Dahkot Wehin Koht?

DAHME PAIPEL MAHSANIH

“Koht en nanleng pahn ketin kauwada mwehi ehu me sohte imwi.”​—Daniel 2:44, Pwuhk Sarawi ni Mahsen en Pohnpei.

“Neitail pwutak emen kohiengkitailehr! Oh e pahn ketin wiahla atail kaun.”​—Aiseia 9:6.

DAHME MET KAK WIAHIONG UHK

• Koperment pwung ehu me ke kak iang paiekihda.—Aiseia 48:17, 18.

• Nan sampah kapw ehu me kohkohdo, ke kak ahneki mour me roson oh unsek oh pil nsenamwahu.—Kaudiahl 21:3, 4.

KITAIL UHDAHN KAK KAMEHLELE DAHME PAIPEL MAHSANIH?

Ei, pwehki kahrepe riau pwukat:

• Sises ketin kasalehda dahme Wehin Koht pahn wia. Sises ketin padahkihong sapwellime tohnpadahk ko ren kapakapki Wehin Koht en ketido oh kupwuren Koht en wiawi nin sampah. (Madiu 6:9, 10) Sises ketin kasalehda ia duwen kapakap wet eh pahn pasapengla.

  Ni Sises eh ketiket sampah, E ketin kamwengehda irail me men mwengehda, kamwahwihala me soumwahu, oh kaiasada me melahr kan! (Madiu 15:29-38; Sohn 11:38-44) Pwehki Sises me pahn wia Kaun en Wehin Koht, eh ketin wia soahng pwukat kasalehda soahng kaselel kan me Wehi wet pahn wiahiong aramas kan.​—Kaudiahl 11:15.

• Irair en sampah wet kadehdehda me Wehin Koht pahn kereniong ketido. Sises ketin kohpada me mwohnte Wehi wet pahn wahdo popohl nin sampah, sampah wet pahn direkihla mahwen, lehk lapalap oh rerrer en sahpw.​—Madiu 24:3, 7.

  Kitail kin kilang soangen irair pwukat rahnwet. Eri kitail kak kamehlele me Wehin Koht pahn kereniong kaimwisekala soangen kahpwal pwukat koaros.