SOAHNG KESEMPWAL KAN SANG MAHSEN EN KOHT | EKSODUS 33-34

Sapwellimen Siohwa Irair Kaselel kan

34:5-7

Pwehki Moses wehwehki sapwellimen Siohwa irair kan, Moses kak kanengamahiong mehn Israel kan. Duwehte, ma kitail kalaudehla atail wehwehki sapwellimen Siohwa irair kan, kitail kak mahkohng riatail Kristian kan.

“Kalahngan oh kadek”: Siohwa kin ketin apwalih sapwellime tohnkaudok kan ni limpoak oh nsenoh laud, duwehte pahpa nohno kan ar kin apwalih neirail seri kan
“Sohte kin mwadang lingeringerda”: Siohwa kin ketin kanengamahiong sapwellime ladu kan ni ar kin wiahda sapwung kan oh ketikihong irail ahnsou ren wiahda wekidekla kan
‘Diren limpoak loalopwoat’: Sapwellimen Siohwa limpoak loalopwoat ong sapwellime aramas akan pahn poatopoat

Kilel: Sounkadehdehn Siohwa kan kahlemengih sapwellimen Siohwa irair kan. 1. Elder riemen mwemweitla rehn peneinei ehu ni imwarailo oh ehukihong irail kangoang sang nan Paipel. 2. Sister men kansenamwahwih emen sister me wie sengiseng.

PEIN IDEK REHMW, ‘Ia duwen ei kak kahlemengih sapwellimen Siohwa kalahngan oh kadek?’