Iren Mehn Kasukuhl 16

Omwi Pilipil en Papah Koht

Dahme ke anahne wia pwen wiahla koampoakepahn Koht? (1, 2)

Iaduwen ke pahn kak inoukiong omw mour ong Koht? (1)

Iahd ke anahne pepdais? (2)

Iaduwen ke kak alehda kehl en kaukaule lelepek ong Koht? (3)

1. Pwehn wiahla koampoakepahn Koht men, ke anahne loalokongkihla padahk mehlel kan en Paipelo (1 Timoty 2:3, 4), pwoson dahme ke sukuhlikier (Ipru 11:6), kolukihla dihpomw kan (Wiewia 17:30, 31), oh wiliakapwala. (Wiewia 3:19) Mwuri, omw limpoak ong Koht pahn anahne kamwekid uhk en inoukihong omw mour ong ih. Met wehwehki, ahnsou ke kelepw, ke pahn pein wia omw kapakap oh padahkiong Siohwa me ke pahn kihong ih omw mour en kapwaiada kupwure.—Madiu 16:24; 22:37.

2. Mwurin omw pahn inoukihong omw mour ong Koht, ke anahne en pepdais. (Madiu 28:19, 20) Ahnsou emen pahn pepdais, met kin kahesehkin aramas koaros me ke inoukihongehr omw mour ong Siohwa. Eri, pepdais ohngete irail kan me mahier oh kak wiahda pein ahr pilipil en papah Koht. Ni ahnsou emen pahn pepdais, paliware pwon pahn anahne en kaduhdi pahn pihl ni ahnsoukis.a—Mark 1:9, 10; Wiewia 8:36.

3. Mwurin omw wiahda omw inouo, Siohwa pahn kasik ken memourki duwen omw inou. (Melkahka 50:14; Eklesiasdes 5:4, 5) Tepil pahn song en kauiukidi sang omw kin papah Siohwa. (1 Piter 5:8) Ahpw kin karanih Koht ki kapakap. (Pilipai 4:6, 7) Onop sapwellime Mahsen ehu ehu rahn. (Melkahka 1:1-3) Karanih mwomwohdiso. (Ipru 13:17) Ma ke pahn wia met, ke pahn alehdi kehl en kolokolte omw lelepek ong Koht. Erein ahnsou kohkohlahte ke kak wiahda mehkoaros me Koht kupwurki ken wia!

[Nting tikitik kan me mi pah