Koasoandi En Service Mihding
TEHK: Service mihding pahn koasoanehdi nan Atail Doadoahk Ong Wehio ong ehuehu wihk erein sounpwong kan en summer. Mwomwohdiso kan pahn kawekila koasoandi kan pwehn iang towehda Kapokon en District me oaralap mahsanih “Mweidohng Ngehn Sarawi en Kahluwa Mour.” E konehng en doadoahngki minit 15 nan Service mihding me pahn wiawi mwohn kapokon en katamankin kaweid kan sang insert en sounpwonget. Sounpwong ehu de riau mwurin amwail kapokon, koasoanehdi minit 15 de 20 nan Service mihding (mwein doadoahngki prokram en anahn en sahpwet) ong kousapahlih ire kesempwal kan me kohdahsang kapokon me sounkalohk kan medemedewe me pahn kak sewese irail nan doadoahk en kalohk. Sounapwalih en kalohk me pahn wia kousapahl. Luke tohnmwomwohdiso en iang koasoia duwen ar kin doadoahngki de iaduwen irail pahn doadoahngki ireo nan ar doadoahk en kalohk.
Wihk me Tepida April 14
10 min: Pakair kan en sahpwet. Ekei pakair kan sang Atail Doadoahk Ong Wehio. Ni ahmw pahn doadoahngki padahk kan en pali 8 de padahk teikan me konehng ahmw wasahn kalohk, kamwomwada iaduwen kitail kak kihla Kahn Iroir en April 2008.
15 min: “Kumwail en Kin Kasapahlkalahngan ong Koht.”a Ma mie ahnsou, luke tohnmwomwohdiso en iang koasoia iren Paipel kan.
20 min: “Kamweit ong me Kin Pahtou kan.”b Luke tohnmwomwohdiso kan en iang koasoia ar ekspiriens en ar kihong kamweit ong irail kan me pahtoukihla mehlahn kompoakparail kan.
Wihk me Tepida April 21
10 min: Pakair kan en sahpwet. Wadek ripoht en mwohni oh kisinlikou sang Society me kasalehda kalahnganki sawas me mwomwohdiso kihda. Katamanki tohnmwomwohdiso en wahdo The Watchtower en May 1 oh Awake! en May ong Service Mihding en wihk kohkohdo oh kaunopada en koasoia duwen padahk konehng kan nan wasahn kalohk.
10 min: Anahn en sahpwet.
25 min: “Ahnsou Kaperen Ehu me Siohwa Kin Ketin Kamwenge Kitail.”c Sekteri en mwomwohdiso pahn wia padahk wet. Koasoia rahnen kapokon me mwomwohdiso pahn iang. Kousapahlih koakon en “Mehn Kataman kan ong Kapokon.”
Wihk me Tepida April 28
15 min: Pakair kan en sahpwet. Katamankin sounkalohk kan en kapidelong neirail ripoht en kalohk en sounpwong April. Doadoahngki The Watchtower en May 1 oh Awake! en May, ahpw mwowe kousapahlih ekis makasihno oh idek rehn tohnmwomwohdiso mehnia artikel kan me aramas nan wasahn kalohk pahn perenki wadek oh pwekida. Luke tohnmwomwohdiso en koasoia padahk kan me doakedoake artikel me re pilahn en doadoahngki. Soangen peidek dah me kitail kak doadoahngki pwehn tapihada atail koasoiong tohnihmwo? Mehnia iren Paipel nan artikelo me kitail kak wadek? Iaduwen iren Paipel ken kak doadoahk pwehn kihda pasapeng ong peidek? Ni ahmw pahn doadoahngki padahk kan me tohnmwomwohdiso koasoia de padahk kan sang Atail Doadoahk Ong Wehio, kamwomwada iaduwen kitail pahn kihla ehuehu makasihn.
10 min: Koakon en Peidek. Tohnmwomwohdiso pahn iang koasoia ire wet.
20 min: “‘Idawehn oh Kahlemengih’ Sises.”d Ma mie ahnsou, luke tohnmwomwohdiso en iang koasoia iren Paipel kan.
Wihk me Tepida May 5
10 min: Pakair kan en sahpwet.
20 min: “Iaduwen Peneinei Kak Ahneki Nanpwungmwahu Rehn Koht?”e Emen elder pahn wia padahk wet.
15 min: “En Kekeirda nan Ahmw Doadoahk en Kalohk.”f Ni ahnsou me kitail koasoia parakrap 3, koasoia ire kan sang pwuhken Ministry School en pali 6-8, pahnangin sawaspen oaralap “Iaduwen Ke Kak Uhdahn Paiekihda.”
[Nting tikitik me mi pahs]
a Tepin koasoi pahn mwotomwot sang minit ehu, oh mwurin mwo, peidek oh pasapeng kan pahn wiawi.
b Tepin koasoi pahn mwotomwot sang minit ehu, oh mwurin mwo, peidek oh pasapeng kan pahn wiawi.
c Tepin koasoi pahn mwotomwot sang minit ehu, oh mwurin mwo, peidek oh pasapeng kan pahn wiawi.
d Tepin koasoi pahn mwotomwot sang minit ehu, oh mwurin mwo, peidek oh pasapeng kan pahn wiawi.
e Tepin koasoi pahn mwotomwot sang minit ehu, oh mwurin mwo, peidek oh pasapeng kan pahn wiawi.
f Tepin koasoi pahn mwotomwot sang minit ehu, oh mwurin mwo, peidek oh pasapeng kan pahn wiawi.