Koasoandi En Service Mihdong
Wihk me Tepida October 8
10 min: Pakair kan en sahpwet. Ni ahmw pahn doadoahngki padahk kan en pali 8 de padahk teikan me mwahu nan ahmw wasahn kalohk, kamwomwada iaduwen kitail kak kihla Kahn Iroir en October 2007.
20 min: Karanih Sapwellimen Siohwa Pwihn. Padahk oh tohnmwomwohdiso pahn iang koasoi poahsoankihda irelaud 17 en pwuhken Organized to Do Jehovah’s Will.
15 min: “Makasihn Tohrohr en Awake! me Kitail Pahn Kihla nan November!”a Kousapahlih ni mwotomwot duwen audepen Awake! en November. Mwuhr pousehlahte wia peidek-oh-pasapeng en artikel. Ni ahnsou me ke koasoia parakrap 3, wia kamwomwada iaduwen kihla Awake! en November doadoahngki padahk me konehng nan ahmw wasahn kalohk. Mwohn ke pahn kaimwisekla kamwomwadao, kaunopada ong ahnsou me ke pahn pwurala rehn tohnihmw.
Wihk me Tepida October 15
10 min: Pakair kan en sahpwet. Ekei pakair kan sang Atail Doadoahk Ong Wehio.
20 min: Padahk Mehlel Kin Kapwarehda Wah Rehn Irail kan me Ke Kin Padahkihong? Padahk oh tohnmwomwohdiso pahn iang koasoi poahsoankihda Watchtower en lokaiahn wai en February 1, 2005, pali 28-30. Luke tohnmwomwohdiso en koasoia iaduwen pwuhken loalokong wiawihdahr en sewese kitail en kilang dahme mih nan mohngiong en tohnsukuhl men. Koasoia ekei karasepe kan, duwehte irelaud 1, parakrap 17; irelaud 2, parakrap 8; irelaud 3, parakrap 23; oh irelaud 5, parakrap 5. Kangoange sounkalohk kan en doadoahngki ire tohto en pwuhko.
15 min: Ke Tamatamante? Tohnmwomwohdiso pahn iang koasoi poahsoankihda Watchtower en lokaiahn wai en August 15, 2007, pali 19.
Wihk me Tepida October 22
10 min: Pakair kan en sahpwet. Wadek ripoht en mwohni oh kisinlikou en Society me kasalehda arail kalahnganki sawas me mwomwohdiso kihda. Ni ahmw doadoahngki padahk kan en pali 8 de padahk teikan me mwahu nan ahmw wasahn kalohk, kamwomwada iaduwen kitail kak kihla Watchtower en October 15 oh Awake! en October. Ni ahnsou me kitail kak kihla, kitail pahn kihla Watchtower oh Awake! nin duwen ehu, mendahki kitail kawehwehda ehute makasihn.
15 min: Anahn en sahpwet.
20 min: Kumwail en Kin Mourki Mouren Aramas Marain. Padahk oh interview. Kitail mwesel sang sampah rotorot wet oh pilada sapwellimen Siohwa marain en kahre kitail. (Episos 5:8, 9) Met kamwahwihala mouratail, kihong mehn akadei. (1 Timoty 4:8) Marain wet pil kin kihong kitail koapworopwor. (Rom 15:4) Interview sounkalohk emen de riemen me lelohng oh powehdi kahpwal laud pwehn ale oh kolokol nanpwungmwahu rehn Siohwa. Soangen kahpwal dah kan irail lelohng ahnsou me irail pedolong nan padahk mehlel? Iaduwen irail kak powehdi kahpwal pwukat? Ni ahl dah arail mour mwahula? Dahme sewese irail en kolokol teng nan padahk mehlel? Ni kaimwiseklahn padahk kangoange koaros en pousehlahte kakehlailih arail nanpwungmwahu rehn Siohwa oh kasalehda kalahngan laud ong me mehlelo me Siohwa ketin kasaledahr.—2 Piter 1:5-8.
Wihk me Tepida October 29
10 min: Pakair kan en sahpwet. Katamankin sounkalohk kan en kapidelong neirail ripoht en kalohk en October. Koasoia Dahme kitail pahn kihla nan November, oh wia ehu kamwomwada.
15 min: Koasoanehdi Mehn Akadei en Kalaudehla Ahmw Doadoahk en Kalohk Pwehn Kalinganahla Ahmw Sounkapikada. Padahk oh tohnmwomwohdiso pahn iang koasoi poahsoankihda Watchtower en lokaiahn wai en July 15, 2004, pali 21-3. Luke tohnmwomwohdiso en koasoia mehn akadei kan en pali ngehn me irail koasoanehdi oh dahme irail wiewiawi pwehn lel mehn akadeio. Koasoanehdi emen de riemen en iang koasoi.
20 min: “Kihong me Semwehmwe Koapworopwor.”b Ni ahnsou me kitail pahn koasoia parakrap 2, kihda pasapeng kan nan Awake! en September 8, 2003, pali 26-7.
Wihk me Tepida November 5
10 min: Pakair kan en sahpwet.
15 min: Iaduwen Kitail en Pere Neitail Seri kan Sang ni Doadoahngki Erpit Sang Rehn Koht. Wia padahk poahsoankihda Watchtower en lokaiahn wai en January 1, 2005, pali 23-7.
20 min: “Kitail Pahn Sawaspene.”c Luke tohnmwomwohdiso en koasoia ni oaritik ahnsou me sounapwalih en mwemweit kin pwarek mwomwohdiso, iaduwen irail ale kangoang sang reh. Koasoanehdi emen de riemen en iang koasoi.
[Nting tikitik me mi pahs]
a Tepin koasoi pahn mwotomwot sang minit ehu, oh mwurin mwo, peidek oh pasapeng kan.
b Tepin koasoi pahn mwotomwot sang minit ehu, oh mwurin mwo, peidek oh pasapeng kan.
c Tepin koasoi pahn mwotomwot sang minit ehu, oh mwurin mwo, peidek oh pasapeng kan.