Koul 18 (42)
“Iet Iei Ahlo”
(Aiseia 30:20, 21)
1. Kapitien Koht likwer en keid nan ahlo,
Ahlo me Siohwa ket’kihdo rahnwet.
Ahlo me kasehlel me uhdahn tohrohr,
Ki met E piladahng kaweid oh padahk.
Iet ahlo met wasahn aht keid.
Oh dehr awih! Oh dehr pweiek!
Pein salengat se rong likwero sansal mwahu.
Pwehki met sen kin koasoia.
Koht pahn sewese kiht en inenwei mwoht.
Nan ahl kan en me pwung ihme sen weid ie.
2. Ngihl me peidohng mwurit, ia uwen ngihlamwahu,
Pwe aht Sounkaweid Lap ketkihda ah ahl.
Se rong oh wehwehki oh rong kanahieng.
Sen kanahieng pwe aht kahk kan dehr sapwung.
Keid ni ahn Koht padahk mehlel,
Ahl sarawi me lingaling.
Aht mesen pwoson tehk me meleilei pahn lel,
Met Krais kaundahr ki kehl en wehi.
Kitail dehpa alu, wetla maun de meing,
Alu nan elen Koht, s’ahpw pahn kekeir’da.
3. Sen kin kawehwe mwahu elen Siohwa
Ohng irail me pahn rong nan sampah koaros.
Mwuroi kin pihr ni pwihn, rasehng me kin rong
Kohdohng rehn Koht mehlel, Paip oh Wasahn Ruk.
Ahlen ‘Iohwa me meleilei.
Kapit kiht sang sampahn Sehdan.
Nan ahl akan me pwung oh ahl kansenamwahu,
Kahl’walahng kiht mour soh imwi.
Kiht eri sarada oh alu seimek,
Kilangwongte Wehio, wasahn aht kommoal.