Sawas Ong Onop

Koasoanehdi Dahme Kesempwal me Ken Onopki Mahs

Kitail koaros sohte atail ahnsou me itar ong pein onop Paipel. Ia duwen atail kak doadoahngki ahnsou wet pwehn uhdahn paiekihda? Keieu, doadoahngki ahnsou me itar ong dahme ke wadewadek. Ke uhdahn pahn paiekihda ma ke onopki kanahieng ire mwotomwot ehu sang omw pahn wadek ni karuaru ire tohto.

Eri, koasoanehdi soahng kei me ken onopki mahs. (Ep. 5:15, 16) Iet ekei iren sawas kan:

• Wadek Paipel rahn koaros. (Mel. 1:2) Ele e mwahu en tepikihda irelaud kan me kitail kin wadek ni ehuehu mihting en nan wihk kan.

• Kaunopada ong Onop en Kahn Iroir oh mihting en nan wihk. Kaunopada mwahu pwe ken iang pasapeng.—Mel. 22:22.

• Menlau pil song en kilang oh wadek soahng teikan, duwehte neitail makasihn kan, kisin kasdo kan, oh soahng teikan me kohda nan jw.org.

• Onopki ire ehu me ke men sukuhlki. Ke kak roporopki duwen kahpwal ehu de peidek ehu me ke ahneki, de koasoipen Paipel ehu me ke men wehwehkihla mwahu. Pwehn ese dahme ke kak roporopki, kohla wasa me nda “Bible Study Activities” nan jw.org.