Ihs Koht Mehlelo?

Koht mehlelo metehmen oh mware iei Siohwa. Paipel mahsanih: “Pwe aramas akan en esehla me komwi, me mwarenki Siohwa, komwi kelehpw me Keieu Lapalap pohn sampah koaros.” (Melkahka 83:18, NW) Ih ngehn emen oh e kin ketiket nanleng, kitail sohte kak kilang ih. E kin ketin poakohng kitail oh e ketin kupwurki kitail en pil poakohng ih. E pil ketin kupwurki kitail en poakohng meteikan. (Madiu 22:35-40) Ih me keieu lapalap oh ih me ketin kapikada mehkoaros.

Koht ketin kapikada mahs pil emen ngehn kehlail. Mwuhr e ketidihdo sampah oh mwarenkihla Sises Krais. Siohwa pil ketin kapikada tohnleng kan.

Siohwa ketin kapikada soahng koaros nanleng . . . oh nin sampah. Kaudiahl 4:11

Siohwa Koht ketin kapikada usu kan oh pil sampah oh soahng koaros me mi loale.​—Senesis 1:1.

E ketin kapikada tepin ohl Adam sang pwehl.​—Senesis 2:7.