Wihk me Tepida June 28
WIHK ME TEPIDA JUNE 28
□ Onop en Paipel en Mwomwohdiso:
□ Sukuhl ong Sapwellimen Koht Doadoahk:
Wadawad en Paipel: 1 Nanmwarki 3-6
Kousapahl en Sukuhl ong Sapwellimen Koht Doadoahk
□ Mihting en Kalohk:
5 min: Pakair kan.
15 min: Kaunopada en kihla Kahn Iroir nan July. Tohnmwomwohdiso pahn iang koasoia ire wet. Doadoahngki minit ehu de riau pwehn kousapahlih audepen makasihno. Pilada ire riau de siluh oh idek rehn tohnmwomwohdiso mehnia peidek kan oh iren Paipel kan me re kak doadoahngki. Kamwomwada ia duwen atail kak kihla makasihno. Ni kaimwiseklahn padahk wet, wia pil ehu kamwomwada pwehn kasalehda ia duwen atail kak tepida onop en Paipel ni atail pahn pwurehng pwurala rehn tohnihmwo.—Kilang km 8/07 p. 3.
15 min: Kaiahnda Sangete Kisin Seri Pwelel. Tohnmwomwohdiso pahn iang koasoia ire wet. Timoty iei emen sounkalohk ngoang oh koahiek. (Pil. 2:20-22) Met pwehki pil sawas me kohsang rehn eh nohno oh nohno kahlap sangete ni eh wia seri pwelel men. (2 Tim. 1:5; 3:15) Iren Paipel pwukat pahn sewese pahpa oh nohno kan en kaiahnehda neirail seri kan en wiahla sounkalohk mwahu kei. (1) Wa noumw seri pwehn iang kalohk sangete ni eh tikitik; kaiahne ih nin duwen me konehng eh sounpar oh koahiek. (Lep. Pad. 22:6) (2) Wiahda mehn kahlemeng mwahu ni omw kin wiahki doadoahk en kalohk me keieu kesempwal. (Pil. 1:9, 10) (3) Kakairada arail limpoak oh kalahngan ong doadoahk en kalohk ni ahnsoun Kaudok en Peneinei oh pil ni ahnsou teikan. (Deud. 6:6, 7) (4) Kasalehda soahng mwahu kan duwen kalohk sang ni omw lokaia oh madamadau. (Pil. 3:8; 4:8; 1 Tim. 1:12) (5) Iang kalohk kaukaule nin duwen peneinei ehu oh wiahkihla kalohk omw tiahk ehu. (Wiewia 5:41, 42) (6) Werekiong irail sounkalohk ngoang kan. (Lep. Pad. 13:20) Luke tohnmwomwohdiso en kasalehda soahng kan me arail pahpa oh nohno kin wia me sewese irail en kakairada arail perenki oh pweida mwahu nan kalohk.