Iren Sawas kan ong Doaropwehn Kasukuhl ong Mihting en Mour oh Kalohk
October 7-13
SOAHNG KESEMPWAL KAN SANG MAHSEN EN KOHT | SEIMS 3–5
“Kasalehda Erpit en Koht”
cl-E 221-222 par. 9-10
“Erpit Sang Powe” Kin Doadoahk Nan Omw Mour?
9 “Mwohn mehkoaros me mwakelekel.” Pwe en kin mwakelekel kin wehwehki mwakelekel ni kaidehn ihte masliki ahpw pil masloale. Paipel kin kadokepene erpit oh mohngiong, ahpw erpit sang nanleng sohte kak audehda mohngiong ehu me saminkihla madamadau suwed kan, ineng suwed kan oh koasoandi suwed kan. (Lepin Padahk 2:10; Madiu 15:19, 20) Ahpw ma atail mohngiong kin mwakelekel—me iei, mwakelekel ni uwen me kak ong aramas soh unsek kan—kitail pahn “sohpeisang me suwed, oh wia me mwahu.” (Melkahka 37:27; Lepin Padahk 3:7) E sou konehng me mwakelekel me tepin kileldi nan irekidien irair kan en erpit? Pwe ma atail mour oh kaudok sohte kin mwakelekel, ia duwen atail kak uhdahn kasalehda irair teikan en erpit sang powe?
10 “A mwuri popohl.” Erpit en nanleng kin kamwakid kitail en nantihong wiahda popohl, me iei kisehn wahn sapwellimen Koht manaman. (Kalesia 5:22) Kitail kin nantihong dehr kauwehla ‘‘popohl’’ me kin kaminiminpene sapwellimen Siohwa aramas akan. (Episos 4:3) Kitail pil kin wia uwen atail kak koaros pwehn kapwurehdo popohl ni ahnsou me popohl sohla mie. Dahme kahrehda met kin kesempwal? Paipel mahsanih: “Kumwail pousehlahte . . . momour ni popohl; oh Koht en limpoak oh popohl pahn kin ketin ieiang kumwail.” (2 Korint 13:11) Eri ni atail kin pousehlahte momour ni popohl, Koht en popohl pahn kin ketin ieiang kitail. Mwomwen atail wiewia ong iengatail tohnkaudok kan kin pidada laud atail nanpwungmwahu rehn Siohwa. Ia duwen atail kak kadehdehiong pein kitail me kitail aramas ekei me kin wiahda popohl? Medewehla ehu karasaras.
cl-E 223-224 par. 12
“Erpit Sang Powe” Kin Doadoahk nan Omw Mour?
12 “Toupahrek.” Ia wehwehn en kin toupahrek? Ekei semen kan koasoia me e apwal en kawehwe uhdahn lepin lokaiahn Krihso me kawehwehdiong “toupahrek,” nan Seims 3:17. Sounkawehwe kan kin doadoahngki soangen lepin lokaia kan me duwehte, “mpahi,” “kanengamah” oh “nsenoh.” Nting tikitik kan en New World Translation kasalehda me uhdahn wehwehn lepin lokaiao iei “mweidohng.” Ia duwen atail kak kasalehda me irair en erpit wet me kohsang powe kin doadoahk rehtail?
cl-E 224-225 par. 14-15
“Erpit Sang Powe” Kin Doadoahk nan Omw Mour?
14 “Kin men peik.” Lepin lokaiahn Krihso me kawehwehdiong “kin men peik” sohte mi nan ehu wasa tohrohr en Palien Paipel ni Lokaiahn Krihs. Emen semen koasoia me lepin lokaia wet “kin kalapw kadoadoahk ong kaiahn en sounpei.” E kin kihda madamadau en “mengei en kawekila eh lamalam” oh “kin uhpah.” Aramas emen me erpit sang powe kin kaunda kin mwadang uhpahiong dahme Paipel kin mahsanih. Soangen aramas menet kaidehn soangen aramas me kin koasoanedier dahme e medewe oh eri kahng mwekidki ire mehlel kan me uhwong dahme e kin medemedeweo. Ahpw e kin mwadang en wekidala eh madamadau ni ahnsou me e alehdi mehn kadehde sansal ehu sang nan Paipel me kasalehiong ih me e wiahda kahk sapwung ehu de madamadau sapwung ehu. Ih met me meteikan kin esehkin uhk?
“Diren Kadek Kalahngan oh Wiewia Mwahu”
15 “Diren kadek kalahngan oh wiewia mwahu.” Kalahngan iei ehu kisehn erpit sang powe me kesempwal, pwe soangen erpit wet kin wehwehki “diren kalahngan.” Tehk pwe “kadek kalahngan” oh “wiewia mwahu” ira koaros patpene. Met konehng, pwe nan Paipel, kadek kalahngan kin kalapw dokedoke nsenohki meteikan me sansal sang wiewia, soangen pepehm en poakehla me kin kapwarehda wiewiahn kadek tohto. Ehu pwuhk kawehwehdi kadek kalahngan nin duwen “pepehm en pahtoukihla en emen eh lelohng irair suwed ehu oh kin song en wia mehkot duwen met.” Kahrehda, erpit en Koht kaidehn mehkot me kasangat, sohte kadek, de e wiahte mehkot loalokong. Ahpw e kin kasalehda limpoak, sang nan eh mohngiong oh wehwehki dahme meteikan kin lelohng. Ia duwen atail kak kasalehda me kitail wia soangen aramas me diren kadek kalahngan?
cl-E 226-227 par. 18-19
“Erpit Sang Powe” Kin Doadoahk nan Omw Mour?
18 “Sohte kin lipilipilki aramas.” Erpit en Koht kin powehdi lipilipilki aramas oh uhki wehi. Ma kitail kin weweidki soangen erpit wet, kitail pahn kin nantihong kihsang nan atail mohngiong soangen pepehm koaros en lipilipilki aramas. (Seims 2:9) Kitail sohte kin kesempwalki meteikan pwehki irail sukuhl laud, de kepwehpwe, de ahneki pwukoa nan mwomwohdiso; kitail sohte pil kin kilengdiong emen rehn iengatail tohnkaudok kan, mehnda ma re pil wia aramas tikitik de semwehmwe kei. Ma Siohwa ketin wiahkier me irail soangen aramas kei me warohng sapwellime limpoak, eri kitail uhdahn pahn wiahkin irail aramas kei me warohng atail limpoak.
19 “Sohte kin mwalaun.” Lepin lokaiahn Krihs ong “mwalaun” kak dokedoke “sounwia sipai men.” Mahsie, sounwia sipai en mehn Krihs oh Rom kan kin doadoahngki kidimas laud kan ni ahnsou me irail kin wia sipai. Kahrehda, lepin lokaiahn Krihs ong “mwalaun” kin kadoadoahk ong emen me kin mwomwehda mehkot, de me kin mwomwehda likamw. Erpit en Koht anahne kamwakid kaidehn ihte mwomwen atail wiewia ong iengatail tohnkaudok kan, ahpw e pil anahne kamwakid mwomwen atail pepehm ong irail.
Raparapahki Soahng Kesempwal kan Sang Mahsen en Koht
w08-E 11/15 20 par. 6
Ire Kesempwal akan Sang nan Pwuhken Seims oh Piter
4:5—Iren Paipel dahieu me Seims koasoakoasoia wasaht? Seims sohte koasoakoasoia iretikitik tohrohr ehu. Ahpw mahsen en Koht pwukat kakete poahsoankihda madamadau me kohsang iren Paipel kan me duwehte Senesis 6:5; 8:21; Lepin padahk 21:10 oh Kalesia 5:17.
Pwoson Kamwekid Kitail en Kanengamah oh Poadidiong Kapakap
8 E wia dihp ehu kauwe emen iengetail me pwoson kan. (Seims 4:11, 12) Ahpw ekei kin kauwe iengerail Kristian kan, ele met pwehki sang ni pein arail lamalam me dene irail me pwung de pwehki re men kasapwilda pein irail ni arail kin mwamwahleki mehteikan. (Melkahka 50:20; Lepin Padahk 3:29) Lepin lokaiahn Krihk me kin kawehwe ‘kauwe’ kin wehwehkiong kailok oh pil wehwehki en kadipe emen daulihla de karaune likamwih emen. Met kin wehwehki kadeikada laud emen Kristian. Iaduwen met kin ‘kauwe kosonned en Koht oh kadeikada’? Eri, sounkawehwehn Kosonnedo oh Parisi kan kin ‘kauwehla kosonned en Koht, pwe re en apwalih mwahu pein arail tiahk kan’ oh kin wia kadeik sang ni pein arail kosonned kan. (Mark 7:1-13) Me rasehng met, ma kitail kin kadeikada riatail Kristian men me Siohwa sohte pahn kadeikada, kitail soh kin ‘kadeikada kosonned en Koht’ oh dipikihda atail mwomwen kin kihkihong me kosonned en Koht sohte itar? Oh ni atail kin sapwung kauwe riatail Kristian men, kitail sohte kin kapwaiada kosonned en limpoak.—Rom 13:8-10.
October 14-20
SOAHNG KESEMPWAL KAN SANG MAHSEN EN KOHT | 1 PITER 1-2
“Kumwail Anahne Sarawihla”
Pweinen Pweipwei Sapahlo—“Kisakis Mwahu” Ehu Sang Samatailo
5 Ia duwen atail kak kasalehda me kitail poakohng mwaren Siohwa? Sang atail wiewia kan. Siohwa ketin kupwurki kitail en sarawi. (Wadek 1 Piter 1:15, 16.) Met wehwehki me kitail pahn kaudokiong ih kelehpw oh peikiong ih sang ni mohngiongitail unsek. Pil ni ahnsou me kitail lelohng kalokolok, kitail kin wia uwen atail kak en mour ni ahl me Siohwa ketin padahkihong kitail. Ni atail mour pahrekiong sapwellimen Siohwa koasoandi kan, kitail kin kalinganahla mwareo. (Mad. 5:14-16) Kitail kin kadehdehda me sapwellimen Siohwa kosonned kan kin mwahu oh me Sehdan likamw. Kitail sohte unsek, eri kitail uhdahn pahn wiahda sapwung kan. Ahpw ni atail kin wia met, kitail kin koluhla oh wia uwen atail kak en uhdi wia soahng kan me kin kauwehla mwaren Siohwa.—Mel. 79:9.
Ia duwen Omw Kak Pilada Mehn Kamweit Mwahu
6 Pohl kaweidki Kristian akan en Rom: “Kumwail dehpa pil mweidohng kisehn paliwaramwail en wiahda dihp.” Pohl pil padahkihong irail en ‘kemehla wiewia kan en paliwararail.’ (Rom 6:12-14; 8:13, NW) Nan kisinlikouohte, Pohl kasalehda ekei ‘wiewia kan en paliwar.’ Me pid aramas suwed kan, e koasoia: “Awarail kan me diren keria suwed.” “Re [“nehrail,” NW] kin mwadang kamadak aramas oh kemehla.” “Re [“masarail,” NW] pil sohte ese duwen lemmwiki Koht.” (Rom 3:13-18) Emen Kristian kak kasaminehla paliwere ma e doadoahngki ‘kisehn paliwere’ ong wiewia suwed kan. Karasepe, ma Kristian emen kin pein pilada en kilang mehkan me samin duwehte kilel suwed kan de tiahk lemei, e pahn “mweidohng [mese] en wiahda dihp,” oh met kin kasaminehla paliwere pwon. Eh kaudok pahn wiahla meirong me sohte mwakelekel oh Koht sohte pahn kupwurki meirong wet. (Deuderonomi 15:21; 1 Piter 1:14-16; 2 Piter 3:11) Ia uwen imwila suwed ong ih pwehki eh pilada mehn kamweit suwed!
Raparapahki Soahng Kesempwal kan Sang Mahsen en Koht
Ire Kesempwal akan Sang nan Pwuhken Seims oh Piter
1:10-12. Tohnleng kan men dehdehkihla padahk rir kan sang Koht me sapwellime soukohp kan en mahs ntingihdier me pid duwen mwomwohdisohn Kristian keidi kan. Ahpw mepwukat sansalda ihte ahnsou me Siohwa ketin tepida doadoahngki mwomwohdiso. (Ep. 3:10) Kitail sou men alasang mehn kahlemeng en tohnleng ko oh nantihong rapahki “sapwellime kupwur rir”?—1 Kor. 2:10.
it-2-E 565 par. 3
Sounapwalih
Sounapwalih me Keieu Lapalap. Keieun Piter 2:25 kasalehda ni sansal me Aiseia 53:6 kin dokedoke irail kan me “rasehng sihpw me salongalahr,” oh Piter eri nda: “Ahpw met kumwail pwurodohng rehn silepen sihpwo oh sounapwalih amwail mour.” Ireo uhdahn kin dokedoke Siohwa Koht, pwehki irail kan me Piter ntingwohng sohte salongala sang Krais Sises, ahpw, pwehki ih irail pwuralahngehr rehn Siohwa Koht, me wia Sounsilepe Lapalap en sapwellime aramas akan. (Me 23:1; 80:1; Ser 23:3; Ese 34:12) Siohwa pil ketin wia sounapwalih, me kin ketin kasawih soahng kan. (Mel 17:3) Doadoahk en keseu (Ni lokaiahn Krihs, e·pi·sko·peʹ) kak pidada kasalepen kadeik me kohsang reh, duwehte ni mwehin tepin Kristian ko, me pid Serusalem, eh sohte dehdehki ahnsoun eh “pahn ale keseu [Ni lokaiahn Krihs, e·pi·sko·peʹ].” (Lu 19:44) De e kak wahdo imwila mwahu oh kamwahu kan, duwehte me wiawihong irail kan me kin kalinganahda Koht ni rahn “me e pahn ketin kasawih aramas akan [Ni lokaiahn Krihs, e·pi·sko·peʹ].”—1Pi 2:12.
October 21-27
SOAHNG KESEMPWAL KAN SANG MAHSEN EN KOHT | 1 PITER 3-5
“Imwin Mehkoaros Kerendohr”
“Mwasamwasahn Pwe Kumwail en Kak Kapakap”
EMEN ohl me kin doadoahk nipwong nda: “Ahnsou me keieu apwal en pepehd iei mwohnte nin sohrahn.” Meteikan me anahne pepehd nipwong ele pahn pwungki dahme e koasoia. Kitail kak karasahiong met duwehte atail ahnsou. Kitail miher ni imwin ahn Sehdan sampah. Met rasehng ahnsou me keieu rotorot oh Kristian kan rahnpwukat anahne nantihong pwe ren kak pepehd. (Rom 13:12) En meirla de sohla nsenohki atail nanpwungmwahu rehn Siohwa pahn uhdahn keper. E kesempwal kitail en “ahneki madamadau pwung” oh pousehlahte ‘mwasamwasahn pwe kitail en kak kapakap.’—1 Pit. 4:7.
w99-E 4/15 22 par. 3
Ia Duwen en Pohnese oh Powehdi Atail Luwet Akan
Eri, tamatamante en wahnpoaron Piter eh kehkehlik limpoako: “Imwin mehkoaros kerendohr. Kahrehda, kumwail en ahneki madamadau pwung oh mwasamwasahn en kin kapakap. Mwohn mehkoaros, kumwail en uhdahn limpoakpene, pwehki limpoak kin pwaindi dihp tohto.” (1 Piter 4:7, 8) E uhdahn mengei en mweidohng soh unsek en meteikan oh pein atail en kin mihla nan atail mohngiong oh madamadau oh wiahla mehn kerempwa oh kadipekelekel. Sehdan kin ese mwahu luwet en aramas akan. Katohrepeseng oh kalowehdi iei ehu wiepen eh loalokong widing kan. Ihme kahrehda kitail anahne mwadang en pwainkihdi soangen dihp pwukat limpoak laud ong emenemen oh dehr “kihong Tepil eh ahnsou mwahu.”—Episos 4:25-27.
Kitail Uhdahn Anahne Kasamwo Meteikan ni Peren!
2 Ehu me Piter kangoangehki rie Kristian kan en wia iei en ‘ritingadahng [“kasamwo,” NW] emenemen irail koaros nan imwarail kan.’ (1 Pit. 4:9) Lepin lokaiahn Krihk wet “kasamwo” kin wehwehki “en perenki de kadekohng aramas akan me kitail sehse.” Ahpw Piter kin kangoange rie Kristian kan en kasamwo “emenemen” mendahki irail esehlahr emenemen de kin ehupene wia soahng kan. Ia duwen ar kasamwo meteikan eh kin kak sewese irail?
3 Met kin kahrehda ren karanihala emenemen. A ia duwen komwi? Ke tamataman ahnsou kan me kaperen en werekiong emen me kasamwo iuk ong imweo? Oh ni ahnsou me ke luke emen ong nan imwomwo, met kin kahrehda kumwail en karanihala emenemen. Ehu ahl mwahu en esehla riatail Kristian kan iei en kasamwo irail. Kristian kan ni mwehin Piter anahne karanihala emenemen pwehki kahpwal kan kin wie lalaudla. Ni “imwin rahn” pwukat, kitail pil anahne wia soahngohte.—2 Tim. 3:1.
Raparapahki Soahng Kesempwal kan Sang Mahsen en Koht
w13-E 6/15 23
Peidek kan Sang Sounwadawad kan
Paipel mahsanih me Sises “ketila oh kalohk ong ngehn akan me selidi.” (1 Pit. 3:19) Ia wehwehn met?
▪ Wahnpoaron Piter kasalehda ngehn pwukat nin duwen irail kan me “sapeik ni mwehin Noha ni ahnsou me Koht ketin awiawih ni kanengamah.” (1 Pit. 3:20) Ni sansal, Piter koasoakoasoia ngehn akan me pilada irail en iang ahn Sehdan uhwongo. Sud koasoia duwen tohnleng kan me “sohte kolokol dewerail ahpw kesehla uhdahn arail wasa,” ni eh nda me Koht “ketin salihiraildi nan rotorot mosul kohkohlahte ong kadeik en rahn lapalapo.”—Sud 6.
Ni ahl dah me ngehn akan sapeikla ni mwehin Nohao? Mwohn Nohliko, tohnleng suwed pwukat alehdi paliwar uduk—mehkot me kaidehn kupwuren Koht ong irail. (Sen. 6:2, 4) Patehng met, tohnleng ko me wia nsenen pwopwoud rehn lih akan kin wia tiahk kasaut ehu. Koht sohte ketin kapikada tohnleng kan ren wia nsenen pwopwoud rehn lih akan. (Sen. 5:2) Tohnleng suwed sapeik pwukat pahn kasohrala ni ahnsou me Koht ketin koasoanehdi. Ahpw met, nin duwen Sud eh koasoia, irail mi nan irair en “rotorot mosul”—duwehte imweteng ni lokaiahn karasaras.
Ahnsou dah oh ia duwen Sises eh ketin kalohk ong “ngehn akan me selidi”? Piter ntingihedi me met wiawi mwurin Sises eh “ketin iasada nin duwen ngehn emen.” (1 Pit. 3:18, 19) Pil, tehk, me Piter koasoia me Sises ketin “kalohk.” Piter koasoiaier mwowe me kalohko wiawi mwohn eh ntingihedi nah keieun kisin likowo. Eri, e mwomwen me ehu ahnsou mwurin sapwellime iasada, Sises ketin wiahda pakair ehu ong ngehn suwed kan me pid kalokolok me uhdahn konehng ren ale. Kaidehn kalohk ehu me pahn kihong irail koapworopwor. E wia kalohkpen kadeik ehu. (Sona 1:1, 2) Ni ahnsou me Sises ketin kasansalehda sapwellime pwoson oh loalopwoat lao lel eh pwoula oh eri ketin iasada, e ketin kamehlelehda me Tepilo uhdahn sohte eh manaman powe. Eri Sises sapwellimaniki kahrepe en wia rongen kadeiko.—Sohn 14:30; 16:8-11.
Ni ahnsou kohkohdo, Sises pahn ketin salihedi oh kesepwekehdiong Sehdan oh pil tohnleng pwukat nan pwoahr loal soh kapi. (Luk 8:30, 31; Kaud. 20:1-3) Lao lel ahnsowo, ngehn sapeik pwukat kin mi nan irair en rotorot mosul, oh irail uhdahn pahn kasohrala.—Kaud. 20:7-10.
Ire Kesempwal akan Sang nan Pwuhken Seims oh Piter
4:6—Ihs “me melahr ako” me “Rongamwahu . . . pil kalohk ong”? Iei irail ko me mehla ‘pwehki arail sapeik kan oh diparail kan,’ de irail kan me sohte ahneki nanpwungmwahu rehn Siohwa mwohn arail rong rongamwahu. (Ep. 2:1) Mwurin arail pwosonla rongamwahu, irail tepida ‘mour’ pwehki irail ahneki nanpwungmwahu reh.
October 28–November 3
SOAHNG KESEMPWAL KAN SANG MAHSEN EN KOHT | 2 PITER 1-3
“Tamatamante Ketidohn Rahnen Siohwa”
Siohwa Pahn “Ketin Sewese Sapwellime Aramas Akan Me Kin Pekipeki Sawas”
11 Ahpw, iaduwen kitail anahne wehwehki sapwellimen Sises mehn kamehlel me Siohwa pahn kahrehiong kopwungpwung en wiawi ni “mwadang”? Mahsen en Koht kin kasalehda me “mendahki [Siohwa] kin ketin kanengamah,” e pahn mwadang kapwaiada kopwungpwung ni ahnsou konehng pahn leledo. (Luk 18:7, 8; 2 Piter 3:9, 10) Ni mwehin Noha, ni ahnsou me Nohliko wiawi, me suwed kan mwadang mwomwla. Pil duwehte, ni mwehin Lohd, ni ahnsou me kisiniei mweredi sang nanleng, irail me suwed kan mwomwla. Sises mahsanih: “Eri, ih duwen me pahn wiawi ni rahnen Nein-Aramas eh pahn sansalda.” (Luk 17:27-30) Pwurehng, me suwed kan pahn mwadangete lelong “apwal laud.” (1 Deselonika 5:2, 3) Ni mehlel, kitail kak uhdahn kamehlele me Siohwa sohte pahn ketin mweidong ahn Sehdan sampah en mihmi rahn ehu reirei sang erein ahnsou me e ketin mweidong pwehki kopwungpwung.
“Rahn Lapalap En Siohwa Kerendohr”
18 Ihme kahrehda wahnpoaron Piter kehkehlik ohng kitail en kasikasik “rahn en Siohwa”! Iaduwen atail pahn wia met? Ehu ahl iei en iang mourki “mour me kin mwakelekel oh kasarawihong Koht.” (2 Piter 3:11, 12) Ni atail pahn kin kedirepwki soahng pwukat, e pahn sewese kitail en kasikasik “rahn en Siohwa.” Lepin lokaia en Krihk kin kawehwehda “en kasikasik” e kin wehwehki “en kamwadangahla.” Kitail sohte kak kamwadangahla ahnsou me luhluhwe lao lel rahn en Siohwa. Ahpw, ni atail pahn kin awiawih rahno, ahnsou pahn mwomwen mwadang ma kitail pahn kin kedirepwki doadoahk en Koht.—1 Korint 15:58.
Raparapahki Soahng Kesempwal kan Sang Mahsen en Koht
Ire Kesempwal akan Sang nan Pwuhken Seims oh Piter
1:16-19—Ihs “usuhn rahn,” iahd me e dakadahr, oh iaduwen kitail ese me met wiawiher? “Usuhn rahn” menet iei Sises Krais mwurin e ketin wiahla Nanmwarki en Wehin Koht. (Kaud. 22:16) Nan pahr 1914, Sises ketin pwarada mwohn kepikipik kan koaros nin duwen Nanmwarki oh Mesaia, rasehng rahn ehu kin rahnpeseng. En Sises ketin lingalingla kin kasalehda me e pahn ketin ale lingan oh manaman en Wehio, oh met pil kin kasalehda me sapwellimen Koht mahsen en kokohp kin likilik. (Mark 9:1-3) En tehk mahsen pwukat kin kamarainihada loalatail oh kitail kak dehdehki me Usuhn rahno dakadahr.
Ire Kesempwal akan Sang nan Pwuhken Seims oh Piter
2:4—Dahkot “ehl” wet, oh iahd irail tohnleng sapeik kan lekdekla loale? Nan lokaiahn Krihk, lepin lokaia “ehl” me kadoadoahk wasaht iei “Tartarus.” Tartarus iei irair ehu me rasehng imweteng me ngehn kante me kak kohla ie, a kaidehn aramas. E wia irair en sohte wehwehki kupwuren Koht kan. Irail me mi nan Tartarus sohte ahneki koapworopwor ong ahnsou kohkohdo. Koht ketin salihdi tohnleng sapeik pwukat nan Tartarus ni mwehin Noha oh irail pahn mihmi nan soangen wasao lao re pahn kasohrala.