Me Paipel Kohpada Pweida Mehlel

Paipel kaidehn ihte padahkiong kitail me mehlel kan me wiawiehr mahso ahpw e pil padahkiong kitail dahme pahn wiawi ansou kohkohdo. Aramas sohte kak ese dahme pahn wiawi ansou kohkohdo. Ihme kahrehda kitail ese me Paipel kohsang rehn Koht. Dahme Paipel koasoaia duen ansou kohkohdo?

E koasoaia duen mahwin lapalap en Koht. Nan mahwin wet Koht pahn kamwakelehda sampah sang me suwed oh aramas suwed koaros, ahpw e pahn pere irail ko me papahong ih. Sapwellimen Koht nanmwahrki, Sises Kraist pahn sewesekiong pwe ladu en Koht koaros en paieki meleilei oh insenamwahu, oh pil sohte pahn pwurehng soumwahu de pil mehla.

Kitail en peren pwe Koht pahn wiliakapwi sampah wiahkihla paradais ehu, kaidehn pwung me kitail kak perenki? Ahpw kitail uhdahn anahne wia mehkot ma kitail men mi nan paradais. Nan kaimwisekelahn poadoapoad en pwuhk wet kitail sukuhliki mehkan me kitail en wia pwen paieki kosoandi kasehlel oh kapwuriamwei kan me Koht nekinekid ong irail kan me papahong ih. Ihme ken wadek PALI 8 oh sukuhliki mehkan me Paipel kohpada ong ansou kohkohdo.