Ke Kin Kaukaule Tehk Wasahn Langada Pakair?

Elder kan, sounsawas kan oh meteikan me ahneki pwukoa nan mwomwohdiso kin ahnsou koaros tehk wasahn langada pakair pwehn ese iahd arail padahk pahn wiawi. Ahpw koaros nan mwomwohdiso pahn diar ire kesempwal kan wasao. Ke ese iahd amwail pwihn pahn kamwakele Wasahn Kaudok? Mie kisinlikou kesempwal ong mwomwohdiso me sounapwalih me kin seiloak de atail ohpis nan Guam kadarodo? Ke ese oaralap en kapahrek en wehipokon ong wihket pwe ken luke omw tohnsukuhl en Paipel? Mie wekidekla kan me wiawi ong koasoandi en mihting de nan omw pwihnen kalohk? Pali laud en ire pwukat solahr kin pakairda erein mihting, oh mwein elder kan sohte pahn kak padahkihong emenemen sounkalohk kan. Kahrehda, kitail anahne tehk wasahn langada pakair ahnsou koaros. Ma kitail kin wia met, eri kitail kak wiahda mehkoaros “nin duwen me konehng oh koasoandi pwung.”—1 Kor. 14:40.