Dahme Ke Kin Medemedewehki Paipel?
Ke pahn nda me Paipel iei . . .
pwuhk ehu me audaudki loalokong en aramas?
pwuhk ehu me audaudki soai likamw?
Mahsen en Koht?
DAHME PAIPEL MAHSANIH
“Audepen Pwuhk Sarawi unsek pwilisang rehn Koht.”—2 Timoty 3:16, Pwuhk Sarawi ni Mahsen en Pohnpei.
DAHME MET KAK WIAHIONG UHK
Sapengala peidek kesempwal kan en mour.—Lepin Padahk 2:1-5.
Kaweid likilik ong mour en ehuehu rahn.—Melkahka 119:105.
Koapworopwor mehlel ong ahnsou kohkohdo.—Rom 15:4.
KITAIL KAK UHDAHN KAMEHLELE DAHME PAIPEL MAHSANIH?
Ei, pwehki kahrepe siluh pwukat:
Uhdahn pahrekpene. Ntingdahn Paipel wiewiahki sounpar daulih 1,600 oh mpen soangsoangen aramas 40 me ntingihada. Pali laud en irail sohte kin tuhpene. Ahpw pwuhko pwon kin pahrekpene ni oaralap kesempwal ehu!
Poadopoad mehlel. Soupoad kan en sampah kin kalapw ekihla arail sohte kin kana. Weksang met, sounnting en Paipel kan kin kasalehda ni sansal pein arail sapwung oh pil sapwung en arail wehi.—2 Kronikel 36:15, 16; Melkahka 51:1-4.
Kokohp me kin pweida. Paipel kohpadahr ohlahn kahnimw en Papilon sounpar 200 mwowe. (Aiseia 13:17-22) E sohte kasalehdahte mwomwen Papilon eh pahn ohla, ahpw pil eden aramas me pahn kalowehdi!—Aiseia 45:1-3.
Kokohp en Paipel tohto teikan pil pweida ni oaritik. Ahpw ia duwe, kaidehn ihme kitail pahn kasik sang Mahsen en Koht?—2 Piter 1:21.
PWEHN MEDEMEDEWE DUWEN
Ia duwen Mahsen en Koht eh kak kamwahwihala omw mour?
Paipel sapengala peidek wet nan AISEIA 48:17, 18 oh 2 TIMOTY 3:16, 17.