Koasoandi en Service Mihding
Wihk me Tepida August 11
10 min: Pakair kan en sahpwet. Idek rehn tohnmwomwohdiso mehnia artikel nan makasihn kapw me re lemeleme aramas kan pahn perenki wadek nan wasahn kalohk. Luke irail en koasoia ire kan nan artikel me re pahn doadoahngki. Peidek dah kan me re kak doadoahngki pwe ren tepihada koasoakoasoi? Mehnia iren Paipel me mi nan artikel re kak wadek? Koasoanehdi ekei kamwomwada ong iaduwen kitail kak doadoahngki padahk pwukat.
15 min: Wonlahte Wia Kupwuren Koht. Padahk pahn wiawi me poahsoankihda pwuhken “Come Be My Follower,” (Kohdo Iangiehla) pali 93-94, parakrap 12-13.
20 min: “Ke Kin Doadoahngki Iren Artikel kan Koaros nan Makasihn?”a Interview emen sounkalohk me kin doadoahngki iren artikel kapw kan nan Kahn Iroir. Kamwomwada ekspirienso.
Wihk me Tepida August 18
10 min: Pakair kan en sahpwet. Ekei pakair kan sang Atail Doadoahk Ong Wehio. Koasoiapene “Prokram Kapw en Kapokon en Circuit.” Ma kak, pakairki rahnen kapokon en circuit me pahn wiawi mwuhr. Katamankin tohnmwomwohdiso en wahdo Kahn Iroir en September 1 oh Awake! en September ong Service Mihding en wihk kohkohdo oh kaunopada en koasoiapene iaduwen kitail kak kihla nan wasahn kalohk.
20 min: Atail Likou oh Mwomwen Atail Kapwat en Kawauwih Siohwa. Emen elder me pahn wia padahk. Pwehki Siohwa iei Koht sarawi men, mwakelekel en paliwar uhdahn mehkot anahn ong sapwellime aramas akan. (Eks. 30:17-21; 40:30-32) Sang ni atail likou oh kapwat ahpw keieu nan wasahn kalohk, kitail pahn kaperenda Siohwa oh wahdohng ih kaping. (1 Pit. 2:12) Ni pali teio, ma kitail sohte kapwaiada met, kak kahrehiong ‘emen en lahlahwehki mahseno sang rehn Koht.’ (Taitus 2:5) Kasalehda ekspiriens nan atail wasa de sang neitail pwuhk kan me kasalehda mehn kahlemeng mwahu en sounkalohk men me imwikihla kadehde mwahu.
15 min: Me Pwulopwul kan me Kin Kihda Kadehde Mwahu. Padahk en kangoang ong pahpa oh nohno kan oh seri kan me pahn kereniong pwurala sukuhl. Katamankin me pwulopwul kan en isaneki ahnsou mwahu en kalohk ong ienge tohnsukuhl. Ma mie ahnsou, luke tohnmwomwohdiso en kihda iaduwen re kin iang kalohk ni ahnsou me re iang sukuhl.
Wihk me Tepida August 25
15 min: Pakair kan en sahpwet. Wadek ripoht en mwohni oh kisinlikou sang Society me kasalehda kalahnganki sawas me mwomwohdiso kihda. Koasoiapene duwen “Prokram Kapw en Kapokon en Rahn Tohrohr,” oh ma dehdehier, pakairki rahnen kapokon en rahn tohrohr.
15 min: Anahn en sahpwet.
15 min: Kaunopada en kihla makasihn en Kahn Iroir en September 1 oh Awake! en September. Tohnmwomwohdiso pahn iang koasoia ire wet. Kousapahlih makasihn kan ni ahnsou mwotomwot, oh idek rehrail mehnia artikel me aramas pahn perenki wadek nan wasahn kalohk. Peidek oh iren Paipel dah kan kitail kak doadoahngki en tepihada koasoiong tohnihmwo? Wia kamwomwada iaduwen kitail kak doadoahngki padahk sang Atail Doadoahk Ong Wehio. Emen elder pahn wia kamwomwada mwotomwot ehu me e kaunopada en padahngki me poahsoankihda artikel me aramas pahn perenki wadek nan wasahn kalohk.
Wihk me Tepida September 1
10 min: Pakair kan en sahpwet. Katamankin sounkalohk kan en kapidelong neirail ripoht en kalohk en August.
20 min: Kelehpwla Ahpw Sohte Manokonokla. Padahk pahn wiawi poahsoankihda The Watchtower en lokaiahn wai en April 15, 2008 pali 25-28. Koasoia duwen irail Kristian kan nan mwomwohdiso me kin kousoan nan imwen me mah kan. Ma sohte, doadoahngki mouren kaweid nan artikel pwehn kangoange tohnmwomwohdiso en kihda sawas ong irail kan me ahneki kahpwal en paliwar de me soumwahu me sohte kak iang wiawi en mwomwohdiso kan.
15 min: Wiahda mehn akadei en kihla pwuhken Loalokong pwehn tepihada ehu onop en Paipel. Tohnmwomwohdiso pahn iang koasoia ire wet. Erein sounpwong en September kitail pahn kihla pwuhken Loalokong. Kousapahlih padahk kan nan Atail Doadoahk Ong Wehio en January 2005 oh kamwomwada iaduwen en tepihada onop en Paipel ni ahnsou me ke pahn pwurehng pwurala.
[Nting tikitik me mi pah]
a Tepin koasoi pahn mwotomwot sang minit ehu, oh mwurin mwo, peidek oh pasapeng kan pahn wiawi.