Kisin Wiepen Padahk kan
Kahn Iroir August 1
“Se pwarodo ni mwotomwot pwehn sewese aramas akan en kak dadaurete pahn kahpwal ehu me kalapw wiawi. Ehu kahpwal me keieu apwal me kin lelohng kitail iei mehlahn emen me kitail poakohng. Ke sou pwungki met? [Mweidohng tohnihmw en sapeng.] Tehk inou kaselel wet sang nan Paipel. [Wadek Kaudiahl 21:3, 4.] Paipel kihong kitail koapworopwor me ehu rahn irail akan me kitail kin poakohng me mehla pahn pwurehng mourda. Makasihn wet kawehwehda ia mwomwen met eh pahn pweida.”
Rohng Mwahu Sang Rehn Koht!
“I pwarodo pwehn kasalehiong uhk uwen mengei en atail kak diarada dahme Koht ketin koasoanedier ong tohnsampah ahnsou kohkohdo. Mie pak me ke medewe ma Koht pahn ketikihsang atail lokolok? [Mweidohng tohnihmw en sapeng.] Kisin pwuhk wet kasalehda wasa nan Paipel me ke kak diarada pasapengpen peidek wet. [Kihong ih pwuhko, oh wadek keieun parakrap nan iren mehn kasukuhl 1, oh pil Seremaia 29:11.] Sang ire pwukat, ke medewe me e uhdahn pwung Koht en ketin kupwurki kitail en ahneki mour ahnsou kohkohdo me pahn mwahusang dahme kitail ahneki ahnsou wet? [Mweidohng tohnihmw en sapeng.] Ma ke mwahuki, ke kak ale noumw pwuhket. Ni ei pahn pwurodo, kita kak koasoiapene keriaun parakrap pwehn diarada pasapeng sang Paipel ong peideket, ‘Ia duwen Koht eh pahn ketikihsang soahng kan me kin kahrehda lokolok?’” Ma mwomwen me mie ahn tohnihmwo ahnsou ni omw tepin tuhwong, kumwa kak wadekpene oh koasoiapene keriaun parakrap oh iren Paipel siluh ko me iang. Koasoanehdi en pwurala pwe kumwa pahn uhd koasoiapene keriaun peidek nan iren mehn kasukuhlo.