PEIDEK 10
Ia Duwen Paipel Eh Kak Sewese Ie?
DAHME KE PAHN WIA?
Medewehla me met wiawi: David alialu nan kousapw ehu nipwong me inenen rotorot. Oh pwehki rotorot, e sohte kak kasawihada kilel kan me mi wasao. E tehkada me e salongalahr. Erein eh alialu kohla e wetlahng ahl me sapwung.
Ma kowe David, dahme ke pahn wia?
UHDI OH MEDEWE!
Mie pilipil kan me ke kak wia:
Peki kaweid.
Doadoahngki dengki.
Alialuhte nan rotorot, koapworopworki me ke pahn diarada wasa me ke kohkohlahng ieo.
E sansal me Pilipil C kaidehn me keieu mwahu.
Pilipil B mwahusang keieuo. Pwe ni mehlel, ke pahn weuwa dengki rehmw erein ahmw alialu, kamakamarainih ahmw ahl.
Paipel pil kak seweseiuk ni ahlohte!
Pwuhk keieu ndand wet kak
kaweid uhk nan kahpwal kan nan ahmw mour
seweseiuk en esehla duwen pein kowe oh wiahla aramas mwahu men
kasalehiong uhk ia duwen ahmw pahn ahneki mour me keieu mwahu
PASAPENG ONG PEIDEK KESEMPWAL KAN NAN MOUR
Sangete ahnsou me kitail esehla lokaia, kitail kin idek peidek kan.
Dahme kahrehda nan wehwe poh mei?
Dahme usu kan wiawihkihda?
Mwuhr kitail kin tepida idek peidek kan duwen soahng kan me kapilkitailpene.
Dahme kahrehda soahng suwed kan kin wiawi?
Dahme kahrehda aramas kin mehla?
Ia duwen ma pasapeng kan mihmihte nan Paipel sangete mahs?
Aramas tohto kin nda me Paipel kin audaudki soai likamw kan, me e sohla kadoadoahk, de e nohn apwal en wehwehki. Ia duwe, met mehlel me pid duwen Paipel, de ihme aramas kin medewehkihong duwen Paipel? E sou irail me alehdi kaweid sapwung?
Karasepe, aramas kin medewe me Paipel mahsanih me Koht me kin ketin kakaun sampah. Ahpw ia duwen met eh kak wiawi? Sampah wet nohn diren kahpwal! Diren medek oh lokolok, soumwahu oh mehla, paisuwed oh kahpwal laud. Ia duwen Koht limpoak men eh kak pwukoahki mepwukat koaros?
Ke men ese pasapeng wet? Ele ke pahn pwuriamweikihla dahme Paipel mahsanih duwen ihs me kaunda sampah!
Mwein ke tehk me kaweid kan me mi nan kisin pwuhk wet kin poahsoandahsang Paipel. Sounkadehdehn Siohwa kan kin kamehlele me Paipel wia mehn kaweid me kitail kak likih. Met pwehki “audepen Pwuhk Sarawi unsek pwilisang rehn Koht, oh e mwahu ong atail doadoahk en padahkihong aramas akan me mehlelo, ong atail peneu ong tiahk sapwung, ong atail kapwungala wiewia sapwung kan.” (2 Timoty 3:16, 17) E mwahu ken pein tehk pwuhk wet me wia pwuhk en mahs ahpw pil ahnsowohte wia pwuhk ehu ong atail ahnsou!