk riemen de silimen sang irail akan: emen me ahpwtehn tepida iang sukuhlo, emen me pwulopwul me kin kekeirada mwahu, oh emen me kin wereila iang sukuhlo. Luhke irail en kasalehda kamwahupen sukuhlo ong arail kalohk oh arail pali ngehn. Kangoange koaros en nantihong wia arail padahk, iang pasapeng kan nan ire kesempwal kan sang wadawad en Paipel, oh doadoahngki kaweid kan me kin kohda wihk koaros sang pwuhken Benefit From Theocratic Ministry School Education.
20 min: “Dehr Katihasang Ahmw Limpoak me Ke Ahneki nin Tepio.”* Ma mie ahnsou, luhke tohnmwomwohdiso en koasoiahda duwen iren Paipel kan me kilelehdi nan parakrap kan.
Koul 86 oh kapakap.
Wihk me Tepida December 18
10 min: Pakair kan en sahpwet. Ekei pakair kan sang Atail Doadoahk Ong Wehio. Kasalehda koasoandi kan ong kalohk ni December 25 oh January 1.
15 min: ”Pwurehng Pwurala rehn Aramas Koaros me Kasalehda Arail Men Rong.”* Luhke tohnmwomwohdiso en kasalehda iaduwen re kin esehda iaduwen re kak pwurehng tuhwong irail kan me perenki rong me re tuhwong ni ahnsou me re wia kalohk ni ahnsou soh lipilipil de kalohk nanial. Re kak kasalehda arail ekspiriens mwahu kan sang ni arail pwurehng pwurala rehn soangen aramas pwukat. Koasoanehdi mwowe emen de riemen pwehn kasalehda ire pwukat.
20 min: ”Ngenen Toukihda Pein Kitail Kin Wahdo Kapai kan.”* Interview sounkalohk emen de riemen me kin kasalehda ngenen toukihda pein ira. Ia duwen re kin kasalehda ngenen toukihda pein ira? Soangen wekidekla dah kan re anahne wiahda, oh iaduwen re kak wia met? Soangen kapai dah kan re kin alehda pwehki met?
Koul 61 oh kapakap.
Wihk me Tepida December 25
10 min: Pakair kan en sahpwet. Wadek ripoht en mwohni oh kisinlikou en Society me kasalehda arail kalahnganki sawas me mwomwohdiso kihda. Koasoanehdi kamwomwada pwehn kasalehda iaduwen kitail kak kihla Watchtower en December 15 oh Awake! en December ni atail kin doadoahngki padahk ni pali 8 de pil ehu padahk me mwahu nan atail wasahn kalohk. Ni kaimwiseklahn ehu ehu kamwomwada, kihda peidek ehu me pahn kamwekid tohnihmw en medemedewe oh me kak sapengla ni ahnsou me ke pahn pwurala reh ni omw pahn doadoahngki brochure en Kupwurki.
15 min: Anahn en sahpwet.
20 min: “Mie Pein Ahmw Wasahn Kalohk?”* Luhke Sounapwalih en kalohk en koasoia ni mwotomwot duwen irepen wasahn kalohk en mwomwohdiso, ia uwen dod mwomwohdiso kin kalohk nan wasahn kalohko, oh uwen tohto en wasahn kalohk kan sounkalohk kan kak ale.
Koul 63 oh kapakap.
Wihk me Tepida January 1
5 min: Pakair kan en sahpwet. Katamankin sounkalohk kan en kapidelong neirail ripoht en kalohk en December.
25 min: Ripohtki Kekeiradahn Doadoahk en Kalohk. Padahk me poahsoankihda pwuhken Organized to Do Jehovah’s Will, pali 83-91 (insert en Atail Doadoahk Ong Wehio en December 2006) oh tohnmwomwohdiso pahn iang koasoi. Ni ahnsou me brother men me wia padahk wet pahn koasoia sawaspen oaralap, “Pein Noumw Ripoht en Kalohk,” wadek ehuehu parakrap. Koasoanehdi kamwomwada pwehn kasalehda iaduwen emen sounkalohk kapw kak ale sawas pwehn wiahda nah keieun ripoht en kalohk.
15 min: Iaduwen I Pahn Kak . . . Ma Sohte me Sewese Ie? Sounapwalih en kalohk pahn wia padahk wet me poahsoankihda Atail Doadoahk Ong Wehio en June 2000, pali 4. Kasalehda pwukoa en sounapwalih en kalohk pwehn koasoanehdi ma Paipel study kan anahne pwurehng tepida rehn aramas akan me papidaislahr de soh. Kasalehda ire kan sang Koakon en Peidek en Atail Doadoahk Ong Wehio en December 1998.
Koul 65 oh kapakap.
* Tepin koasoi pahn mwotomwot sang minit ehu, oh mwurin mwo, peidek oh pasapeng kan.