Koul en Wehio kan Kin Kahrehda Eimah

Pohl oh Sailas kapingahki Koht koul erein ara mihmi nan imweteng. (Wiewia 16:25) Nan atail ahnsou, riatail Kristian teikan koulki koul en Wehio erein arail mihmi nan imweteng en Sachsenhausen nan Sehmen pahn kaundahn Nazi oh ahnsou me irail kalipilipala Siberia. Mehn kahlemeng pwukat kasalehda ia uwen koul kan ar kin kahrehiong Kristian kan ren eimah ni arail kin lelohng kahpwal kan.

Pwuhken koul kapw me adaneki Koul ni Peren ong Siohwa pahn kereniong wiawihda ni lokaia tohto teikan. Ni ahnsou me e miehda ni atail lokaia, kitail kak wadlikihala nting en koul pwukat ni atail pahn kin praktiski koul kan erein kaudok en peneinei. (Ep. 5:19) Sapwellimen Koht manaman ahpw pahn sewese kitail en tamanda koul pwukat ni ahnsou me kahpwal kan pahn pwarada. Koul en Wehio kan kak sewese kitail en medemedewehte atail koapworopwor. Koul pwukat kak kamwakid kitail ni ahnsou me kitail kin lelohng kahpwal kan. Oh ni ahnsou me kitail kin nsenamwahu, nting en koul kangoang pwukat kak kahrehiong kitail en koul ni peren pwehki irair mwahu en atail mohngiong. (1 Kron. 15:16; Mel. 33:1-3) Eri kitail en wia uwen atail kak en doadoahngki mwahu neitail koul en Wehio kan!

KILANG KISIN KASDO A SONG THAT INSPIRED LABORERS, MWURI SAPENGALA PEIDEK PWUKAT:

• Irair dah kan me kahrehiong Brother Frost en wiahda koul pwoat?

• Ia duwen koulo eh kamwakid brother kan nan imweteng en Sachsenhausen?

• Nan soangen irair en ehuehu rahn dah kan me koul en Wehio kak kakehlaka iuk?

• Mehnia koul en Wehio me ke men wadlikihala?