Ia Duwe, Sapwellimen Koht Mahsen Kin Manaman nan Omw Mour en Ehuehu Rahn?

Wadawad en Paipel ehuehu rahn kak sewese kitail en ‘poadidi’ oh ‘pwoson en kehlailla.’ (Kol. 2:6, 7) Ahpw, pwe sapwellimen Siohwa Mahsen en manaman nan atail mour, kitail anahne doudouloale oh kapwaiada kaweid kan loale. (Ipru 4:12; Seims 1:22-25) Sosua 1:8 kasalehda ewen kahk siluh ong mwomwen wadawad eh pahn pweida mwahu: (1) Wadek Mahsen en Koht “nin rahn oh nipwong.” (2) Wadek ni ngihl tikitik, me pahn kak kihong omw ahnsou en doudouloale oh medewehla dahme wiewiawi oh irair kan. (3) Nantihong kapwaiada “soahng koaros me ntingdier loale.” Kitail en kaiahneikitailda en kapwaiada kaweid pwukat pwehn kahrehiong kitail en “pweida” oh loalokongla nan atail mour en ehuehu rahn.