Dahme Kitail Kak Koasoia Duwen Makasihn kan
Kahn Iroir October 2010
Koasoia ehu rong me kin wiawi nan atail wasa. Kowe eri nda: “Mie pak ke kin medewe kahrepen aramas ar kin wia soahng suwed pwukat? [Rong pasapeng.] Paipel kin kihong kitail koapworopwor. [Wadek 2 Pit. 3:13.] Makasihn wet kasalehda dahme Paipel mahsanihki duwen kahrepen me suwed akan oh ia duwen Koht eh pahn kaimwisekala soahng suwed kan ahnsou keren.”
Kahn Iroir October 2010
“Ke leme pahn mie ahnsou ehu me solahr emen nin sampah pahn pwurehng wia me suwed? [Rong pasapeng.] Paipel kihong kitail kahrepe mwahu en kamehlele me met uhdahn pahn wiawi. [Wadek Melkahka 37:10, 11.] Makasihn wet kasalehda ia duwen Koht eh pahn ketin wia met.”
Kahn Iroir November 2010
“Aramas koaros nin sampah me mie arail pelien lamalam kin kapakap. Ke lemeleme me Koht kin uhdahn karonge oh sapengla kapakap akan? [Rong pasapeng.] Paipel kin kangoange kitail en kapakap. [Wadek Pilipai 4:6, 7.] Makasihn wet kin kasalehda pasapeng en Paipel ong peidek limau duwen kapakap me aramas kalapw idek.”
Kahn Iroir November 2010
“Ni ahnsou me aramas akan kin kapakapki ‘Kapakap en Samat,’ re kin peki Wehin Koht en ketido. Ia omw madamadau, dahme pahn wiawi ni ahnsou me Wehin Koht pahn ketido? [Rong pasapeng.] Paipel kin padahkihong kitail duwen soahng kaselel kan duwen me pahn wiawi. [Wadek Aiseia 25:8.] Ire wet nan pali 7 kin kawehwehda dahme Wehin Koht pahn wia.”