Koul 33 (72)
Peren oh Wah kan en Doadoahk ong Wehio
1. Nan doadoahk en atail Koht, Siohwa,
Aht peren sohte me pahrekiong,
Pwe se inengi kalohk Rongamwahu
Pwe sen kak ehukihong meteikan.
Nin duwen me Sises kin mahsanih:
Kisakis wahdo kaperen laud.
Soangen kisakis dah kak mwahu sang met
Padahk mehlel me pahn wahdo mour oh pwung.
2. Pil ni atail lel ni ihmw nan kalohk
Aramas loaumwohmw, soh nseno,
Ahpw se kin kolokol kapehd kehlail
Oh kolokol atail lelepek.
Ma se lelohng kamakam suwed kan
Pwehki mwaren Siohwa, aht Koht,
Sises mahsanih sen luski peren,
Pwe soukohp ko en mahs lelohng soahngohte.
3. Peren laud kin mih nan ‘doahk sarawi
Ni aht keid nan lipwen aht Soumas:
Kehsehki me suwed kan Rahnen Koht,
Oh wahdo wahu ohng Siohwa Koht!
Wah koapworopwor ohng me loal ohla
Ohng sampah soh dihp, saminimin.
Met wahdohng kiht peren, nsenamwahu,
Ei, aht koapworopwor mwahu en mour soutuk.