Koul 3 (6)

Kalohkwei Rongamwahu Soutuk

(Kaudiahl 14:6-8)

1. Tohnleng en Koht emen pipihr kapil sampah

Rongamwahu soutuk mih reh, wasa ileile.

E mahsanih: ‘Kaping oh lammwi Ih pohn mwoahl.

Ei, kaudok Koht Siohwa oh papah Ih te.

Pwe e lelehr awahn kadeik en Koht Roson;

Keren me suwed kan koaros pahn kehn ah Roson.’

Sounkalohk kan en Koht dehr masak ah eimah

Kalohkwei Rongamwahu wet keren oh pil doh.

2. Oh dahme tohnleng keriemeno mahsanih

Me kiht, Sounkadehde kan, kak en iang wia?

E lohk duwen ohlahn Papilon Lapalap,

Me keren engieng en Koht pahn kauwehla ih.

Siohwa kehkehlik ong kiht en kalohkwei

Duwen kadeik oh kasarawihla pein mware.

Wasahn atail kin kalohk oh padahk me lap’;

Ahpw tohnlengo me pihr nanleng tiheng mwowe.

3. Nein-aramas oh Nah Tohnleng ngederenie

Tepida kadeikada wehi kan ni rahnwet.

Kailongki suwed. Wia mwahu, kumwail sihpw kan.

Lahn Koht kelepw oh kapwaiada ah Mahsen.

Pwukoah me kohwong kiht sang aht Kaun iei kalohk

‘Rongamwahu; pil padahk mehlel en ahn Koht Mahsen.’

Duwen sounkalohk kan kangoang kohwong kitail,

“Iang kaudok Siohwa, papah Ih ni peren.”