SEPTEMBER 15-21

LEPIN PADAHK 31

Koul 135 oh Kapakap | Tepin Koasoi kan (minit 1)

SOAHNG KESEMPWAL KAN SANG MAHSEN EN KOHT

Nohno men mwohd rehn nah serepeino oh koasoakoasoiong ni kadek.

1. Mehn Kasukuhl kan Sang Kaweid Limpoak en Nohno Men

(minit 10)

Padahkihong noumw seri kan duwen kupwuren Siohwa ong pwopwoud oh nsenen pwopwoud (Lep 31:3, 10; w11 2/1 19 par. 7-8)

Padahkihong noumw seri kan ren ahneki sapwellimen Siohwa madamadau ong sakau en wai (Lep 31:4-6; ijwhf artikel 4 par. 11-13)

Padahkihong noumw seri kan ren sewese aramas duwehte me Siohwa kin ketin wia (Lep 31:8, 9; g17.6 9 par. 5)

2. Ire Kesempwal kan

(minit 10)

Lep 31:10-31—Dahme sewese mehn Israel kan ren wadlikihala iretikitik kan sang nan Palien Paipel ni Lokaiahn Ipru? (w92 11/1 11 par. 7-8)

Omw pasapeng
Ire kesempwal dah kan sang wadawad en Paipel en wihket me ke men ehukihong meteikan?

Omw pasapeng

3. Wadawad en Paipel

(minit 4) Lep 31:10-31 (th mehn onop 10)

KAMWAHWIHALA OMW KOAHIEK NAN KALOHK

4. Tepida Koasoiong Emen

(minit 3) KALOHK NI AHNSOU SOHTE LIPILIPIL. Tepida koasoiong emen mwurin eh wia de koasoia mehkot kadek. (lmd iren mehn kasukuhl 5 ire 3)

5. Tepida Koasoiong Emen

(minit 4) IHMW LEL IHMW. Ehukihong ehu ire sang nan “Padahk Mehlel kan me Kitail Kin Perenki Padahngki” nan oaritik A en kisin pwuhko Poakohng Aramas. (lmd iren mehn kasukuhl 1 ire 4)

6. Pwurehng Koasoipene

(minit 5) IHMW LEL IHMW. Luke emen me ale Kahn Iroir No. 1 2025 ong padahk tohrohr me pahn wiawi. (lmd iren mehn kasukuhl 7 ire 4)

MOMOUR NIN DUWEN KRISTIAN KEI

Koul 121

7. Sewese Noumw Seri kan Ren Doadoahngki Computer de Cellphone Ape ni Loalokong

(minit 8) Padahk oh koasoiapene.

Mie pak ke kin kilang kisin seri men doadoahngki app kan nan smartphone de tablet ehu? Seri kan kin kalapw mwomwen mengeiki wia met! Mwein re sohte kin kalapw anahne sawas pwehn esehla doadoahngki mepwukat, ahpw re kin ahnsou koaros anahne sawas pwehn esehla ia duwen arail pahn doadoahngki mepwukat ni loalokong. Ma kowe pahpa nohno men, ia duwen ke kak kaiahnehda noumw seri en doadoahngki dipwisou pwukat ni loalokong?

Kilel ehu sang nan kisin kasdou “The Best Use of Time.” Sophia doadoahngki nah tablet ni eh koamkoammoal ni beach ehu, kahrehda e sohte kilang dolphino me mwadmwadongki mpwei ehu nansedo.

Kasalehda KISIN KASDO The Best Use of Time. Mwuri idek rehn me rongorong kan:

Dahme kahrehda e mwahu en koasoanehdi ia uwen ahnsou kitail pahn doadoahngki computer de cellphone ape?

Omw pasapeng
Soahng dah teikan me kitail anahne wiahda ahnsou ong?

Omw pasapeng

Ni ahnsou me ke pahn wiahda koasoandi kan ong omw peneinei, likih kaweid en Paipel kan, a kaidehn dahme pahpa nohno teikan kin wia. (Kal 6:5) Karasepe, pein idek rehmw:

Nei serio kasaledahr me e kak wiahda pilipil mwahu kan? E sansalehr ong ie me e kin kak toupahrek ni eh kin doadoahngki nei computer de cellphone ape, de me e kakehr pein naineki mepwukat?—1Ko 9:25
I pahn mweidohng nei serio en doadoahngki computer de cellphone ape ni eh kelekelehpw?—Lep 18:1
Mehnia app oh website kan me I pahn mweidohng nei serio en doadoahngki oh mehnia me I sohte pahn mweidohng en doadoahngki?—Ep 5:3-5; Pil 4:8, 9
Ia uwen ahnsou me konehng ien mweidohng en doadoahngki mepwukat pwehn kak mie eh ahnsou en wia soahng teikan me kaperen oh kesempwal?—Ekl 3:1