Watchtower ONLINE LIBRARY
Watchtower
ONLINE LIBRARY
Ponapean
  • PAIPEL
  • SAWASEPEN PAIPEL KAN
  • MIHTING KAN
  • mwbr18 May pp. 1-8
  • Iren Sawas kan ong Doaropwehn Kasukuhl ong Mihting en Mour oh Kalohk

Sohte kasdo ong met

Kupwurmahk, mehkot sapwung en kihda kasdo

  • Iren Sawas kan ong Doaropwehn Kasukuhl ong Mihting en Mour oh Kalohk
  • Iren Sawas kan ong Doaropwehn Kasukuhl ong Mihting en Mour oh Kalohk (2018)
  • Sawaspen Oaralap kan
  • MAY 7-13
  • MAY 14-20
  • MAY 21-27
  • MAY 28–JUNE 3
Iren Sawas kan ong Doaropwehn Kasukuhl ong Mihting en Mour oh Kalohk (2018)
mwbr18 May pp. 1-8

Iren Sawas kan ong Doaropwehn Kasukuhl ong Mihting en Mour oh Kalohk

MAY 7-13

SOAHNG KESEMPWAL KAN SANG MAHSEN EN KOHT | MARK 7-8

“Kapaikada Omw Tuhkehn Kalokolok oh Kin Ideidawehn Ie”

(Mark 8:34, NW) Ih eri malipedohng reh pokono iangahki sapwellime tohnpadahk ko oh mahsanihong irail: “Ma mehmen men idawehniehdo, a en tounmeteikihla pein ih oh kapaikada eh tuhkehn kalokolok oh kin ideidawehn ie.

nwtsty-E mehn onop ong Mr 8:34

en tounmeteikihla pein ih: De “en tounmeteikihla eh pwuhng koaros ong pein ih.” Met kasalehda en emen eh sohla men ahneki pwuhng ong pein ih ahpw e kihong pwuhngo rehn Koht. Lepin lokaiahn Krihk pwukat kak wehwehki “e anahne nda soh ong pein ih,” met me konehng pwehki ele e kak pidada eh nda soh ong eh ineng kan, de eh mehn akadei kan, de dahme mwahuong eh irair. (2Ko 5:14, 15) Mark doadoahngki lepin lokaiahn Krihkohte ni eh kawehwehda en Piter eh kahmahmkihla Sises.​—Mr 14:30, 31, 72.

w92-E 8/1 17 par. 14

Ia Mwomwen Omw Kin Tangatang nan Weir en Mour?

14 Sises Krais mahsanihong tohnpadahk kan oh meteikan me pokonpene, “ma mehmen men idawehniehdo, a en tounmeteikihla pein ih (de, “e anahne nda, ‘Soh’ ong pein ih,” Charles B. Williams) oh kapaikada eh tuhkehn kalokolok oh kin ideidawehn ie.” (Mark 8:34, NW) Ni atail ale luhk wet, kitail anahne kaunopada pwe kitail en “kin ideidawehn” ih, kaidehn pwehki mie keting tohrohr ehu ong liksang dahme kitail kin mwahuki, ahpw pwehki wiewia de pilipil sapwung ehute kak kauwehla mehkoaros me kitail kakairadahr, e pil kakete kauwehla atail koapworopwor en ahnsou kohkohdo. Atail nanpwungmwahu rehn Koht kin ekisekis kekeirda, ahpw kitail kak mwadang sohla ahneki nanpwungmwahu wet ma kitail sohte kanahieng!

w08 10/1 25-26 par. 3-4

Dahme Ke Kak Tounmeteikihla Pwehn Alehdi Mour Soutuk?

3 Ni ahnsowo Sises ketin wia peidek kesempwal riau: “Ia pahn katepehiong aramas, ma e pahn sapwenikihla sampah pokon, e ahpw katihasang uhdahn eh mour?” oh “Dahme emen kak kihda pwe en pwurehng eh mour?” (Mark 8:36, 37) Aramas tohto kin wehwehki pasapeng en peidek keieu-o. E sohte katepe emen en ahneki soahng koaros me sampah kak kihda ahpw en katihasang eh mour. En ahneki kepwe kin katepe ma aramaso pahn momour oh paieki. Sapwellimen Sises peidek keriauo: “Dahme emen kak kihda pwe en pwurehng eh mour?” ele kin katamandohng me kin rongorong ih duwen en Sehdan karaun likamw ni mwehin Sohp: “Aramas kin mweidala mehkoaros me e ahneki pwe en doarehla pein eh mour.” (Sohp 2:4) Ong irail akan me sohte kin kaudokiong Siohwa, ele en Sehdan karaun likamw wet pahn mehlel ong irail. Tohto aramas pahn wia soahng sohte lipilipil, mendahki ma re pahn kauwehla tiahk pwung, pwe irail en kak momour. Ahpw ahn Kristian akan ar madamadau kin weksang met.

4 Kitail ese me Sises sohte ketido pohn sampah pwehn ketikihong kitail roson en paliwar, ahneki kepwe tohto oh mour werei nan koasoandi wet. E ketido pwehn ketikihong kitail koapworopwor en mour kohkohlahte nan sampah kapw ehu oh kitail kin kesempwaliki koapworopwor wet. (Sohn 3:16) Kristian emen kak wehwehki pasapengpen sapwellimen Sises keieun peideko, “Ia pahn katepehiong aramas, ma e pahn sapwenikihla sampah pokon, e ahpw katihasang uhdahn eh mour?” Pasapengo iei me e sohte katepe. (1 Sohn 2:15-17) Pwe en sewese kitail en sapengla sapwellimen Sises peidek keriauo, kitail kak idek rehtail, ‘Ia uwen laud I pahn tounmeteikihla pwe ei koapworopwor en iang mour nan koasoandi kapw en kak pweida?’ Atail pasapeng ong peidek wet, me sansalehr nan mwomwen atail mour, kin kasalehda ia uwen laud en koapworopwor me mih nan mohngiongitail.​—Pil kilang Sohn 12:25.

jy-E 143 par. 4

Ihs me Nein-aramas?

Ei, irail kan me kin idawehn Sises anahne eimah oh tounmetei pwe ren kadehdehda arail warohng kupwuramwahu en Sises. Sises mahsanih: “Mehmen me pahn namenengkin ie oh ei padahk rehn aramas en dih suwed oh dipan wet, ih me Nein-Aramas pahn pil ketin ailehki ni eh pahn ketido ni lingan en Seme iangahki sapwellime tohnleng sarawi kan.” (Mark 8:38) Ei, ni Sises eh pahn ketido, “e ahpw pahn katingih emenemen aramas nin duwen eh wiewia kan.”​—Madiu 16:27.

Raparapahki Soahng Kesempwal kan Sang Mahsen en Koht

w16.08 30 par. 1-4

Peidek kan Sang Sounwadawad kan

Dahme kahrehda omwiomw wia ire laud ehu me sapwellimen Sises imwintihti kan patohwan kalelapek reh?

▪ Ire wet wia ehu rehn ire teikan me sapwellimen Sises imwintihti ko doadoahngki pwehn rapahki sapwung en Sises oh sapwellime tohnpadahk ko. Kosonned en Moseso kasalehda duwen kehkehlik kei me pid tiahk en kamwakel, duwehte kamwakel ong soahng kan me kohsang ni paliwar en aramas, tokutok, oh doahke paliwar en aramas oh mahn mehla kan. Kosonnedo pil kihda kaweid ong ia duwen arail kak kihsang soumwahu de soahng samin kan. Re kak wia met sang ni arail wia meirong, kamwakelki de usupki pihl.​—Lipai, irelaud 11-15; Nempe, irelaud 19.

Sounpadahk en mehn Suhs ko kin kawehwehda ire pisetik koaros en kosonned pwukat. Ehu pwuhk kasalehda me re anahne koasoiapene kahrepen ehuehu soahng samin kan, duwehte “soangen irair dah kan me emen kakete alehdi, ia duwen oh ia uwen laud eh kak doupeseng, dipwisou dah kan me kak de sohte kak saminla, oh wiepe dah me re anahne idawehn pwe ren kamwakelehda soangen samin pwukat.”

Sapwellimen Sises imwintihti kan patohwan kalelapek reh: “Dahme sapwellimomwi tohnpadahk kan sohte kin iangki kapwaiada tiahk kedeudeu en samatail mehn kawa ko, ni ar kin iangete mwenge sohte omwiomw mahs?” (Mark 7:5) Irail imwintihti pwukat sohte koasokoasoia me e pahn suwed ong roson en paliwar ma re sohte omwiomw mwohn mwenge. Nin duwen tiahk, sounpadahk pwuko padahngki me emen anahne wudekidi pihl pohn pehrail kan mwohn arail pahn mwenge. Pwuhko pil kapatahiong: “Irail pil kin akupwungki mehnia dipwisou me re pahn doadoahngki pwehn wudeki pihlo, soangen pihl dah me konehng doadoahngki, ihs me pahn wudeki pihlo, oh ia wasa ni pehrail ko me anahne omwiomw.”

Dahme Sises ketin sapengki soangen kosonned pwukat koaros me pein aramas wiahda? E ketin mahsanihong irail kaunen pelien lamalam en mehn Suhs ko en ahnsowo: “Mehlelete me Aiseia me pwung ni eh kohpadahr duwen amwail mwalaunen, duwen me ntingdiero: ‘Koht mahsanih, aramas pwukat kin kahkahkin ie ni arail lokaia, a kapehdirail kan inenen dohsang ie [Siohwa]. Sohte katepen ar kin kaudokiong ie, pwe re kin padahkihweite kosonned en aramas dene e pwilisang rehn Koht!’ E ahpw pil mahsanih, ‘Kumwail kin kesehla kosonned en Koht, oh kin nsenohkihte kapwaiada tiahk kedeudeu en aramas akan.’”​—Mark 7:6-8.

w00 8/1 23-24 par. 9-11

Ke Kin Audaudki “Kupwuren Krais”?

9 Ohl menet me salengepon oh lohteng. Eri, mwein Sises pehm me ohlo kin salohda de namenek. Sises eri wia mehkot kapwuriamwei. E kahrehsang ohlo nan pokono, oh kahrehla nan wasa me sohte aramas mie. Sises eri doadoahngki kilel ekei pwehn kehsehkin ohlo dahme E pahn wiaiong. E “ahpw ketikihlong nan pwoaren salenge ko sapwellime rekileng ko oh ketiki pilen doauese, oh doahkehki lowen ohlo.” (Mark 7:33) Mwuhr, Sises eri mahsendalahng nanleng oh ketin asmoamoarada. Wiewia pwukat pahn kawehwe ong ohlo, ‘Dahme I pahn wiaiong uhk, iei pwehki manaman me kohsang rehn Koht.’ Ni kaimwisekihla, Sises mahsanih: “Wahsekpeseng!” (Mark 7:34) Ni ahnsowohte, pwoaren salengen ohlo pa wahsekpeseng oh selin loweo pa sapwedekda, ih eri tapihada lokaiahda.

10 Sises kin medemedewe duwen pepehm en aramas teikan! Pwehki e kin nsenohki arail pepehm akan, met kin kamwekid ih en kasalehda sang ni e wiewia kan me e kin nsenohkin arail pepehm akan. Nin duwen Kristian akan, kitail en nantihong kakairada oh kasalehda madamadau en Krais ni ahl wet. Paipel kaweidkinkitail: “Eri, kumwail en kin soangen lamalamteieu oh kupwurteieu; kumwail limpoakpene, kadekpene oh aktikitikpene.” (1 Piter 3:8) Met wehwehki me atail wiewia kan oh lokaia kan pahn anahne kasalehda me kitail kin nsenohki pepehm en mehteikan.

11 Nan mwomwohdiso, kitail kak kasalehda me kitail kin nsenohki pepehm en mehteikan sang ni atail pahn wauneki irail oh wiahiong mehteikan me kitail kin men aramas teikan en kin wiahiong kitail. (Madiu 7:12) Met pahn pidada atail kin kanahieng dahme kitail pahn nda oh ia mwomwen kitail pahn koasoiong aramas teikan. (Kolose 4:6) Tamanda ‘lokaia mwahl kin kauwehla wasa rasehng kedlahs.’ (Lepin Padahk 12:18) Iaduwen nanpwungen tohnpeneinei kan? Ohl pwopwoud oh lih pwopwoud me kin ni mehlel limpoakpene pahn kin nsenohki pepehm en emenemen ira. (Episos 5:33) Re kin liksang doadoahngki lokaia lemei kan, kauwe emenemen, oh lokaia kamedek kan—soangen lokaia kan pahn kak kahrehong pepehm ohla kan en wiawi me pahn apwal en mwahula. Seri kan pil kin ahneki pepehm, oh pahpa oh nohno limpoak kan pahn tehk duwen met. Ni ahnsou me kaiahn anahn, pahpa oh nohno kan pahn kaiahne neirail seri kan ni ahl me pahn kasalehda wahu pwehn dehr kasarohdi irail. (Kolose 3:21) Ni ahnsou kitail kin wauneki mehteikan, kitail kin kasalehda me kitail kin audaudki kupwuren Krais.

MAY 14-20

SOAHNG KESEMPWAL KAN SANG MAHSEN EN KOHT | MARK 9-10

“Kasansal me Kakehlaka Pwoson”

br2 16 par. 9-10

Krais​—Iei Ih me Poahsoanpen Kokohp akan Koaros

9 Sounpar ehu dower sang ni ahnsou me Sises kasalehda duwen mehn kadehdepen ah wia Mesaia. Pahsohpa en sounparo nekier me iei pahr 32 C.E. Tohto en irail me kamehlele ih mahs solahr idawehn, mwein pwehki kalokolok kan, de noahrok kepwehn sampah, de pil kapwunod en mour me kahrehda. Ekei mwein pil pingada de pil nsensuwedla pwehki Sises ah soikala ahn aramas akan ahr men Sises en wiahla nanmwarki. Ni ahnsou me irail kaun en pelien lamalam en mehn Suhs kan karaune Sises, e sohte men wiahda ehu manaman pwehn kadehde pein ih oh kalinganahda pein ih. (Madiu 12:38, 39) E kahng wia soahng pwukat kahrehong ekei en pwonopwonkihda. Me pil patehng met, Sises tepida kasalehiong sapwellime kan mehkot me irail apwal en wehwehki​—“e uhdahn pahn kohdalahng Serusalem oh ale lokolok laud sang rehn soumas oh samworo lapalap oh sounkawehwehn Kosonnedo kan, oh kamakamala.”​—Madiu 16:21-23.

10 Mwurin sounpwong duau de eisek e pahn wia ahnsou “ong [Sises] en mweselsang sampah wet oh ketilahng rehn Seme.” (Sohn 13:1) Pwehki ah kin nsenohki mehlel sapwellime lelepek kan, Sises inoukihong irail me e pahn mie mehn kadehde sang nanleng, ahpw sohte kihong met ong irail mehn Suhs salelepek kan. Sises mahsanih, “Kumwail en ese pwe ekei me iang mihmi met, re sohte pahn mehla, irail lao pahn kilang Nein-Aramas eh pahn ketido nin duwen Nanmwarki men.” (Madiu 16:28) E sansal me Sises sohte mahsanih me ekei sapwellime tohnpadahk kan pahn momour lel ahnsou me Wehin Mesaia pahn wiawihda me iei pahr 1914. Sises kin medemedewe en kasalehong irail sapwellime tohnpadahk silimen me e keieu karanih mwomwen ah pahn linganla ni ah pahn wiahla kaun en Wehio. E wia met ni ah linganla mwohrail.

br2 16 par. 11

Krais​—Iei Ih me Poahsoanpen Kokohp akan Koaros

11 Rahn weneu mwuri, Sises kahrehda Piter, Seims, oh Sohn pohn nahna ile​—en Hermon. Wasao, Sises “linganla mwohrail oh silangi marainla duwehla ketipin, oh ah likou liki kan linganla duwehte marain.” Soukohp Moses oh Elaisa pil iang ket wasao oh mahsen ong Sises. Wiewia kapwuriamwei wet kakete wiawi ni pwong me pahn kahrehong wiewiaho en uhdahn sansal. Wiewia wet mwomwen uhdahn mehlel me kahrehong Piter peki en kauwada ihmw likou silu ong Sises, Moses, oh Elaisa. Ni Piter eh wia lokolokaia, depwek lingan ehu ahpw mihla pohrail oh ngihl ehu sang nan depweko mahsanih: “Iei met nei pwutak kompoake me I kin popohlki​—kumwail rong sapwellime padahk.”​—Madiu 17:1-6.

nwtsty-E mehn onop ong Mr 9:7

ngihl ehu: Keriapak en ahnsou siluh ko nan Pwuhken Rongamwahu me Siohwa ketin mahseniong aramas akan ni sansal.​—Kilang mehn onop kan ong Mr 1:11; Soh 12:28.

Raparapahki Soahng Kesempwal kan Sang Mahsen en Koht

w08 2/1 32 par. 8

Ire Kesempwal akan Sang nan Pwuhken Mark

10:6-9. Kupwuren Koht ong pwopwoud iei irail me pwopwoudla kan en kin mihmihpene. Ihme kahrehda, ohl pwopwoud oh lih pwopwoud akan anahne en nantihong oh doadoahngki mouren kaweid kan en Paipel pwehn powehdi soangsoangen kahpwal akan me kak pwarada nan ara pwopwoud, ahpw ira en dehr karuwaru oh rapahki en mwadang mweipeseng.​—Mad. 19:4-6.

nwtsty-E mehn onop kan ong Mr 10:17, 18

Sounpadahk Mwahu: E sansal me ohlo doadoahngki lepin lokaia pwukat “Sounpadahk Mwahu” nin duwen daidel ehu en kapohl oh wauneki emen, pwehki kaunen pelien lamalam akan kin men aramas en kihong irail soangen wahu wet. Sises sohte kin ketin sapwungki aramas en esehki ih “Sounpadahk” oh “Kaun” (Soh 13:13), ahpw e ketikihong wahu koaros ong Semeo.

Sohte emen me mwahu, pwe Kohtete: Sises ketin pohnese me Siohwa sapwellimanki koasoandi me keieu mwahu, Ih me ketin sapwellimanki pwuhng keieu ileile pwe en ketin koasoanehdi dahme mwahu oh dahme suwed. Ni Adam oh Ihp ara uhwong oh kang tuhkehn kehsehki dahme mwahu oh dahme suwed, ira song en ale pwuhng wet. Weksang ira, ni aktikitik Sises ketin mweidohng Semeo en ketin wiahda koasoandi kan. Koht ketin kasalehda oh kawehwehda dahme mwahu sang ni kehkehlik kan nan sapwellime Mahsen.​—Mr 10:19.

MAY 21-27

SOAHNG KESEMPWAL KAN SANG MAHSEN EN KOHT | MARK 11-12

“E Kesehdi Laudsang en Meteikan Koaros”

(Mark 12:41, 42, NW) Oh e ketidi wasa me e kak mahsanih dewen meirongo oh tepida mahmahsanih duwen pokono ar kesekesehdiong mwohni nan dewen meirongo, aramas kepwehpwe tohto ahpw kin kesekesehdiong sent mwaramwer tohto. 42 Liohdi semwehmwe men ahpw kohdo oh kesehdi sent mwaramwer riau.

nwtsty-E mehn onop kan ong Mr 12:41, 42

dewen meirong kan: Doaropwehn roporop en mehn Suhs mahs nda me dewen meirong pwukat, de kohpwa pwukat, mwomwarail duwehte sowi kan, de kode kan, me mie kisin pwoahr tikitik kis powe. Aramas akan kin kesehdiong meirong kan loale. Lepin lokaiahn Krihk me kadoadoahk wasaht pil pwarada nan Soh 8:20, wasa me kawehwehdi “dewen meirong.” Met kin dokedoke wasa ehu me mi nan Wasa ong Lih Akan. (Kilang mehn onop ong Md 27:6 oh sgd-PP 15.) Nin duwen me doaropwehn roporop en Rapai kan kasalehda, dewen meirong 13 kin mi wasa me kapilpene Wasa ong Lih Akan. Ekei kin medewe me pil mie wasahn nekinek mwohni laud ehu nan tehnpas sarawio, wasa me mwohni kan sang nan dewen meirong 13 ko kin kohpene ie.

sent mwaramwer riau: Ni lokaiahn Krihk, “lepta riau.” Lepta kohsang ni lepin lokaiahn Krihko le·ptonʹ, me wehwehki mehkot tikitik oh menipinip. Lepton ehu iei sent mwaramwer ehu me pahrekiong 1/128 en denari ehu oh e sansal me iei sent mwaramwer prons me keieu tikitik me kin kadoadoahk nan Israel.​—Kilang Glossary, “Lepton,” oh sgd-PP 18.

me uhdahn sohte wede: Ni lokaiahn Ipru, “me iei kuadran ehu.” Lepin lokaiahn Krihk ko·dranʹtes (sang ni lepin lokaiahn Latin quadrans) kin dokedoke sent mwaramwer en Rom prons ehu me pahrekiong 1/64 en denari ehu. Wasaht Mark doadoahngki nein mehn Rom mwohni pwe en kawehwehda kesempwalpen sent mwaramwer me mehn Suhs kan kin kalapw doadoahngki.​—Kilang sgd-PP 18.

(Mark 12:43, NW) Ih eri ketin malipedohng reh sapwellime tohnpadahk ko oh mahsanihong irail: “I ndaiong kumwail ni mehlel me liohdi semwehmwe menet kesehdi laudsang en meteikan koaros arail kesehdiong mwohni nan dewen meirongo.

w98 5/1 11-12 par. 16-17

Siohwa Kesempwalki Amwail Papah Ih Ki Mouramwail Unsek

16 Rahn kei mwuri, ni Nisan 11, Sises ketiket rahn ehu pwon nan tehnpas sarawio, wasao me Parisi kan peidengki ah manaman oh e sapengla peidek kan me pid taks, oh kaiasada, oh ire teikan. E kadeikada Sounkawehwehn Kosonnedo oh Parisi kan pwehki, nanpwungen soahng teikan, re kin “adihasang audepen imwen liohdi kan.” (Mark 12:40) Sises eri mwohndi, nan wasao me adaneki Kelen Lih, wasa me tiahk en mehn Suhs kan ki kose me, mie kohpwahn nekinek 13 kin mih mwo. Sises eri mwomwohd wasao ahnsou kis, mahmahsanih aramas akan ahr kesehdiong nair mwohni ko nan dewen meirongo. Aramas kepwehpwe kidalap kohdo, ekei ele ni mwomwen me re uhdahn pwung, ekei ni mwomwen suwei. (Pil tehk Madiu 6:2) Sises eri mahsanihada lih emen. Aramas akan ele sohte kilang mehkot tohrohr rehn liho de ah kisakiso. Ahpw Sises, me kin mwahngih mohngiong en mehteikan, mwahngih me e wia “liohdi semwehmwe men.” E pil mwahngih ia uwen ah kisakiso​—“sens toantoal riau.”​—Mark 12:41, 42.

17 Sises ekerpene sapwellime tohnpadahk kan, pwe e men ren uhdahn kilang mehn kasukuhlo me e pahn padahngki. Liho “kesehdiong eh meirong me inenen laud sang en mehteikan koaros,” Sises mahsanih. Nan ahn Sises madamadau, liho kesehdi laud sang dahme aramas ko koaros kesehdi. Liho kihda “mehkoaros me e ahneki​—nah mwohni kan koaros. Ni ah wia met, e pwilikihdi pein ih nan epwelpen nin limen Siohwa. Aramaso me wia mehn kalimeng en wia tohnmetei ong Koht, iei meno me ah kisakis sohte pweilaud. Ahpw, mwohn silangen Koht, ah kisakiso me inenen pweilaud!​—Mark 12:43, 44; Seims 1:27

(Mark 12:44, NW) Pwe irail koaros kesehdi sang peisengen nair mwohni, ahpw liho, mendahki eh semwehmwe, kesehdi mehkoaros me e ahneki oh momourki.”

w98 5/1 12 par. 17

Siohwa Kesempwalki Amwail Papah Ih Ki Mouramwail Unsek

17 Sises ekerpene sapwellime tohnpadahk kan, pwe e men ren uhdahn kilang mehn kasukuhlo me e pahn padahngki. Liho “kesehdiong eh meirong me inenen laud sang en mehteikan koaros,” Sises mahsanih. Nan ahn Sises madamadau, liho kesehdi laud sang dahme aramas ko koaros kesehdi. Liho kihda “mehkoaros me e ahneki​—nah mwohni kan koaros. Ni ah wia met, e pwilikihdi pein ih nan epwelpen nin limen Siohwa. Aramaso me wia mehn kalimeng en wia tohnmetei ong Koht, iei meno me ah kisakis sohte pweilaud. Ahpw, mwohn silangen Koht, ah kisakiso me inenen pweilaud!​—Mark 12:43, 44; Seims 1:27

w87-E 12/1 30 par. 1

Omw Kin Kihda Sawas Wia Tounmetei ehu?

Mie mehn kasukuhl tohto me kitail kak sukuhlkihsang ire wet. Ahpw me keieu kesempwal, mwein ele ni kitail koaros atail ahneki pwais en utungada kaudok mehlel sang atail kepwe kan, dahme keieu kesempwal mwohn silangin Koht iei, me kitail kihong dahme kesempwal rehtail, ahpw kaidehn en kihong ih soahng kan me kitail sohte anahne. De ia duwe, kitail kin kihong ih mehkot me kitail sohte nsenohki ma kitail sohla ahneki? De atail kin kihda sawas wia tounmetei mehlel ehu?

cl-E 185 par. 15

Erpit nan “Mahsen en Koht”

15 E sou kapwuriamwei me nanpwungen aramas ako koaros me kohdo ni tehnpas sarawio rahno, liohdi menet kelehpw me Paipel mahsanih duwe? Sang ni karasaras wet, Siohwa ketin padahkihong kitail me ih Koht en kalahngan men. E kin ketin kupwurperenki atail kihda kisakis sang ni mouritail unsek, mehnda ma e tikitik de laudsang dahme meteikan kak kihda. Sohte ahl ehu me mwahusang Siohwa en ketin padahkihong kitail ire mehlel kansenamwahu wet!

Raparapahki Soahng Kesempwal kan Sang Mahsen en Koht

(Mark 11:17, NW) E ketin padapadahk oh mahmahsanihong irail: “E sou ntingdier, ‘Tehnpesei pahn adaneki tehnpesen kapakap ong wehi koaros’? Ahpw kumwail wiahkilahr dewen lipirap akan.”

nwtsty-E mehn onop ong Mr 11:17

tehnpesen kapakap ong wehi koaros: Nanpwungen sounnting en Rongamwahu silimeno me koasoia Ais 56:7, Mark kelehpw me kapatahiong ireo “ong wehi koaros [aramas koaros].” (Md 21:13; Luk 19:46) Tehnpas sarawio nan Serusalem wiawihda pwehn wia wasa ehu me mehn Israel kan oh mehn liki kan me kin lemmwiki Koht pahn kak kaudokiong oh kapakap ong Siohwa. (1Na 8:41-43) Ni pwung Sises ketin kadeikada mehn Suhs akan me doadoahngki tehnpas sarawio ong netinet ni ar wiahkilahr “dewen lipirap akan.” Arail mwekid kan kahrehiong aramas en wehi kan koaros ren sohla men kohla rehn Siohwa nan sapwellime tehnpas en kapakapo, met kihsang arail ahnsou mwahu en esehla ih.

(Mark 11:27, 28, NW) Irail pwuralahng Serusalem. Oh ni eh ketiketseli nan tehnpas sarawio, kaunen samworo ko oh sounkawehwehn Kosonnedo ko oh ohl mah ko ahpw kohdo 28 oh ndaiong ih: “Ni manaman dahieu me ke kin wia soahng pwukat? De ihs me kihong uhk manaman wet pwe ken wia soahng pwukat?”

jy-E 244 par. 7

Tuhke Pik Pwoat Kin Kadoadoahk Pwehn Padahngki Mehn Kasukuhl Ehu Duwen Pwoson

Sohte pwand, Sises oh sapwellime tohnpadahk ko lella Serusalem. Nin duwen sapwellime tiahk, Sises ketila ni tehnpas sarawio oh tapiada padapadahk. Kaunen samworo ko oh ohl mah kan en aramas ako, ele medemedewe dahme Sises ketin wiahiong sounkawilian mwohni ko rahn mwoweo, ni arail kasonge ih, nda: “Ni manaman dahieu me ke kin wia soahng pwukat? De ihs me kihong uhk manaman wet pwe ken wia soahng pwukat?”​—Mark 11:28, NW.

MAY 28–JUNE 3

SOAHNG KESEMPWAL KAN SANG MAHSEN EN KOHT | MARK 13-14

“Dehr Lohdi Pahn Masak Aramas”

ia-E 200 par. 14

E Esehla Mahk Sang Rehn Soumaso

14 Piter kin kanahieng eh kahk kan ni eh kohkohdahla lel ni ewen kelen ehu ihmw laud kan nan Serusalem. Ihmwo imwen samworo lapalap kepwehpwe Kaiapas. Soangen ihmw pwukat kin kelepene wasa ehu me wehwe, oh mie ewen kehl mwowe. Piter lel ni ewen kehlo oh e sohte mweimwei en pedolong. Sohn me ese samworo lapalapo mihmihier loaleo, ahpw kohdo ndaiong sounsilepen wenihmwo en mweidolong Piter. E mwomwen me Piter sohte karanih Sohn; de pil song en pedolong nan ihmwo pwe en kesihnen limwahn eh Soumaso. E mihmihte nan wasa wehweo, wasa me ekei lidu oh ladu ko wie kerekereng limwahn kisinieio pwehki pwohngo me kopou. Oh e kilikilang sounkadehde likamw ko me uhwong Sises ar kin kaparolong oh kapariei sang nan ihmwo.​—Mark 14:54-57; Sohn 18:15, 16, 18.

it-2-E 619 par. 6

Piter

Piter lella nan wasa wehwe me kelepeneo ni emen tohnpadahk ko sewese ih oh idawehn de iangih kohla ni imwen samworo lapalapo. (Soh 18:15, 16) E sohte rukurukte nan keimw rotorot kei, ahpw e kohla oh kereng ni kisinieio. Lingen kisinieio kahrehda meteikan en kasawihada me ih emen iengen Sises ko, oh kalaudehla arail mwelikih me e ngoaren mehn Kalili. Pak siluh Piter kahmahmkihla me e sehse Sises, oh ni imwila e kahukihla me e sehse Sises. Wasakis nan kahnimwo, malek emen kakorot keriapak, oh Sises ketin “pirekek oh sohpeidohng Piter.” Piter eri kohieila likio, uhdahn nsensuwedla oh sengiseng laud. (Md 26:69-75; Mr 14:66-72; Lu 22:54-62 NW; Soh 18:17, 18; kilang COCKCROWING; OATH.) Ahpw Sises eh ketin loulouki Piter mwoweo ni ngidingid pasapengla ni en Piter eh pwosono eh sohte luwetala douluhl.​—Lu 22:31, 32.

Raparapahki Soahng Kesempwal kan Sang Mahsen en Koht

w08 2/1 32 par. 6

Ire Kesempwal akan Sang nan Pwuhken Mark

14:51, 52​—Ihs mwahnakapw me “tangdoaui kilisou”? Pwehki Mark kelehpw me koasoiahda duwen met, kitail kak ni pwung nda me e koasoakoasoia pein ih.

jy-E 287 par. 4

Sises Wisikla Rehn Anas, Mwuri Rehn Kaiapas

Kaiapas kin ese me mehn Suhs akan kin kehlingeringerki ma emen kin nda me ih Sapwellimen Koht Ohl. Mahs, ni Sises eh mahsanih me Seme Koht, mehn Suhs akan men kemehla ih pwehki re kin nda me e ketin “kapahrekiong pein ih Koht.” (Sohn 5:17, 18; 10:31-39) Pwehki Kaiapas ese duwen en mehn Suhs ko pepehm, ni widing e ndaiong Sises: “Ni mwaren Koht ieias, komwi kahukihong kiht ma iei komwi Mesaiao, Sapwellimen Koht?” (Madiu 26:63) Ni mehlel, Sises ketin pohnese me ih iei Sapwellimen Koht Ohl. (Sohn 3:18; 5:25; 11:4) Ma e sohte pohnese met, eri aramas pahn kak medewe me e kahmahmkihla me ih iei Sapwellimen Koht Ohl oh Krais. Sises eri mahsanih: “Ei maing; oh kumwail pahn kilang Nein-aramas eh pahn ketidiong ni palimaun en manaman oh ketiket kohdo iang depwek kan en nanleng.”​—Mark 14:62, NW.

    Pwuhk kan en lokaiahn Pohnpei (1987-2025)
    Log Out
    Log In
    • Ponapean
    • Share
    • Me Ke Mwahuki
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Settings
    • JW.ORG
    • Log In
    Share